Еңбекті қорғаудың өндірістік орындар мен аумақтарға қоятын талаптары

Санитарлық нормаларға сәйкес ауыл шаруашылығы өндірісіндегі құрылыстар тегіс жерге және су ағып кететіндей азғана еңкіш орналастырылады. Жер астының суы үй астындағы бөлмеден төмен болуы тиіс және ауыз су, жол, электр жарығы келтірілуіне ыңғайлы жерге салынуы тиіс. Сондай-ақ, өндірістік құрылыстың санитарлық сақтану аймағы оның қандай өнім шығаратынына және жұмыс түріне байланысты анықталады.

Кәсіпорынның ішіндегі үйлердің арасы да оларды желдетіп, табиғи жарықтандыру мақсатында белгілі бір қашықтықта орналастырылады. Ауланың 15-20 пайызы көгалдандырылуы тиіс.

Өндірістік құрылыстардың ауданы онда жұмыс жасайтын адамдардың санына байланысты болады. Мысалы бір адамға 4,5 м² жер болуы тиіс. Одан басқа өндірісте шешінетін бөлме, жуынатын бөлме, т.с.с болуы тиіс.

Жұмысшылардыңденсаулығы олардың жұмыс орнының дұрыс ұйымдастырылуына байланысты. Сондықтан, жұмыс орындары жұмысшыға ыңғайлы, жүк көтергіш крандармен жабдықталған болуы тиіс. Жұмыс орны желдеткішпен, жарықпен қамтамасыз етілуі тиіс. Бөлменің іші мен онда орналасқан жабдықтардың түсі ашық, әдемі бояулармен әрленгені дұрыс.

Өндірістік құрылыстар желдеткіштермен қамтамасыз етілуі тиіс. Ол табиғи немесе жасанды болады. Табиғи желдеткіш ретінде форточкалар, есік, терезелер пайдалынады. Олардың жалпы ауданы еденнің ауданының 2 пайызынан кем болмауы тиіс.

Еңбекшілердің санитарлық –тұрмыстық қажеттерін қанағаттандыру мақсатында кәсіпорындар қосымша бөлмелермен және құрылғылармен жабдықталады. Олар бес топқа бөлінеді: қоғамдық тамақтандыру бөлмелері, дәрігерлік бөлмелер, санитарлық-тұрмыстық бөлмелер мен құрылғылар және қоғамдық ұйымдар орналасатын бөлмелер. Бұл бөлмелер бір ғимараттың ішіне, шу мен дірілдің және басқа зиянды факторлардың әсері төмен орындарға орналастырылады. Тұрмыстық бөлмелер өндірістік бөлмелердің жылу жүйесіне қосылады.

Қосымша құрылыстардың орналасатын орнына , өлшеміне және жабдықтарына қойылатын талаптар 11-92-76 құрылыс нормалары мен ережелерінде көрсетілген.

Санитарлық –тұрмыстық бөлмелер мен құрылғыларға жұмысшылардың сырт киімін сақтайтын орын, қол жуғыштар , әжетхана . душ бөлмесі, әйелдердің жеке гигиеналық бөлмелері , сауықтыру пункті, тамақтандыру пункті, шылым шегетін орын, арнайы киімдерді тазарту, жуу және кептіру бөлмелері , жылынатын бөлме, т.с.с. бөлмелер жатады. Санитарлық-тұрмыстық бөлмелер мен құрылғыларды таңдау өндірістік үдерістің санитарлық талаптарына сәйкес жүргізіледі. Санитарлық талаптардың негізінде құрылыстың қабат саны мен әрбір қабаттың биіктігі , еденнің жерден жоғары орналасуы деңгейі, шкафтар мен гардеробтардың құрылымдары , санитарлық –тұрмыстық бөлмелердің өңделуі, душ бөлмесінің орналастырылуы, т.с.с. жатады.

Тынығу бөлмесінің ауданы 18м² –ден кем болмау тиіс немесе әрбір адамға 0,2м.

№14 дәріс