22
в)
а –TRUE логикалық нұсқа; б – нұсқаны таңдау;
в –FALSE логикалық нұсқа.
5.2 сурет – ВҚ Термометр Case құрылымын пайдалану
Нұсқаны анықтау үшін ЖАЗУДЫ ЕНГІЗУ құрылғысының көмегімен
мәндерді енгізіп немесе Case селекторының құрамынан мәндерді таңдау
қажет. (5.2,б сурет).
Таңдалған нұсқа блок сұлбада көрсетілгендей алдыңғы қатарға
шығады. (5.2,в сурет).
Нұсқа селекторы мәндерінің деректер типі және селектор
терминалына берілетін мәліметтер бір - біріне сәйкес келуі керек.
Қызыл түске боялған нұсқа селекторының мәні оны өшіру немесе
түзету қажет екендігін көрсетеді, әйтпесе ВҚ орындалмайды. Нұсқа
селекторының терминалына құбылмалы нүктелі сандарды беруге
болмайды, әйтпесе LabVIEW берілген мәнді ең жақын жұп санға дейін
жуықтайды. Егер құбылмалы нүктелі санды сонда да енгізетін болсақ, онда
ол қызыл түске боялып, өшіруді немесе түзетуді қажет ететіндігін
көрсетеді.
Formula Node формулалық блогы. Formula Node формулалық блогы
мәнді блок сұлбаға тікелей және қарапайым түрде енгізу үшін қажет.
Формулалық блогты қолданудың ыңғайлылығы өрнек күрделі түрде және
көптеген айнымалылардан тұрғанда көрінеді. Формулалар қарапайым жазу
түрінде енгізіледі. Терминалда айнымалылардың аттары блоктың
шекарасына жазылады. Әрбір өрнек «;» ажыратқышымен аяқталады.
Формула түйіні шешімдер қабылдау үшін де қолданылуы мүмкін. If-
then операторларын қолдану тәсілі келес блок диаграммада көрсетілген:
23
5.3 сурет - Formula Node формулалық блогы
Sequence Structure тізбектік құрылымы. Sequence Structure тізбектік
құрылымы белгілі бір ретте орналасқан блок сұлбалардың тізбектеліп
орындалуы үшін қажет. Құрылымдағы фреймдер саны енгізілген блок
сұлбалар санын көрсетеді. Фреймдер санын Add Frame Before, Add Frame
After қолданып үлкейтуге болады. Айнымалылар мәндерінің бір фреймнен
басқа фреймге жіберілуі жергілікті айнымалы құрылымдар арқылы жүзеге
асырылады. Мұндай айнымалылардың деректері келесі фреймдерде
көрсетілгенімен, өткен фреймдерде көрсетілмейді.
6 Дәріс №6. LabVIEW ортасында массивтермен жұмыс
Дәрістің мазмұны: массивтер; басқару және бейнелеу элементті
массивтер; автоматты индексация; екіөлшемді массивтерді құру;
массивтермен жұмыс жасау функциясы.
Дәрістің мақсаты: басқару және бейнелеу элементті массивтерді,
массивтер функциясын, константа массивін құрудың типтік және
массивтермен жұмыс жасау әдістерін оқып үйрену.
Бір типті деректер элементтерін біріктіретін LabVIEW объектісі
массив деп аталады. Массив қандай да бір өлшемі бар элементтерден
құралады. Массивті құратын элементтер массив объектісі деп аталады.
Массивтің өлшемі ондағы бағандар мен жолдардың және массивтің
тереңдігіне байланысты.
Массивтегі деректер келесі типтерден тұруы мүмкін: бүтін сандар,
логикалық, жолдық. Сонымен қатар массивтер кластерлерді және
сызбалық элементтерді құрауы мүмкін. Массивтері қолданудың
ыңғайлығы бір типті мәліметтердің тобымен жұмыс жасағанда, сонымен
қатар қайталанып есептелінгеннен кейін деректердің жиналуы кезінде
көрінеді. Массивтер деректерді сақтауда, сызбаларды алуда және жұмыс
уақытында деректер циклдерінің жиналуында қызмет етуі мүмкін.
24
6.1 сурет – Беткі панельдегі массив түрі
Массивтің әрбір элементі реттелген және массив элементтерімен
жұмыс жасау жеңілірек болу үшін, әрбір элементке өз индексі берілген.
Массив элементтерінің нөмірі әрдайым нөлден басталады, яғни массив
индекстерінің ауқымы 0 және n-1 аралығында жатады, n - массивтегі
элементтер саны.
Басқару және бейнелеу элементті массивтерді құру. Басқару және
бейнелеу элементті массивтерді құру үшін мысалда көрсетілгендей беттік
панельге Array & Cluster палитрасындағы Controls палитрасын массив
шаблонын әкеліп орналастыру қажет. Содан кейін массив шаблонына
басқару немесе бейнелеу элементін әкеліп орнату керек.
Константа массивін құру. Блок диаграммада константа массивін
құру үшін Functions палитрасындағы Array палитрасынан Array Constantты
таңдау керек және оған сандық константаны енгізу керек. Константа
массиві ВА программасында деректерді жіберу үшін қолданылады.
Екіөлшемді массивтер. Екіөлшемді массивте элементтер матрица
түрінде сақталады. Екіөлшемді массивте элементті орналастыру үшін
жолдар мен бағандардың индекстерін көрсету керек. Төменде 4 жолдан
және 6 бағаннан тұратын екіөлшемді массивтің мысалы көрсетілген.
Массивтегі элементтер саны 24ке тең.
6.2 сурет – Екіөлшемді массивтің индексі
25
Массивтің өлшемін ұлғайту үшін тінтуірдің оң жағымен элемент
индексін басу қажет және мәзірден Add Dimension пунктын таңдау керек.
Өлшемді ұлғайтуда сонымен қатар «ПЕРЕМЕЩЕНИЕ» құралын да
пайдалануға болады, яғни жай ғана элемент өлшемін өзгертіп отыру.
Автоматты индексация. Автоматты индексация дегеніміз While
және For циклдарының массивте автоматты түрде жиналуы болып
табылады және бұл олардың индексациялануына әкеледі.
Массив деректері терминалы мен циклден шығу терминалының
пайланысуында әрбір цикл итерациясы массивтің жаңа элементін
тудырады. Экранда көрініп тұрғандай, массив деректерінің терминалын
циклден шығу терминалымен қосатын жолсерік жуандады, ал циклдегі
шығыс терминалдың өзі массив деректерінің терминалының түсіне
боялды.
Автоматты индексацияны ажыратыру үшін тінтуірдің оң жағымен
терминалдың кіріс немесе шығыс циклін басу қажет және мәзірден Disable
Indexing пунктін таңдау керек. Автоматты индексацияны тек қана соңғы
нәтижені білу үшін ғана ажыратады.
6.3 сурет – Массивтің автоматты индексациясының
блок-диаграммасы
Циклдермен жұмыс жасағанда көп қолданылатын For циклі үшін
LabVIEWде автоматты индексация қосылған. While циклі үшін автоматты
индексация ажыратылған. Оның қосылуы үшін тінтуірдің оң жағымен
терминалдың кіріс немесе шығыс циклін таңдау керек және мәзірден
Enable Indexing пунктін таңдау қажет.
Екіөлшемді массивтерді құру. Екіөлшемді массивтерді құру үшін бір
For циклін басқар бір циклге әкеліп орналастыру қажет. Ішкі цикл
массивте баған элементтерін тудырады, ал сыртқы цикл жол элементтерін
тудырады.
Достарыңызбен бөлісу: | 
