«Күршім ауданының білім бөлімі» мемлекеттік мекемесінің 2015 жылғы атқарылған жұмыстары бойынша ақпарат Білім беру «Қазақстан – 2050»

Білім беру «Қазақстан – 2050» ұзақ мерзімді Стратегиясының маңызды басымдықтарының бірі болып танылады. Қазақстандағы білім беру реформаларының жалпы мақсаты- білім беру жүйесін жаңа әлеуметтік-экономикалық ортаға бейімдеу. Қазақстан Республикасының Президенті республиканы әлемдегі бәсекеге қабілетті 30 елдің қатарына енгізу туралы міндет қойған болатын. Білім беру жүйесін жетілдіру осы мақсатқа қол жеткізуде маңызды рөл атқарады. Елбасының алға қойған міндетін жүзеге асыру мақсатында Күршім ауданының білім беру мекемелері білім бөлімінің 2014-2015 жылдарға арналған жоспарына сай жұмыс атқарды.

2014-2015 оқу жылында ауданымызда 46 мектеп қызмет етті, оның 23 орта, 20 негізгі орта, 3 бастауыш мектеп. Оқу жылының басында 4473 оқушы болса, оқу жылын 427 сынып-комплектіде 4411 оқушы аяқтады. 2014-2015 оқу жылында білім сапасы 58 % құрап, білім сапасы 1,82 % өсті.

2015-2016 оқу жылында Күршім ауданында барлығы 43 мектеп бар, оның 23- і орта, 17- і негізгі орта, 3 бастауыш мектептер, соның ішінде 37-сі қазақ, 6- уы аралас мектеп. 43 мектептің 30-ы типтік, 13- і бейімделген ғимаратта орналасқан. 43 мектептің 36-сы шағын жинақталған мектептер. 4 балабақша, 2 өнер мектебі, 1 шығармашылық үйі, 1 сауықтыру лагері («Балдәурен») бар. 2015- 2016 оқу жылында аудан мектептеріндегі оқушы саны - 4384.(қосымша 1)

Мектеп түлектерінің 5-еуі «Алтын белгі» төсбелгісіне, 4-уі «Үздік аттестатқа» аяқтады. (қосымша 2)

2015 жылғы Ұлттық бірыңғай тестілеудің қорытындысы бойынша көрсеткіш 87,64 баллды құрап, өткен оқу жылымен салыстырғанда 11,16 баллға жоғарылады. (қосымша 3)

2015 жылы «Алтын белгі» белгісін қорғағандар:

«Үздік аттестатқа» ие болған оқушылар

2014 жылдан бастап аудан бойынша 2 мектеп: Күршім № 4 Күршім орта мектебі және Қалжыр орта мектебі жан басына қаржыландырудың пилоттық жобасына енгізіліп, республикалық бюджеттен қаржыландырылады.

2015 жылы «Жұмыспен қамту жол картасы -2020» бағдарламасы бойынша Қаратоғой ОМ, Ақбұлақ ОМ, Сарыөлең ОМ ғимаратын ағымдағы жөндеу жұмыстарына, Мөнекей ОМ спорт залының шатыры мен еденін ағымдағы жөндеуге қаражат бөлінді. (қосымша 5)

Жергілікті бюджеттен бөлінген қаражат Бірлік НОМ, Күршім № 5 ОМ, Балалар шығармашылық үйі, Күршім бала бақшасының, «Болашақ» бала бақшасының ғимараттарын ағымдағы жөндеу жұмыстарына жұмсалды. (қосымша 6)

2015-2016 оқу жылында Ақжайлау негізгі орта мектебі қолданысқа беріліп, Үшбұлақ орта мектебінің құрылысы жалғастырылмақ.

2015-2016 оқу жылына аудандық маслихат сессиясында бөлінген қаражатқа барлығы 16 869 дана оқулықтар алынды.

