Орындаған: Абдраманов Бакытжан

САПАЛЫ МАМАН ДАЙЫНДАУДА ӨНДІРІСТІК ОҚУ САБАҚТАРЫН

ТИІМДІ ҰЙЫМДАСТЫРУДЫҢ МАҢЫЗЫ

«Кәсіби - техникалық білім ең бірінші кезекте ұлттық

экономиканың мамандарға деген қазіргі және келешектегі

сұранысын барынша өтеуге бағдар ұстауы керек»

Н.Ә.Назарбаев

Өндірістің негізгі қозғаушы күші болып табылатын жоғары білікті кәсіби мамандар даярлау мәселесі күннен - күнге алдыңғы қатардан орын алуда.

Еліміздің президенті Н.Ә.Назарбаев Қазақстан халқына кезекті 20-шы жолдауында «Бізге техникалық кадрлар даярлау жүйесін барынша дамыту қажет. 2017 жылдан «Тегін кәсіптік-техникалық білім - баршаға» атты жоба бастау алатынын жариялаймын» деп, Қазақстан халқына осы салаға деген мемлекеттік саясатты жеткізген еді.

Кәсіптік және техникалық білім беру жүйесінің басты міндеті - ұлттық және адамзаттық құндылықтар, ғылым мен практика жетістіктері негізінде ой-өрісі жаңашыл, дүниетанымы жоғары, шығармашылық деңгейде қызмет атқара алатын, жан-жақты қалыптасқан жеке тұлғаны дамытуға және кәсіби шыңдауға бағытталған білім алу үшін қажетті жағдайлар жасау.

Бастауыш кәсіптік білім берудің мақсаты - ой-өрісі кең, дүниетанымы жоғары, нарық талабына сай бәсекеге қабілетті кәсіби білікті жұмысшы кадрлары мен мамандарын даярлау болып табылады. Осы мақсатқа жетудің және жету жолдарын шешу, білім беру ісімен бірге кәсіптік еңбек, рухани- адамгершілік, азаматтық-патриоттық тәрбиелері арқылы жүргізіледі.

Колледжімізде оқу-өндірістік сабақтары кестеге сай арнайы пән кабинеттері мен зертханаларда жүргізіледі. Арнаулы пән кабинеттері мен зертханалар құрал жабдықтармен, оқулық, плакаттармен қамтылып, өндірістік оқу сабақтарын өткізуге толық жасақталған. Оқушылардың таным белсенділігін, ойлау қабілетін арттыру үшін қазіргі кезде кең таралған сын тұрғысынан ойлау технологиясын қолдануға болады. Бұл жаңа технологияны оқыту процесінде оқушыларға бірігіп бір мәселені шешуге, белсенді болуға және осы кезде өз қиялын, ой-өрісін, шығармашылығын көркейтуге мүмкіндік береді.

Сонымен қатар, бұл әдіс оқушыларды жұптасып, топтасып, ұжым болып жұмыс жасауға, өзгелерге көмектесуге үйретеді. Оқыту процесінде ұйымдастырудың әр түрлі формаларына, әдістеріне қол жеткізеді, ең алдымен оқушылардың қызығушылығы, мүддесі, жеке бас ерекшеліктері көзделеді және жұптық, топтық, ұжымдық жауапкершіліктері артады.

Оқушылар мен оқу шебері арасындағы тепе теңдік, өзара сыйластық, бір-бірінен үйрену және үйрету маңыздылығы, өз пікірін еркін айту, өзгенің пікірін құрметтеу, ойлау, талдау және іздену қабілеттері артады. Сабақта шешуші рөл оқу шебері емес керісінше оқушы екені туралы пікір қалыптасады. Мұнда бір оқушы мен екінші оқушыны салыстыру емес, оқушының кешегі нәтижесін бүгінгі, ертеңгі нәтижелі біліммен салыстыру арқылы ізденіске жетелеу, өз бетімен жұмыс жасауға дағдыландыру арқылы әр оқушының қабілетін анықтау болып табылады.

Міне осы мақсатта әрбір ұстаз оқытудың жаңа технологияларын қарастырып, сабағына пайдаланып, өзінің әдістемелік шеберлігін күнделікті арттырып, шығармашылық жұмыс жасау арқылы, тынымсыз ізденудің арқасында ғана нәтижеге жетеді. Мен өз сабағымда осы әдістерді қолданудың мына жолдарын ұстанамын.

1. 
   Сабақтың тақырыбына қарай мақсатын ашу жақтарын қарастыра отырып, қандай әдіс- тәсілдерді қолдану қажеттілігі мен оқушыларды даяр нәрседен де білмегенін үйрету жақтарына көңіл бөлемін.
   
2. 
   Тәрбиелік мақсаты бойынша оқушыларды әлеуметтік өмірге еркін араласа алатындай, еңбекке бейім, ұқыпты, үнемшіл болу тұстарын қарастырамын.
   
3. 
   Сабақтың көрнекілігіне аса маңызды көңіл аударып, қажетті құрал- саймандармен қамтылуын қамтамасыз етемін.
   

Кіріспе нұсқауда. Жұмыс тәртібі мен мақсаты түсіндіріледі.

Ағымдағы нұсқауда әр топтың жұмысты неден бастау керектігіне назар бөлінеді де ары қарай оқушылар нұсқау картасындағы реттілікпен тапсырмалар орындайды.

1 - топ «Қалаудың түрлері»;

2 - топ «Қалауды байланыстыру жүйелері»;

3 – топ «Қалау процесі»;

4 - топ «Тас қалаушының жұмысы»;

5 – топ «Тас қалаушының жұмыс орнын ұйымдастыру».

Сабақ соңында жұмыс орындарын тазалап, қолданған кұрал-саймандарын өз орындарына орналастырады. Оқу шебері әр топты жігерлендіре отырып, ерекше тапсырма орындағандар мен жіберілген кемшіліктерді түзету жолдарына көңіл бөледі.

Сабақты тиімді ұйымдастырудың бұл тәсілі кейінгі ұрпаққа аға буын тәжірибесінен нәр алуға, оны өз тәжірибесімен салыстыруға жеке тұлғаның жан-жақты дамуына, жалпы адамзаттың құндылықтарын пайдалануға мүмкіндік береді. Қазіргі уақытта оқытудың озық технологияларын сабаққа пайдалану- өмір талабы. Сондықтан да сабаққа қойылатын талаптар сапалы маман дайындауда оқу шеберлерінен үлкен шеберлік пен шығармашылықты талап етеді.

Мұғалім және оқу шеберлері шығармашылық жұмысқа деген қызығушылығын оқушылардың бойына сіңіре білуі қажет.Сонда ғана нәтижеге жетеді.

Себебі қазіргі таңда елімізде ғаламат құрылыстар, тұрғын үй саясатын орындау, сонымен қатар елімізде сапалы ауыл шаруашылығы өнімдерін өндіру қажеті туып отыр.

Осыған орай қазіргі кезеңде елімізде өркениетті әлемнің озық технологияларын меңгерген, қазіргі өскелең өмір талабына сай келетін мамандық негізіндегі білімі бар сапалы да білікті мамандар қажеттілігі туындап отыр.

Ел дамуына тың қарқын беретін жаңа бағдар ұсынған Елбасы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» деп аталған жолдауы республикалық басылымдарға жарияланды.

Жолдауда мемлекетіміздің жаһандық бәсекеге қабілеттілігін қамтамасыз ететін экономикалық өсімнің жаңа моделін құру міндеттері баяндалған.

Елбасы Қазақстан халқына жолдауына 5 негізгі басымдыққа мән берген.