Оңтүстік Қазақстан облысында 2012 – 2020 жылдарға арналған «Қолжетімді тұрғын үй 2020» бағдарламасын

Оңтүстік Қазақстан облысында 2012-2020 жылдарға арналған

«Қолжетімді тұрғын үй - 2020» бағдарламасын жүзеге асыру жоспары

1. 
   Төлқұжаты
   

Атауы	Оңтүстік Қазақстан облысында 2012-2020 жылдарға арналған «Қолжетімді тұрғын үй - 2020» бағдарламасын жүзеге асыру жоспары (бұдан әрі-жоспар)
Жоспарды әзірлеуге негіздеме	«Қолжетімді тұрғын үй - 2020» бағдарламасын бекіту туралы» ҚР Үкіметінің 21.06.2012 жылғы № 821 қаулысын жүзеге асыру
Жоспарды әзірлеуге және жүзеге асыруға жауапты мемлекеттік орган	«Оңтүстік Қазақстан облысының құрылыс басқармасы» ММ
Мақсаты	Халықтың қалың жігі үшін және жас отбасыларға жалдамалы тұрғын үйлердің қолжетімділігін қамтамасыз ететін тұрғын үйлер мен жеке тұрғын үйлер салуды дамыту мәселелерін кешенді шешу.
Міндеттері	Халықты қолжетімді баспанамен қамтамасыз ету мақсатында жаңа тұрғын үйлер салу қаралған, оның ішіндегі негізгі бағыттары: ТҚЖБ арқылы кредиттік тұрғын үйлер. Кезекте тұрғандар үшін жалға берілетін тұрғын үйлер. Жас отбасылар үшін жалға берілетін тұрғын үйлер. «Жұмыспен қамту 2020» бағдарламасы аясында жалға берілетін тұрғын үйлер. «ҚИК» АҚ арқылы жалға берілетін тұрғын үйлер. Коммуналдық тұрғын үйлер. 7. «Самұрық-Қазына» жылжымайтын мүлік қоры» АҚ арқылы берілетін тұрғын үйлер. 8. Инженерлік-коммуникациялық инфрақұры-лым.
Іске асыру мерзімі	2012 – 2020 жылдар
Нысаналы индикаторлары:	Құрылысы 2012-2020 жылдары жүргізілетін тұрғын үйлердің жалпы алаңы – 3 387,2 мың шаршы метр (бұдан әрі-мың ш.м.), оның ішінде: – 767,4 мың ш.м. – республикалық бюджет қаражаттары есебінен салынатын жалға берілетін және кредиттік тұрғын үйлер; - 715,2 мың ш.м. – облыстық бюджет қаражаттары есебінен салынатын коммуналдық тұрғын үйлер; - 1 904,6 мың ш.м. – жеке тұрғын үй салушылар қаржылары есебінен салынатын тұрғын үйлер.
Қаржыландыру көздері мен көлемі	2012-2020 жылдары бюджеттен қарастыруды қажет ететін қаржы көлемі 201 203,7 млн. теңгені құрап отыр, оның ішінде: республикалық бюджеттен - 118 628,7 млн. теңге, оның ішінде: - тұрғынүйқұрылысжинақ жүйесі арқылы салынатын кредиттік тұрғын үйлерге – 14 922,5 млн. теңге; - кезекте тұрғандар үшін жалға берілетін тұрғын үйлер құрылысына – 16 856,4 млн. теңге; - жас отбасылар үшін жалға берілетін тұрғын үйлер құрылысына – 11 842,5 млн. теңге; - «ҚИК» АҚ арқылы салынатын жалға берілетін тұрғын үйлерге - 28 468,2 млн. теңге; - «Жұмыспен қамту - 2020» бағдарламасы бойынша салынатын тұрғын үйлерге - 1539,1 млн. теңге; - Жеке тұрғын үйлерге жүргізілетін инженерлік-коммуникациялық инфрақұрылым құрылысына – 45 000,0 млн.теңге; жергілікті бюджет есебінен 82 575 млн.теңге, оның ішінде: - коммуналдық, кредиттік тұрғын үй құрылысына – 69575 млн. теңге; - жалға берілетін тұрғын үйлер құрылысын қоса қаржыландыру – 8000 млн. теңге. - инженерлік-коммуникациялық инфрақұрылым нысандарына ЖСҚ әзірлеу және құрылысын жүргізуге – 5 000,0 млн. теңге. 2012 – 2020 жылдарға арналған Бағдарламаны қаржыландыру көлемі тиісті ағымдағы қаржыландыру жылында республикалық және облыстық бюджеттердің болжамды көрсеткіштерінің аясында нақтыланатын болады.

2. 
   Кіріспе
   

Қазақстан Республикасы Президенті Н.Ә.Назарбаевтің 2012 жылғы 12 қаңтардағы «Әлеуметтік-экономикалық жаңғырту – Қазақстан дамуының басты бағыты» атты Жолдауында азаматтарды, оның ішінде бірінші кезекте жас отбасыларды ұзақ және қысқа мерзімге жалға беру, кейіннен сатып алу жолымен тұрғын үйлердің қолжетімділігін қамтамасыз ету міндеті қойылған.

Жоспар табыс деңгейі әр түрлі азаматтар үшін тұрғын үйдің әлеумметтік жағынан қолжетімділігін қамтамасыз етуге бағытталған.

