Маңғыстау облысының 2015 жылғы қаңтар-сәуірдегі әлеуметтік-экономикалық даму қорытындылары туралы Облысты әлеуметтік-экономикалық дамыту бойынша жұмыс 2015 жылы Мемлекет басшысының «Нұрлы жол – болашаққа бастар жол»

Есепті кезеңде 6,1 млн. тонна мұнай өндірілді немесе 2014 жылдың осындай кезеңдегі деңгейіне – 101,4%. Табиғи газ өндіру 10,7%-ға артты (756,2 млн. текше метр).

Негізгі капиталға инвестициялардың өңдеу өнеркәсібінде – 44,0%-ға, «Қарақұдықмұнай» ЖШС, «Өзенмұнайгаз» АҚ, «Маерск Ойл Қазақстан» компаниясының филилалы кәсіпорындарының есебінен кен өндіру өнеркәсібінде – 30,7%-ға төмендегені байқалады.

Индустрияландырудың екінші бесжылдығының аясында 139,1 трлн. теңге сомасына 7 мыңнан аса жұмыс орны құрылатын 23-тен астам жобаны іске асыру көзделген.

Ағымдағы жылы 104,6 млрд. теңге жалпы сомасына шамамен 1504 жұмыс орны құрылатын 17 жобаны пайдалануға беру жоспарлануда.

Ағымдағы жылдың 1 тоқсанында 370,0 млн. теңге сомасына бір жоба – «КУДУ Индастриес Қазақстан» ЖШС-нің толық жиынтықты бұрандалы сорғы жүйелерін шығаратын (Канадалық технология бойынша) зауыты пайдалануға беріліп, 31 жұмыс орны құрылды.

Ағымдағы жылдың соңына дейін мына жобаларды іске асыру көздестірілген:

1. «ҚазАвтоЖол» ҰК» АҚ – «Шетпе-Бейнеу» автомобиль жолын реконструкциялау. Құны – 46,4 млрд. теңге. Жұмыс орындары – 10;

2. «Ақтау Теңіз Солтүстік Терминалы» ЖШС – Ақтау халықаралық теңіз сауда портын солтүстік бағытта кеңейту жобасын іске асыру. Құрғақ жүк тиеу айлақтары және инфрақұрылым объектілері. Құны – 37,5 млрд. теңге. Қуаттылығы – 2,5 тонна құрғақ жүк. Жұмыс орындары – 173;

3. «Sofie Medgroup» көп бейінді клиникасы» ЖШС – «Sofie Medgroup» көп бейінді клиникасын салу. Құны – 3882 млн. теңге. Қуаттылығы – 13 мың келуші. Жұмыс орындары – 224;

4. «Бозашы Оперейтинг ЛТД» КФ – №31 топтық өлшеу қондырғысын салу. Құны – 2077 млн. теңге. Қуаттылығы – 2400 м3/тәулік. Жұмыс орындары – 8;

5. «Медикал Фарм Ча-Кур» ЖШС – сұйық дәрілік формалар мен медициналық мақсаттағы бұйымдар шығару бойынша фармацевтикалық кешен. Құны – 1668 млн. теңге. Қуаттылығы – 20 млн. бума инфузиялық дәрілік құралдар. Жұмыс орындары – 29;

6. «ДСК-Ақтау» ЖШС – үй құрылысы комбинатын салу. Құны – 1 580 млн. теңге. Қуаттылығы – 300000 м2. Жұмыс орындары – 68;

7. «Маерск Ойл Қазақстан Гмбх» КФ – теңіз суын жинау станциясы және теңіз суының құбыржолы. Құны – 1 499 млн. теңге. Қуаттылығы – жылына 3,5 млн. м2. Жұмыс орындары – 5;

8. «Азерсун өндіріс және логистика орталығы» ЖШС – азық-түлік тауарларын сақтауға арналған қоймалық орынжайлар құру. Құны – 1,5 млрд. теңге. Жұмыс орындары – 40;

9. «Қарақұдықмұнай» ЖШС – газ жетегі бар блокты шоғырлы сорғы станциясын салу. Құны – 1144 млн. теңге. Қуаттылығы – 25,2 мың кВт/сағат. Жұмыс орындары – 20;

10. «Берекет-Ф» ЖШС – Нан, кондитер, макарон, шұжық өнімдерін, ет жартылай фабрикаттарын, ауыз су өндіретін «Ақ нан-Маңғыстау» зауыты. Құны – 828 млн. теңге. Қуаттылығы – тәулігіне 25 тонна. Жұмыс орындары – 80;

