Қауіпсіздік теxникасының ережелерін сақтау

Еңбекақы жүйесі және мұғалімдер уәждемесі

Еңбекақы мұғалімдердің еңбегін төлеу және ынталандыру жүйесі туралы Ережемен реттеледі.

Мектептегі еңбекақы төлеу жүйесі филиалдың негізгі мақсаттарын жүзеге асыруға бағытталған:

• 
  қызметкерлердің еңбегін олардың атқарған жұмысының санына және сапасына қарай әділ төлеуді қамтамасыз ету;
  
• 
  жеке және ұжымдық нәтижені арттыру арқылы филиалдың мақсаттарына қолжеткізу үшін жауапкершілікті және материалды қызығушылықты арттыру
  
• 
  оқу барысын жетілдіру;
  
• 
  еңбекке жауапкершілікпен және шығармашылықпен қарау;
  
• 
  қызметкерлердің тәртіпке бағынуы және бастамашыл болуы.
  

Филиал штаттық кесте және жауапкершілік деңгейіне қарай анықталған лауазымның бірыңғай санатын қолданады.

Қызметкердің еңбекақысы негізгі (лауазымдық айлықтан) және қосымша бөлімнен тұрады. Еңбекақының қосымша бөлімі лауазымдық айлыққа қосылатын үстеме және қосымша ақыдан тұрады.

50, 55, 60, 65 жасқа келген қызметкерлерге филиалдың бірінші басшысының немесе филиалдың құрылымдық бөлімшесінде оның орнын басатын, кадрлар мәселесімен айналысатын тұлғаның шешімімен еңбекақы қорын үнемдеу есебінен бір айлық лауазымдық еңбекақы мөлшерінде сыйақы төлеу.

Қызметкерлерге келесі жағдайларда:

1) қызметкер зейнетке шыққанда - бір лауазымдық айлық мөлшерінде;

2) қызметкер отбасын құрғанда -бір лауазымдық айлық мөлшерінде;

3) қызметкер балалы болғанда, бала асырап алған жағдайда - бір лауазымдық айлық мөлшерінде; ал қызметкерде екі немесе одан да көп бала туған жағдайда - екі лауазымдық айлық мөлшерінде;

4) қызметкерге немесе отбасы мүшелеріне ауыр науқас кезінде қымбат ем және ота қажет болған жағдайда - бір лауазымдық айлық мөлшерінде;

5) құқыққа қарсы әрекет (қарақшылық, тонау) салдарынан қызметкерлерге мүліктік зиян келген жағдайда, жол көлік оқиғалары, сондай-ақ табиғи апаттар (өрт, су тасқыны, жер сілкінісі) жағдайында - екі лауазымдық айлық мөлшерінен артпайтын материалдық көмек көрсетіледі.

қызметтік іс-сапарлар

Ереже Қазақстан Республикасының Еңбек кодексіне сай жазылған және қызметтік қажеттілік мақсатында қызметкерлерді іссапарға жіберу тәртібі мен жағдайларын анықтайды, сондай-ақ олар шығарған шығынды өтеу тәртібін бекітеді.

Еңбек шартына сай іс-сапар кезінде және жолды қоса есептеген мерзімге қызметкерге жұмыс орны (лауазымы) және еңбекақысы сақталады. Мектеп басшысының немесе оның міндетін атқаратын тұлғаның бұйрығы қызметкерді іссапарға жіберуге негіз болады.

Іссапарға жіберілген қызметкерге (үш тәулік бұрын) іссапар туралы бұйрық негізінде жеке карт-шотына (кассадан беріледі) жолға кететін шығын мен тұрғын үй-жай жалдауға, тәуліктік ақыны барлық іссапар мерзіміне қоса есептегенде жететін ақшалай аванс жіберіледі. Тамақтануға кететін шығын мен басқа да қызмет көрсету түрлері (қонақ үй сервисі) тәуліктік ақы есебінен төленеді және өтелмейді.

Қызметкер іс-сапардан келгеннен соң бес тәулік ішінде тиісті құрылымдық бөлімшеге іссапар туралы, сондай-ақ іссапар бойынша нақты шығын туралы аванстық есеп береді. Аванстық есеппен бірге келесі құжаттарды өткізуі керек:
1) анықталған талапқа сай рәсімделген іссапар маршруты толық көрсетілген іссапар куәлігі;

2) тұрғын үй-жай жалдағандағы шығынды растайтын құжаттар;

3) жол жүру құжаты (авиа, отырғызу талоны, темір жол, суда жүретін көліктер, автобус);

4) жүк тасымалдау құжаттары;

Іс-сапар шығынын өтеу үшін төлеген қаржыдан артылған ақша аванстық есеп бергенде қайтарылуы керек.

