x = x(t), y = y(t), z = z(t) r=r(t)

Нүктенің кеңістіктегі орнын толық анықтайтын тәуелсіз координаталар саны – еркіндік дәреженің саны деп аталады. Материалдық нүкте кеңістікте қозғалса, онда оның еркіндік дәрежесінің саны үшке тең. (Бір мезгілде x, y, z координаталары өзгереді). Ал жазықтықта қозғалса екіге тең. (Бір мезгілде x, y координатасы өзгереді). x, y, z осьтерінің біреуінің бойымен қозғалса, бірге тең. (Бір мезгілде үш координата осінің нүкте қозғалатын осі ғана уақыт бойынша өзгереді). Барлық жағдайларда материалдық нүкте қарастырылып отырғандықтан, оның осьтерінің бойымен айналмалы қозғалыстары ескерілмейді (Инерция моменті J = 0).

Егер теңдеулерінен уақытты шығарып тастасақ, материалдық нүкте қозғалысының траекториясының теңдеуі шығады. Қозғалыстағы материалдық нүктенің кеңістікте немесе жазықтықта қалдыратын ізін оның траекториясы деп атайды. Пішініне байланысты қозғалыс траекториясы түзу сызықты, қисықсызықты немесе шеңбер бойымен болуы мүмкін. Траекторияның пішіні санақ жүйесін таңдап алғанға тәуелді. Шындығында, Жермен салыстырғанда қозғалыстағы вагонның ішінде ауырлық күшінің әсерінен еркін құлайтын денененің вагонмен салыстырғандағы траекторияның пішіні түзу сызық, ал Жермен салыстырғанда қисық сызық (ауаның кедергісі ескерілмесе парабола) болады. Дәл осы сияқты, қозғалыстағы ұшақ пропеллерінің қандай да бір нүктесінің ұшақпен байланыстырылған санақ жүйесіндегі траекториясының пішіні шеңбер болса, Жермен байланыстырылған санақ жүйесінде винттік сызықпен қозғалады. Соныменен траекторияның пішінінің түсініктемесінің мағынасы 11 салыстырмалы болғандықтан, ол туралы берілген белгілі бір санақ жүйесінде (координаталар жүйесі) ғана сөз қозғауға болады.

∆S = ∆S(t) жол уақыттың скалярлық функциясы болып табылады. Материалдық нүктенің t және t + ∆t уақыт өткеннен кейін орындарын қосатын вектор (t + ∆t)- − орын ауыстыру векторы деп аталады. Қозғалыстағы дененің немесе материалдық нүктенің уақыттың әрбір мезетінде анықталған координатасы уақыттың функциясы болады. Осы функцияның түрі қозғалыстың заңын береді. Қозғалыс бірқалыпты, бірқалыпты айнымалы немесе айнымалы болып келуі мүмкін.