Б Орал қаласының экономикасы

ЮДЖЕТ КІРІСТЕРІ

2016 жылдың есебі бойынша қала контингентінен мемлекеттік бюджетке түскені – 88950,6 млн. теңге, оның ішінде қалалық бюджетке түскені – 16678,7 млн.теңге, ол жалпы салық базасының 18,8% құрайды.

Былтырғы жылмен салыстырғанда бюджет кірістері контингентте 130,4% құрап отыр, соның ішінде, республикалық салықтар бойынша – 142,4% және реттейтін салықтар бойынша – 119,5%.

Ағымдағы жылдың есебі бойынша қалалық бюджет түсімдерінің жиынтық жоспары 102,6% орындалып, немесе жоспардағы – 31119,2 млн.теңге, қала бюджетіне нақты түскені – 31921,4 млн.теңге, соның ішінде бөлінген нысаналы трансферттер сомасы – 11785,1 млн.теңге.

Меншікті салықтар мен жергілікті алымдарының түсімдері бойынша жоспар (ипотекалық кредит шеңберінде пәтер сатудан түскен түсімдерді есептемегенде) 111,9%-ға орындалды, немесе жоспардағы – 14413,1 млн.теңге, қала қазынасына нақты түскені – 16125,9 млн.теңге.

Реттейтін салықтар бойынша жоспар 112,9% орындалды, немесе жоспардағы – 10564,3 млн.теңге, қалалық бюджетке нақты түскені – 11930,0 млн.теңге соның ішінде, жоспардың орындалуы жеке табыс салығы бойынша 116,7%, әлеуметтік салық бойынша –108,5% құрады.

Жергілікті салықтар мен алымдар бойынша есепті кезеңнің жоспары 113,2% орындалып немесе жоспардағы 3414,1 млн.теңге, қалалық бюджетке нақты түскені – 3863,2 млн.теңге.

Ағымдағы жылдың есепті кезеңінде қалалық бюджеттің кірістер түсімінің жалпы сомасы 31921,4 млн.теңгені құрады немесе былтырғы жылдың нақты деңгейінен 5798,5 млн.теңгеге жоғары.

Сонымен бірге, былтырғы 2015 жылдың осы кезеңімен салыстырғанда реттейтін салықтар бойынша түсім 2027 млн.теңге, 9903 млн.теңгеден 11930 млн.теңгеге дейін өсті, ол реттейтін салықтар бойынша норматив аударымдарының 0,5% өсуімен байланысты және төлем мерзімі мен салық есептілігін тапсыру бойынша өзгерістер, атап айтқанда жеке табыс салығы бойынша өсу қарқыны – 121,3%, немесе түсімдер 1170,1 млн.теңгеге өсті, әлеуметтік салықтар бойынша өсу қарқыны 19,4% құрап, немесе 856,9 млн.теңгеге өсті.

Жергілікті салықтар мен алымдар бойынша өсу қарқыны ағымдағы 2016 жылы 2015 жылмен салыстырғанда -106,4%, өсті.

Ағымдағы жылдың есепті кезеңінде шағын және орта кәсіпкерліктен мемлекеттік бюджетке қатынасы бойынша түсімдер үлесі -21,6% құрайды, немесе түсімдер – 19193,1 млн.теңге (88950,6 млн.теңге), соның ішінде жергілікті бюджет бойынша түсімдер үлесі- 41,4% құрады, немесе шағын және орта кәсіпкерліктен – 6909,5 млн.теңге (16678,7 млн.теңге).