ISBN
ӘОЖ
КБЖ
|
Т - 75
Т - 75
©«Өрлеу» БАҰО» АҚ филиалы
Маңғыстау облысы бойынша педагогикалық қызметкерлердің біліктілігін арттыру институты типогафиясы, 2019
|
МАЗМҰНЫ
Кіріспе ............................................................................................................. 4
Оқытудың интерактивті әдістерін пайдаланудың
теориялық негіздері ................................................................................. 6
Оқытудың интерактивті әдістері туралы түсінік .............................. 6
Интерактивті оқытудың негізгі қағидалары мен мақсаттары.......... 7
Интерактивті әдістердің оқыту мен оқудағы рөлі ............................ 8
Оқытуда қолданылатын интерактивті әдістер ................................... 10
2.1. Оқытуда қолданылатын интерактивті әдіс түрлері ........................... 10
2.2. Оқытудың интерактивті әдістерін қолдану бойынша ұсыныстар .. 11
2.3. Қазақ тілі және қазақ әдебиеті пәндерін оқытуда
интерактивті әдістерді пайдалану........................................................ 20
Қорытынды....................................................................................................... 31
Пайдаланылған әдебиеттер ............................................................................ 32
Кіріспе
Білім мазмұнын жаңарту жағдайында оқыту үдерісін ұйымдастырудың тиімділігін арттырудың жаңа жолдарын іздестіру бүгінгі таңдағы өзекті мәселелердің бірі болып табылады. Білім берудегі жаңа технологияларды меңгеру мұғалімнің өзінің де кәсіби тұрғыда дамуына, азаматтық ұстанымының қалыптасуына, оқу-тәрбие жұмысын тиімді ұйымдастыруына игі әсерін тигізетіні белгілі. Мұғалім өзінің кәсіби құзыреттілігін жоғарылатқанда ғана, үйренушілердің білім алу сапасының жоғарылауына жол ашылады. Ол үшін мұғалім білім беру саласындағы жаңалықтардан қалыс қалмай, үнемі шығармашылық ізденісте болып, өз тәжірибесіне өзгерістер енгізуі қажет.
Жаңартылған білім мазмұны жағдайында білім беруде нәтижеге бағдарлану, оқытуды оқушының жеке тұлғасына бағыттау, ал оқыту әдістерін тұлғааралық қарым-қатынастарға бейімдеу маңызды. Бүгінгі күні оқушының білімді дайын күйінде қабылдамай, өзінің өмірлік тәжірибесіне сүйену арқылы шығармашылық тапсырмаларды орындау негізінде қабылдауының маңыздылығы жоғары екендігі дәлелденіп отыр. Қайталау мен жаттауға негізделген білім тек есте сақтау дәрежесінде болса, сындарлы білім үйренушіден білу, түсіну, қолдану, талдау негізінде жаңа мазмұн құрастыруды және жинақтау, бағалау негінде белсенді әрекеттерді жүзеге асыруды талап етеді. Ал оқушы бұл талапты мұғалім әр сабақта оқытудың интерактивті әдістерін қолданғанда ғана орындай алады.
Сондықтан оқыту әрекетінде мұғалім бар күш – жігерін, педагогикалық шеберлігін оқушы бойындағы табиғи мүмкіндіктерді ашуға, үйлесімді дамытуға бағыттауы, шығармашылық жағдай жасауы тиіс. Сонда ғана оқушы өз тарапынан белсенділік танытып, дербестікке ұмтылады, оның өзіне деген сенімі артады.
Интерактивті әдістер білім алушылардың оқып, үйренуде өз әрекеттерінің нәтижелі екендігін сезінуіне, белсенді болуға, үйренуді тәжірибелік әрекеттерге негіздей отырып, өмірлік мәселелермен байланыстыра білуге, дербестікке баулиды. Бұл әдістерді пайдалану әр оқушының іс-әрекетін сабақтастыруға (өзара әсерлесудің бүтіндей жүйесі пайда болады: мұғалім – оқушы, мұғалім – сынып, оқушылар – сынып, оқушылар-оқушылар, топ – топ, топ- оқушы), оның оқу әрекетін және тұлғалар арасындағы танымдық қатынастарын байланыстыруға мүмкіндік береді.
Интерактивті оқыту қажетті ақпаратты игеруге уақытты көбірек бөлуді, бағалауда жаңа, күрделі өлшемдерді қолдануды қажет етеді және оқушылардың танымдық іс-әрекетін басқаруда тәжірибесі аз мұғалімдерге көптеген қиындықтар туғызады [7].
«Интерактивті әдістерді мектеп тәжірибесіне енгізуді неден бастау керек?» деген сұрақ мұғалімдерді жиі ойландырады.
Аталған мәселелерге орай, мұғалімдерді толғандырған сұрақтарға жауап беру және қазақ тілі мен әдебиеті пәндерін оқытуда интерактивті әдістерді пайдаланудың ерекшелігін тереңірек ұғынуға ықпал ету мақсатында жазылған әдістемелік нұсқаулық қазақ тілі және қазақ әдебиеті пәндерінің мұғалімдеріне арналады.
Достарыңызбен бөлісу: |