Бүгінгі таңда біліктілікті арттыру бағдарламасын жаңарту және білім беру ұйымдарының педагог қызметкерлерінің біліктілігін арттыруды қамтамасыз етуге ерекше көңіл бөлінген.   Осыған орай,    аудан мектептерінің мұғалімдері Алматы, Астана, Өскемен, Семей қалаларында білім жетілдіру курсынан жоспарлы түрде өтіп отырады.   Біліктілікті арттыру курстары "Өрлеу" ұлттық біліктілікті арттыру орталығы" акционерлік қоғамының базасында, сондай-ақ "Назарбаев Зияткерлік мектептері" дербес білім беру ұйымының базасындағы педагогикалық шеберлік орталығында курстық даярлықтан өтіп, біліктілік емтиханын тапсырғаннан кейін педагогке еңбекақысына әсер ететін 1-, 2-, 3-деңгейлі курстар градациясына сай тиісті сертификат берілуде. Күршім ауданы бойынша 43 мектептен бүгінгі күні барлығы 135 мұғалім деңгейлік курстардан өтіп, сертификат алды. 1 - деңгейден – 17 мұғалім, 2 - деңгейден–15 мұғалім, 3- деңгейден–103 мұғалім сертификатталып отыр. Ауданда «Аруна» желілік қоғамдастығы жұмыс атқарады. Жылдың басында желілік қауымдастықтың жоспары құрылып, осы жоспарға сәйкес 5 желілік қауымдастық жұмыс істеді. Деңгейлік курстан өткен мұғалімдердің пәндік құрамы: қазақ тілі мен әдебиеті - 25, орыс тілі мен әдебиеті – 13, математика -18, шет тілі - 15, химия - 7, биология - 6, география – 4, физика-2, тарих-13, бастауыш сынып - 20, информатика – 9, дене шынықтыру-1, өзін-өзі тану-2, басшы кадрлар – 2. (қосымша 8)

   Аудан мектептерінің оқушылары Шығыс Қазақстан өңірлік ғылыми-практикалық «Дарын» орталығының ұйымдастыруымен өтетін сайыстарға, байқауларға, олимпиадаларға белсене қатысып отырады. Шығыс Қазақстан өңірлік ғылыми - практикалық «Дарын» орталығының ұйымдастыруымен 1-7 сынып оқушылары арасында республикалық «Зерде» ғылыми жобалар сайысының облыстық кезеңіне 7 оқушы қатысып, 6-уы жүлделі орындармен марапатталды. Щучье қаласындағы «Балдәурен» республикалық оқу-сауықтыру орталығында өткен республикалық кезеңде Ақылбекова Дана- ІІ орын, Набиолда Дильназ- ІІІ орынды жеңіп алды.

Жалпы білім беретін пәндер бойынша республикалық ғылыми жобалар сайысының облыстық кезеңіне Күршім ауданынан 11 оқушы қатысып, 8-і жеңімпаз атанды. Алматы қаласында өткен ғылыми жобалар сайысының республикалық кезеңінде Бақтиярова Жансая (Қ.Нұрғалиев гимназиясы)- ІІ орын, Қайсанов Ақжан (Қалжыр ОМ) - ІІІ орын, Марқабаев Жарқын сертификатпен марапатталды.

2014-2015 оқу жылында ғылым негіздері бойынша 8-11 сынып оқушыларының республикалық олимпиадасында Күршім ауданының командасы облыс бойынша «Үздік олимпиада командасы-2015» номинациясы бойынша жүлделі ІІІ орынға ие болды. І орын алған №3 Күршім гимназиясының 9- сынып оқушысы Алтаева Ақтоты Орал қаласында өткен республикалық кезеңде сертификат алып қайтты.

Шығыс Қазақстан өңірлік ғылыми- практикалық «Дарын» орталығының ұйымдастыруымен оқушылардың «Ақберен» байқауының облыстық кезеңінде ауданымыздан қатысқан 6 оқушыдан тұратын команда жүлделі ІІ орынды иеленіп қайтты. Сарыөлең орта мектебінің 11- сынып оқушысы Өнер Камшат Түркістан қаласында өткен республикалық кезеңде 1-орын иеленіп, грант иегері атанды.