11. «ТасболатОйлКорпорейшн» ЖШС – электрлік қуаттылығы 2х1819 кВт газ поршеньді электр станциясы. Құны – 825,9 млн. теңге. Қуаттылығы – 22 мың МВт. Жұмыс орындары – 4;

12. «Ақтау трансформатор зауыты» ЖШС – электр қалқан жабдығын өндіру және 6-10-35 кВ қуаттық трансформаторларын жөндеу. Құны – 600 млн. теңге. Қуаттылығы – жылына 1000 дана. Жұмыс орындары – 60;

13. «Шыны-пластикалық құбырлар зауыты» ЖШС – шыны-пластикалық құбырлар мен фитингтер өндіретін 3-цехтың құрылысы. Құны – 568 млн. теңге. Қуаттылығы – жылына 260 км. Жұмыс орындары – 50;

14. «Достық Полимер» ЖШС – полимерлік бума өндіретін зауыт салу. Құны – 191,9 млн. теңге. Қуаттылығы – жылына 380 тонна полимерлік бума. Жұмыс орындары – 32;

15. «Атамекен» ЖШС – әк ұнының өндірісі. Құны – 52 млн. теңге. Қуаттылығы – жылына 7,2 мың тонна. Жұмыс орындары – 20;

16. «АқтауОйлМаш» ЖШС – Жаңаөзен қаласындағы машина жасау зауыты. Құны – 4 млрд. теңге, қуаттылығы – жылына 150 бірлік мұнай жабдығы, жұмыс орындары – 650.
2015 жылдың қаңтар-сәуірінде құрылыс жұмыстарының көлемі – 30,3 млрд. теңгені, өсу қарқыны – 108,8% құрады. Жалпы ауданы 252 мың шаршы метр тұрғын үй пайдалануға берілді немесе 2014 жылдың қаңтар-сәуірінен 34,2%-ға артық.

Облыстың бәсекеге қабілетті артықшылықтарын есепке ала отырып, облыс экономикасының мынадай өсу резервтері айқындалды: мұнай-газ өндіру секторын одан әрі дамыту (іздестіру, барлау жүргізу және жұмыс істеп тұрған кен орындарын жете барлау, жұмыс істеп тұрған кен орындарының тиімділігін көтеру, мұнай сервистік кластерді дамыту), облыстың транзиттік әлеуетін дамыту (көлік пен логистика), құрылыс индустриясы мен туризмді дамыту («Кендірлі» курортты демалыс аймағы).

2015 жылы 5 жобаны пайдалануға беру жоспарланған.

АЭА-ның инвестициялық тартымдылығын көтеру мақсатында, аумағын инфрақұрылыммен қамтамасыз ету бойынша жұмыс жүргізілуде. Бүгінге №3 және №1 кіші аймақтар инженерлік инфрақұрылыммен қамтамасыз етілген. № 1 (қосымша учаске), № 2 және №4 кіші аймақтардың инженерлік инфрақұрылымын салуға ЖСҚ әзірлеу жүргізілуде.

Көлік инфрақұрылымын дамыту тұрғысында, Азия даму банкінің қарыз қаражатын тарту арқылы республикалық бюджет қаражаты есебінен «Ақтау-Бейнеу-Атырау» автожолын реконструкциялау жобасы іске асырылуда: «Бейнеу-Шетпе» учаскесінде құрылыс аяқталуда, «Шетпе-Жетібай-Ақтау» учаскесінде жұмыстар басталды.

«Сыңғырлау-Сам-Ноғайты-Тұрыш» автожолының және Ақтау-Қаламқас автомобиль жолының «Ақтау-Ақшұқыр» және «Ақтау-С. Шапағатов» облысішілік бағыты бойынша автопавильондардың (13 бірлік аялдама, 14-26 километр учаскесінде) құрылысы жүргізілуде.

«Ақтау-Құйылыс» (7-15 км), «Форт-Шевченко – Ақтау-Қаламқас жолының 43 километріне дейін» (43-75 км), және «Ақтау-Қаламқас» (101 және 104 км) автожолдарын күрделі жөндеу, «Форт-Шевченко – Ақтау-Қаламқас жолының 43 километріне дейін» (75-122 км) және «Ақтау-Қаламқас» (10-89 км) автожолдарын орташа жөндеу жалғасуда.

Қазақстан Республикасының туристік саласын дамытудың 2020 жылға дейінгі тұжырымдамасы Батыс Қазақстанды жағажай туризімінің орталығы ретінде, оның ішінде Кендірлі курортты демалыс аймағын дамытуды көздейді. Кендірлі туристік аймағын дамытудың жүйелі жоспары әзірленіп, бекітілді. Курортты аймақты дамытуға инвесторлар тарту бойынша белсенді жұмыс жүргізілуде.