Жоспар аясында мынадай негізгі бағыттар белгіленген: ТҚЖБ арқылы сатып алуға бағытталған тұрғын үйлер құрылысы, кезекте тұрғандар және жас отбасылар үшін жалға берілетін тұрғын үйлер құрылысы, «Самұрық-Қазына» жылжымайтын мүлік қоры» АҚ арқылы тұрғын үй құрылысын жүргізу, «ҚИК» АҚ арқылы жалға берілетін тұрғын үйлер салу, ТҚЖБ арқылы несиелендіру жолымен инженерлік-коммуникациялық инфрақұрылым құрылысын салу, инженерлік-коммуникациялық инфрақұрылым құрылысы.
3. Ағымдағы жағдайды талдау

0. 
   2005- 2011 жылдары Оңтүстік Қазақстан облысында Тұрғын үй құрылысын дамыту мемлекеттік бағдарламаларының жүзеге асырылуы бойынша қорытындылар
   
1. 
   
   
   0. 
      Тұрғын үй қорының жағдайы
      

Оңтүстік Қазақстан облысының жер аумағы – 117,3 мың ш. км.

Халық саны – 2 642,7 мың адам (1.05.2012 жылғы жағдай бойынша)

Әкімшілік – аумақтың орналасуы:

:

• 
  Елді мекендер - 900
  
• 
  аудандар – 11
  

- қалалар - 4

№ қ/с	Аудандар мен қалалар	Халық саны
1	2	3
1	Бәйдібек	54 081
2	Қазығұрт	105 878
3	Мақтаарал	295 111
4	Ордабасы	112 105
5	Отырар	55 916
6	Сайрам	305 751
7	Сарыағаш	298 758
8	Созақ	56 006
9	Төлеби	130 968
10	Түлкібас	105 002
11	Шардара	77 889
12	Арыс	66 732
13	Кентау	87 988
14	Түркістан	241 175
15	Шымкент	649 397

2012 жылғы 1 қаңтардағы жағдай бойынша Оңтүстік Қазақстан облысында Тұрғын үй қоры 42 663,0 мың ш. м. (526,7 мың тұрғын үй) құрайды, оның ішінде көп қабатты тұрғын үйлер - 5348 мың ш. м. (3,4 мың тұрғын үй).

Халық саны 2 642,7 мың адам болған жағдайда бір адамға тұрғын үй алаңы орта есеппен 16,1 шаршы метрден түседі.

Облысымызда тұрғын үй құрылысын дамыту бағдарламасы аясында 7 жыл ішінде 3 753,0 мың ш. м. тұрғын үй (57 750 пәтер) салынып, пайдалануға берілген, оның ішінде мемлекеттік қаржы есебінен 638,2 мың ш.м. (9818 пәтер), оның ішінде:

• 
  кредиттік тұрғын үй –304 мың ш.м. немесе 4676 пәтер;
  
• 
  жалға берілетін тұрғын үй – 61,4 мың ш.м. немесе 945 пәтер;
  

- басқа да тұрғын үйлер - 272,8 мың ш. м.

Осы мақсатта барлық қаржыландыру көздерінен 236,5 млрд. теңге жұмсалған, оның ішінде мемлекет қаржысы– 18,4 млрд. теңге.

Оңтүстік Қазақстан облысы бойынша тұрғын үйлерді пайдалануға тапсыру, мың ш. метр

□ - Барлығы

□– оның ішінде ЖТҮ құрылысы

Диаграммадан көрініп тұрғандай тұрғын үй құрылысы 2005-2006 жылдары қарқынды жүрген. Бүкіләлемдік экономикалық дағдарыс бұл саланы да айналып өтпеді. Мәселен, 2007 жылдан бастап тұрғын үй құрылысын жүргізу тоқырауға ұшырап, көлемі азайған. Тек 2010 жылдан бері тұрғын үй құрылысының қарқыны өсіп келе жатқаны анық байқалып тұр. 2005-2011 жылдары аралығында тұрғын үй құрылысының елеулі өсуі Шымкент, Кентау қалаларында, сондай-ақ Сарыағаш, Төлеби аудандарында тіркелген, себебі бұл аумақтарда облысымыздың ірі және орта өндірістік кәсіпорындары шоғырланған.

Меншік нысаны мен қаржыландыру көздеріне қарай пайдалануға тапсырылатын тұрғын үйлердің құрылымы да өзгеріске ұшырады. Түбегейлі өзгерістер жеке және дербес салушылар есебінен қаржыландырылатын тұрғын үй жүйесінде орын алды.

Тұрғындар қаржысы есебінен 2 978,4 мың ш.м. тұрғын үй пайдалануға тапсырылды немесе 22 226 пәтер. Орта есеппен жыл сайын 3,1 мыңнан аса пәтер пайдалануға берілуде.

2005-2011 жыл аралығында құрылыс жүргізуге 75,8 мың жер учаскесі бөлінген. Жаңа тұрғын алаптарына 1 225,3  км инженерлік-коммуникациялық желілер жүргізілген, бұл бағытқа 20,5 млрд. тенге қаржы жұмсалған.

Аудан және қала әкімдіктері тарапынан елді мекендердің бас жоспарына сәйкес жер учаскелері бөлініп берілуде.

Барлық әкімшілік орталықтар мен қалалардың барлығында дерлік бас жоспар жасалған (100%), ал халық саны 5 мың адамнан асатын елді мекендер 27% қамтамасыз етілген, 54 елді мекеннің ішінде 15 бас жоспармен қамтамасыз етілген, ал қалған елді мекендердің бас жоспарларын әзірлеуге қаржылар бөлініп, әзірлеу жұмыстары ағымдағы жылы аяқталады және 100 пайызға қамтамасыз етіледі деп күтілуде.

Аудан әкімдіктерінің мәліметіне сәйкес мемлекеттік тұрғын үй қорынан баспана алуға мұқтаж азаматтардың саны 10 мыңнан аса адамды құрап отыр.