Ағымдағы жылдың 11 сәуірінде өткен бастауыш сынып оқушыларының пәндік олимпадасының облыстық кезеңіне ауданымыздан 10 оқушы қатысып, барлығы түгелдей жүлделі орындармен марапатталып, облыс бойынша Күршім ауданының командасы І орынға ие болды.

2015 жылы 25 мамырда Ақсуат орта, Жаңаауыл, Шеңгелді негізгі орта мектептеріндегі қысқа мерзімді шағын орталықтар толық мерзімді шағын орталықтарға ауыстырылды.

2015 жылы тегін ыстық тамаққа бөлінген қаражат- 81573,0 мың теңге. Жалпыға бірдей білім беру қорынан бөлінген 46917,0 мың теңгенің ішінде 1- 4 сынып оқушыларының тамақтануына - 16438 мың теңге, 5-11 сынып оқушыларының аз қамтылған отбасы балаларына- 30479 мың теңге бөлінген. Жалпы 1-4 сынып оқушыларына (1778 ) бөлінген қаражат- 51094 мың теңге. 10275,0 мың теңге балға, 10216,0 мың теңге сүтке бөлінген. Аудан оқушыларының 1-4 сыныптарына күніне 10 грамм, ал 5-11 сынып оқушыларына 20 грамнан қалбырланған бал, аптасына үш рет 200 грамнан сүт беріледі.

Жаз айларында балалардың сауықтырылуы мен бос уақытын ұйымдастыру негізгі бағыттар бойынша жүзеге асырылды:

-сауықтыру демалысы

- қызығушылықтары бойынша демалыс

-жазғы еңбек демалысы

-спорттық-туристік саяхат.

2014-2015 оқу жылында ауданның 46 мектебінің 1-10 сыныбын 4158 оқушы аяқтады, оның ішінде 1531- аз қамтылған отбасы балалары, 20 – ата-ананың қамқорынсыз қалған, 25-жетім , 34- патронаттағы және аудандық ішкі істер бөлімінде есепте тұрған 6 бала (2 оқушы -11 сыныпта бітірді). Аталған санаттағы балалар жас ерекшеліктеріне қарай демалыспен және сауықтырумен қамтылып, еңбекке тартылды.

Балалар мен жасөспірімдердің жазғы демалысы мен сауықтырылуын ұйымдастыру бойынша ауданда бірқатар жұмыстар атқарылды: 40 мектеп жанындағы сауықтыру алаңдарында 1753 оқушы демалыс және сауықтырумен қамтылды (оның 1353 жалпыға бірдей білім беру қорынан, 400 бала кәсіподақ арқылы), 4 мектеп жанындағы интернаттарда (Қалжыр, Қаратоғай, Төсқайың, № 2 Теректі) 540 балаға, Ұрынхай шағын орталықтарында 280 балаға лагерьлер ұйымдастырылды. Сарыөлең ауылындағы «Балдәурен» демалыс лагерінде 700 бала және „Кеңсу“ демалыс үйінде 200 бала демалыспен қамтылды.

Жазғы демалысты ұйымдастыруға жергілікті бюджеттен 19675,0 мың теңге, аудандық кәсіподақ ұйымынан 900,0 мың теңге қаражат қарастырылады және ата-аналардың демеушілігімен 2975,0 мың теңгеге балаларға демалыс ұйымдастырылды. Жалпы бөлінген қаражат 23610,0 мың теңгені құрайды.

Барлығы жаз айларында демалыс және сауықтырумен қамтылған бала саны: 4354 бала (104,7%).

„Отанымыздың елордасы – Астанамен танысамыз“ атты өлкетану жобасын іске асыру мақсатында жаппай оқу қорының қаражаты шеңберінде ауданның 20 білім беру ұйымдарынан 20 аз қамтылған отбасының баласы және ата-аналардың демеушілігімен 51 бала Астана қаласына туристік саяхатқа жіберілді.

