ОСӨЖ
Мәнжазба
Тақырыбы: ПД мәліметтерін педагогикалық және әлеуметтік психологияда қолдану
Орындаған:ПКО 201 Буранова А.Е
Тексерген: аға оқытушы Ергарина.Ж.М .
Кіріспе
Педагогика және психология саласы мамандарының педагогикалық қарым-қатынас мәселесі әртүрлі бағытта және аспектіде қарастырылады. Мұғалімнің оқушылармен қарым-қатынасы қарым-қатынастың әлеуметтік-психологиялық, әлеуметтік-моральдық «координаталары» назарға алынған жағдай ретінде қарастырылады. Басқа зерттеулерде мұғалім мен оқушы қарым-қатынасына назар аударылады. Бұл бағыттар педагогикалық қарым-қатынастың біртұтас процесінің әртүрлі аспектілерін көрсетеді.Педагогикалық қарым-қатынас тең адамдардың қарым-қатынасы, серіктестік ретінде көрінсе, тәрбиелік мәнге ие болады.Қарым-қатынастың екінші жағы - оны тек құқықтар бойынша ғана емес, сонымен бірге қызықты ету және бұл мұғалімнің жеке тұлғасына үндеу, ол шығармашылық өзін-өзі дамыту мен өзін-өзі жетілдіруге байыпты және маңызды ынталандыруға ие болуы керек.Ал балаларды әлеуметтік – педагогикалық қолдау – баламен бірге оның өзіндік көзқарасын , мақсатын, мүмкіндігін анықтау үшін және қоғамда қалыпты өмір сүру ге кері ықпал кедергілерді жою үшін жолын анықтау. Өмір сүруіне, қарым-қатынасына, өзін-өзі тәрбиелеуіне, алдына қойған мақсатына жету және адамгершілік қасиетін сақтап қалуына көмектесу.Әлеуметтік педагогты әлеуметтік қызметкердің бар түрі деп санау қателік болар еді. Оның қызметінің негізгі сферасы социум – әлеумет. Негізгі басымдық бала мен отбасы, бала мен тұрғылықты жеріндегі жақын ортасының арасындағы қарым-қатынасын зерттеуіне беріледі. Әлеуметтік педагог балалармен , оның отбасымен көршілік ортасымен жұмыс жасайды. Оның қызметінің мақсаты-социумда балалар мен ересектердің әлеуметтік маңызы бар, профилактикалық қызметін ұйымдастыру, баланың дамуын, білім алуын әлеуметтік қолдау.
Негізгі бөлім
Педагогикалық қарым-қатынас түсінігінің анықтамасы
Отандық педагогикада мұғалім мен оқушы арасындағы қарым-қатынас процесінің маңыздылығын, бұл процестің ерекшелігін түсіну «педагогикалық қарым-қатынас» (А.А. Леонтьев, В.А. Кан-Калик) және тұтас бір сала түсінігінің енгізілуіне әкелді.
Педагогикалық қарым-қатынас адамдар арасындағы қарым-қатынастың белгілі бір түрі ретінде қарастырылады, бұл өзара әрекеттесу формасының ортақ белгілері бар, сонымен қатар В. А. Кан-Калик, С. В. Кондратьева, А. А. Леонтьев, Я. Л. Коломинский, И. А. Зимняя, Н. В. Кузьмина, А. А. Реан және т.б. зерттеулердің авторлары педагогикалық процесті мұғалім мен оқушыларды қамтитын қарым-қатынас процесі ретінде қарастырады.
Қарым-қатынас әлі де өсіп келе жатқан адамда танымдық қызығушылықтардың пайда болуының, дамуының және күшеюінің маңызды факторларының бірі болып табылады. Зерттеулер көрсеткендей, қазіргі адамға тиесілі ақпараттың тек 20% ол бұқаралық ақпарат құралдарынан алады. Қалған 80% тұлғааралық байланыс арналары арқылы алынады.
Мұғалімнің педагогикалық іс-әрекеті белгілі бір стильмен сипатталады.
Педагогикалық іс-әрекет стилі оның ерекшелігін көрсете отырып, мыналарды қамтиды: басқару стилі, өзін-өзі реттеу стилі, қарым-қатынас стилі, мұғалімнің танымдық стилі. Педагогикалық іс-әрекет стиліне негізгі үш фактор әсер етеді: іс-әрекет субъектісінің (мұғалімнің) жеке психологиялық ерекшеліктері, іс-әрекеттің өзіндік ерекшеліктері, оқушылардың ерекшеліктері: жасы, жынысы, мәртебесі, білім деңгейі және т.б.
А.Кан-Калик қарым-қатынас стилін мұғалім мен оқушының әлеуметтік-психологиялық өзара әрекетінің жеке педагогикалық ерекшеліктері ретінде анықтайды.А.А.Леонтьев «Оңтайлы педагогикалық қарым-қатынас – бұл оқушылардың ынтасы мен оқу іс-әрекетінің шығармашылық сипатын дамытуға, тұлғаның дұрыс қалыптасуына, оқуға қолайлы климатты қамтамасыз ететін оқу процесінде мектеп оқушыларымен қарым-қатынас. (атап айтқанда, «психологиялық тосқауылдың» пайда болуына жол бермейді), балалар ұжымындағы әлеуметтік-психологиялық процестерді басқаруды қамтамасыз етеді және оқу-тәрбие процесінде мұғалімнің жеке қасиеттерін барынша пайдалануға мүмкіндік береді.
Достарыңызбен бөлісу: |