Екінші деңгейдегі банктермен 2015 жылғы 1 сәуірге шағын бизнес субъектілеріне 1,1 млрд. теңге көлемінде кредиттік ресурстар берілді (01.04.2014 жылға – 2,7 млрд. теңге).

Жұмыспен қамтумен – 7264 адам, оның ішінде тұрақты жұмыс орындарымен – 4689 адам, маусымдық жұмыс орындарымен – 1271 адам, жергілікті бюджеттер қаражатының есебінен ақысы төленетін қоғамдық жұмыстармен – 1304 адам қамтамасыз етілді.

Бір қызметкердің орташа айлық жалақысы 2014 жылдың қаңтар-наурызында 229 167 теңгені құрады, бұл – 2013 жылдың осындай кезеңінен 18,9%-ға жоғары.

Білім беру объектілерін дамытуға 2015 жылы – 7,6 млрд. теңге, оның ішінде республикалық бюджеттен – 4,1 млрд. теңге, жергілікті бюджеттен – 3,5 млрд. теңге көздестірілді.

2015 жылы аяқталатын 2590 орындық 11 балабақшаның, оның ішінде: Жаңаөзен қаласының Мерей, Арай, Астана шағын аудандары мен Қызылсай ауылында әрқайсысы 320 орындық 4 балабақшаның, Ақтау қаласында 280 орындық балабақшаның, Бейнеу ауылында әрқайсысысы 140 орындық 2 балабақшаның, Мұнайлы ауданының Атамекен және Дәулет ауылдарында әрқайсысы 280 орындық 2 балабақшаның, Түпқараған ауданының Форт-Шевченко қаласында 140 орындық, Қызылөзен ауылында 50 орындық балабақшаның құрылысы жүргізілуде. Қарақия ауданының Жетібай ауылында 280 орындық балабақшаның құрылысын бастау, «Нұрлы жол» бағдарламасының аясында 2015 жылға көздестірілді.

Үш ауысыммен оқытатын мектептерді жою мақсатында, Форт-Шевченко қаласында 550 орындық мектеп-интернаттың және Атамекен ауылында 1200 орындық орта мектептің құрылысы жүргізілуде. Бұдан басқа, Бейнеу ауылында 900 орта мектеп салу жобасы «Нұрлы жол» бағдарламасының аясында 2015 жылға көздестірілді.

Авариялық мектептерді жою мақсатында, 2015 жылы аяқталатын әрқайсысы 624 орындық тағы 2 орта мектептің құрылысы республикалық бюджет қаражаты есебінен жүргізілуде (Қарақия ауданының Құланды ауылы мен Жетібай станциясында).

7 білім беру объектісін күрделі жөндеуге жергілікті бюджеттен 1,6 млрд. теңге бөлінді.

Денсаулық сақтау объектілерін дамытуға 2015 жылы – 1,7 млрд. теңге, оның ішінде республикалық бюджеттен – 626,3 млн. теңге, жергілікті бюджеттен – 1,1 млрд. теңге көздестірілді.

Республикалық бюджет қаражатының есебінен Ақтау қаласында 150 орындық Өңірлік ана мен баланы қорғау орталығын салу көздестірілген.

Жергілікті бюджет қаражатының есебінен 7 дәрігерлік амбулаторияның, оның ішінде Маңғыстау ауданының Үштаған, Қызан және Жыңғылды ауылдарында, Қарақия ауданының Мұнайшы ауылында және Мұнайлы ауданының Батыр ауылында ауысымына 40 келушіге арналған 5 дәрігерлік амбулаторияның, Қарақия ауданының Құланды ауылында және Өмірзақ ауылында (Ақтау қаласы) ауысымына 25 келушіге арналған 2 дәрігерлік амбулаторияның, сондай-ақ Бейнеу ауданының Есет ауылында фельдшерлік-акушерлік пункттің құрылысы жүргізілуде.

Балалар өлімінің деңгейі 2014 жылғы қаңтар-сәуірдегі 1000 тірі туылғандарға шаққанда 9-дан 2015 жылғы қаңтар-сәуірде 11,9-ға дейін артты. Ана өлімінің фактілері тіркелмеді (2014 жылдың қаңтар-сәуірінде – 1).

Туберкулезбен ауыру 2014 жылғы қаңтар-сәуірдегі 100 мың халыққа шаққандағы 24,6-дан 2015 жылғы қаңтар-сәуірде 25,3-ке дейін артты.