мектептің тәртіп саясаты

Мұғалім жүргізетін сабақтарын кестеге сәйкес өткізу қажет. Мұғалім ауырып қалған жағдайда ауруы бойынша әдістемелік бірлестік жетекшісіне және сабақ кестесіне жауапты адамға хабарлау. Жұмыста болмағанын растайтын құжат еңбекке жарамсыздық парағы, сол арқылы заңнамаға сәйкес ақы төленеді.

3 сағат және одан да көп жұмыс орнында болмаған жағдайда себепсіз жұмыста болмады деп қарастырылады. Ондай жағдайда әкімшілік алдыңғы ескертулерге қарап, тәртіптік жаза қолданып, қызметкерді жұмыстан босатуға құқығы бар. Мектепте қызметкерлер мен оқушылардың мекемеге кіруді есепке алатын RFID жүйесі жұмыс істейді.

Мұғалім мектептегі іс-шаралар мен кеңестерге қатысуға міндетті. Ресми іс-шаралар (жиналыстар, мәжілістер, отырыстар) кезінде ұялы телефондарының үнін өшіріп қою қажет. Әртүрлі педагогикалық іс-шаралар (педагогикалық кеңестерде, жиындарда, мерекелік іс-шараларда) сөз сөйлеушілерге құрметпен қарап тәртіп сақтау міндетті. Қажет болған жағдайда үзілістер арасында залдан шығуға рұқсат етіледі. Сөз сөйлеу кезінде регламент сақтаған жөн. Сөз сөйлеу кезінде мейірімділік пен әдептілікті сақтау қажет. Өзара қарым-қатынаста мұғалімдер/қызметкерлер негізсіз қақтығыстардан аулақ болуы керек. Келіспеушілік туындаған кезде сындарлы шешім қабылдауға ұмтылады.

академиялық адалдық саясаты

1) өзге мәтіндерді және зияткерлік еңбекті немесе біреудің шығармасын ұрлап пайдалануды;

2) біреудің шығармасын ұрлап пайдаланған оқушыны көтермелеуді;

3) емтихан сұрақтары бар ақпаратты таратуды;

4) оқушылардың нәтижесін араластыруды;

5) құжаттарды қолдан жасауды.

Зияткерлік мектептердің педагогы/жұмысшысы академиялық адалдық қалыптастыруға ықпал ететін, терең ойлайтын тұлғаны үйлесімді дамушы шеңберінде қазіргі заманғы шындыққа оқушылардың дағдыларын қалыптастырады:

- сілтемелерді рәсімдеу, ақпаратты дұрыс іздеуге және анализ жасауға үйретеді;

- зерттеу дағдыларына үйретеді;

- қолданатын әдебиеттер мен тұжырымдар таңдай білуге және сілтемелерді рәсімдеу үлгілерін береді;

- қажетті терминдерді дұрыс қолдануға және ақпараттарды әсерлі жеткізуге үйретеді;

- оқушылар өздерінің жетістіктеріне баға беруге, дұрыс шешім қабылдауға, сәтсіздіктерінің себептерін анықтауға және ары қарай руханиятты дамуға бағыт беріп үйрету.

Зияткерлік мектебінің педагогы/жұмысшысы күнделікті өмірде академиялық шынайылық қағидаттарын басшылыққа алу қажет:

1) академиялық шынайылық туралы әр сынып сағаттарында әңгіме жүргізіледі, әрдайым адалдық туралы қағидаттарға түсінік беріледі.

3) оқушылар жұмыстарын сапалы орындауға саналы мерзімдер беріледі;

4) әділетсіздік болған жағдайда ата-аналар арасында академиялық адалдық туралы әңгімелер өтеді: жиналыстарда, сынып сағаттарында.

5) әділетсіздікке жол бермеу үшін оқушылардың жұмыстары «Антиплагиат» жүйесімен тексерістен өтеді.

байланыс деректері

www.nis.edu.kz

www.kt.nis.edu.kz
Банк шотының деректемелері

ДББҰ «Көкшетау қаласындағы физика-математикалық бағыттағы Назарбаев Зияткерлік мектебі» филиалы Кбе 18

Көкшетау қаласы, Мирзоян көшесі, 59

БСН 090541017876

СТН 032600241234

ЖСК KZ259262201160370001

БСКKZKOKZKX

«Казкоммерцбанк» АҚ

№ 1 Күн тәртібі

№ 2 Мектеп картасы

№ 3 Ішкі телефон нөмірлері

Күн тәртібі