Ауданымыздың білім беру мекемелерінен Абай ауданына «Жидебай – дана Абайдың Отаны» атты бағдарламамен саяхатқа 95 бала және 101 бала Катон -Қарағай ауданына 3 күндік саяхатқа барды. Аудандағы тарихи ескерткіш орындарда өлкетану, экология, патриотизм, спорт бағыттары бойынша экспедициялар 3 және көп күндік саяхаттар өткізілді, онда 2285 бала тартылды. Аудан мектептерінде оқитын бастауыш сыныптың 1758 оқушысы 3 күндік саяхаттарға шықты. Жаз айларында туристік саяхаттармен қамтылған бала саны - 4890 (117,60%).

Жаз айларында балалардың бос уақыттарын тиімді ұйымдастыру мақсатында аудандығы 3 қосымша білім беру мекемелері және әр мектептерде 144-тен астам үйірмелер (музыка, шахмат, тоғызқұмалақ, компьютер сауаттылығы, спорт) қызмет атқарды, онда 1520 бала үйірмелерге тартылды. Ауданда орналасқан спортмодульде, жасанды және мектеп жанындағы спорт алаңдарында және «Сарытау» спорт кешенінде жаз айларында 2130 бала денсаулықтарын шынықтырды.

Жаз айларында балалардың бос уақыттарын тиімді ұйымдастыру мақсатында ұйымдастырған шаралармен қамтылған бала саны - 4198 (101%).

Ауданның 3010 оқушысы мектеп ауласын абаттандыру жұмыстарында, жер телімдерінде, мектеп жанындағы оқу-тәжірибе үлескілерінде жұмыс істеді. Оның ішінде 24 мектептегі өндірістік бригадаларға 600 бала тартылды. Ұрынхай, Маралды, Төсқайың, Үшбұлақ ауылдарындағы 96 мектеп оқушысы орман шаруашылығына көмектесті. Қаратоғай ауылындағы интернатта еңбек демалыс лагерінде 460 бала демалыс және еңбекке тартылды.

Еңбекпен қамтылған бала саны 3260 (78%).

Жаз айларында балалар толық сауықтырумен және демалыспен қамтылып, еңбекке тартылды, ол 100 пайызды құрайды.

Күршім аудандық білім бөлімінің 25 мектебінде жетім және ата- анасының қамқорынсыз қалған 45 бала, 35 патронаттық тәрбиедегі балалар бар. Осы ата-анасының қамқорынсыз қалған 45 баланың 25-ы ата- анасынан айырылған балалар. Қалған 20 баланың ата – аналары - әр түрлі себептен өз борышын өтеуден бас тартып жүргендер. Бұл категориядағы балалардың тұрмыс- тіршілігі, тәрбие жағдайлары жылына 2 рет тексеріліп, қадағаланылып отырылады. Барлығы аудан бойынша жетім және ата-анасының қамқорынсыз қалған 80 бала бар.

Қамқоршылықтағы балалардың қамқоршыларына, патронаттық тәрбиешілерге патронаттық тәрбиедегі баланы күтіп-бағуға 19820 теңгені құрайтын әлеуметтік жәрдемақы уақтылы төленіп отыр.

Аудан мектептерінде асырап алу ата-ана мектебі жүйелі жұмыс жүргізеді. Әлеуметтік жетімдіктің алдын алу, отбасылық құндылықтар мен отбасылық тәрбиені насихаттау мақсатында асырап алушылар, қорғаншылар (қамқоршылар), патронаттық тәрбиеленушілер және баланы отбасына тәрбиеге алу жұмысы мектептер тарапынан жүйелі жүргізіліп, өз нәтижесін беріп отыр.

Бүгінгі күні Маралды орта мектебінде 11 бала, Үшбұлақ орта мектебінде 16, Қыстау-Күршім орта мектебінде 1 бала, Күршім №4 орта мектебінде 1 бала, Күршім №1 орта мектебінде 1 бала, Ақши негізгі орта мектебінде 3 бала, Ақжайлау негізгі орта мектебінде 2 бала патронаттық тәрбиеде тәрбиеленуде.

Барлығы 35 бала.

Ауданымыздағы жетім 25 бала, патронаттық тәрбиедегі 35 бала, Серебрянск қаласындағы «Психикалық дамуы тежелген жетім балаларға арналған орталау түзеу мектеп –интернатының» 6 баласы білім беру ұйымдары және жеке бөлімдерге, ауылдық әкімдерге, кәсіпорындарға, жеке кәсіпкерлерге бекітіліп беріліп, осы балалардың «Тұрғын үй құрылыс жинақ банкі» АҚ-дағы жеке есеп шоттарына қазіргі уақытта барлығы 11 407 400 теңге қаржы аударылды.

Жыл сайын «Ризашылық» мерекесінде мекемелер, мектептер өздеріне бекітілген патронаттық тәрбиедегі балаларға барып, сый-сияпат көрсетіп, отбасылық мереке сыйлап қайтуы дәстүрге айналған. 2012 жылы 680 мың теңгенің көмегі көрсетілсе, 2013 жылы 760 мың теңгенің, 2014 жылы 1 200 мың теңгенің көмегі көрсетілді.

   Ауданда 3 қосымша білім беру мекемелері жұмыс істейді.   Қосымша білім беру мекемелеріне осы оқу жылында 543 бала тартылды. Ол барлық оқушылар санының 12,1 % құрайды (2013 ж -11,7 %).

2015 жылы 15 қазанда Күршім ауданының әкімі С.Ж.Чукаев Күршім ауданының ұстаздар қауымын және ауданның білім саласында жетістікке жеткен ұстаздарын төл мерекелерімен құттықтау үшін аудан орталығынан шалғайда орналасқан Теректі ауылында салтанатты кездесу жиынын өткізді. 50-ден астам ұстаздарға білім саласында жеткен жетістіктері үшін аудан әкімінің құттықтау грамотасы және Алғыс хаттары салтанатты түрде табыс етілді. 2015 жылдың 15 қыркүйегінде Сәрсен Аманжолов атындағы Шығыс Қазақстан мемлекеттік университетінде «Абай мұрасы әлемдік руханият кеңістігінде» тақырыбында Халықаралық ғылыми-тәжірибелік конференция өтті.Конференция аясында «Абай оқуы»сайысы өтті. Байқау қорытындысында 9 жүлдегер анықталып, Бас жүлде Күршім ауданы №1 Теректі орта мектебінің 11-сынып оқушысы Шәріпжанова Аяулымға бұйырды. (Жетекшісі «Абайтану» пәнінің мұғалімі Байата Гүлжан). Күршім ауданынан облыстық байқауға 3 талапкер қатысып, №1 Күршім орта мектебінен барған 11 сынып оқушысы Мұхаметқанова Назгүл (Жетекшісі қазақ тілі мен әдебиетінің мұғалімі Меруерт Жұмажанова) «Өлең- сөздің патшасы, сөз сарасы» номинациясына ие болды. 2015-2016 оқу жылында 16 қазан күні Алматы облысы, Қапшағай қаласындағы №12 мектептің базасында өткен «Модернизациялау жағдайында ресурстық орталықтың (РО) оқу-тәрбие жүйесіндегі инновациялық үдеріс» тақырыбымен өткен өңіраралық семинарға ауданнан білім бөлімінің басшысы Б.Елеубаев пен Құйған орта мектебінің директоры А.Сейташимов қатысып, «Мұғалімнің кәсіби құзыреттігі – нәтижелі білім берудің кепілі» тақырыбымен пленарлық бөлімде баяндама жасап, еңбегі семинар жинағына енді.