-тарау. Қатты пайдалы қазбаларды барлау және өндіру үшін жер қойнауы учаскелерін қайта құру

31-тарау. Қатты пайдалы қазбаларды өндіру шарттары туралы келісім

11. Қатты пайдалы қазбаларды қайта өңдеу туралы келісім ұғымы

1. 
   Қатты пайдалы қазбаларды қайта өңдеу туралы келісім Қазақстан Республикасы қатты пайдалы қазбаларды өндіруге лицензияның (лицензиялардың) иесіне преференция беруге міндеттенетін, ал соңғысы қатты пайдалы қазбаларды қайта өңдеу жобасына инвестицияларды өз тәуекеліне жүзеге асыруға міндеттенетін шарт (қайта өңдеу туралы келісім) болып табылады.
   

2. 
   Қайта өңдеу туралы келісім Қазақстан Республикасы атынан қайта өңдеу туралы келісімді инвестициялар жөніндегі уәкілетті орган жасайды.
   

3. 
   Қайта өңдеу туралы келісім қатты пайдалы қазбаларды өндіруге лицензия беру шарты болып табылмайды.
   

11. Қатты пайдалы қазбаларды қайта өңдеу туралы келісімді жасасу тәртібі

1. 
   Өңдеу туралы келісім жасауға ниеті бар жер қойнауын пайдаланушы инвестициялар жөніндегі уәкілетті органға олар бекіткен нысан бойынша өтініш береді.
   
2. 
   Өтінішке мыналар қоса беріледі:
   

1. 
   Жер қойнауын пайдаланушының заңды тұлға ретінде мемлекеттік тіркелуі туралы (қайта тіркелуі) анықтама;
   
2. 
   Басшының қолымен және заңды тұлғаның мөрімен (болған жағдайда) куәландырылған заңды тұлға жарғысының көшірмесі;
   
3. 
   өңдеу жобасының қаржылық-экономикалық үлгісі;
   
4. 
   инвестициялар жөніндегі уәкілетті орган белгілеген талаптарға сәйкес жасалған өңдеу жобасының бизнес-жоспары;
   
5. 
   қатты пайдалы қазбаларды өңдеу туралы келісім жобасы.
   

3. 
   Инвестициялар жөніндегі уәкілетті орган өтінішті тіркеп, өтініш берушіге келіссөздердің басталу күні туралы хабардар етеді, ол өтінішті алған күннен бастап бір айдан кешікпеуі тиіс.
   
4. 
   Инвестициялар жөніндегі уәкілетті орган тарапынан келіссөздер жұмыс тобымен жүргізіледі. Жұмыс тобы туралы ереже мен оның құрамы Инвестициялар жөніндегі уәкілетті органмен бекітіледі.
   
5. 
   Келіссөздер жүргізу мерзімі алты айдан аспауы тиіс. Келіссөздер нәтижелері хаттамамен рәсімделеді.
   
6. 
   Жер қойнауын пайдаланушы келіссөздерден және өңдеу туралы келісім жасасудан, бұл туралы инвестициялар жөніндегі уәкілетті органға жазбаша хабарлай отырып кез келген уақытта бас тартуға құқылы.
   
7. 
   Келіссөздер нәтижелері бойынша келісілген өңдеу туралы келісім жобасы инвестициялар жөніндегі уәкілетті органға құқықтық сараптама ұйымдастыру үшін ұсынылады.
   

Құқықтық сараптама өңдеу туралы келісім жобасының Қазақстан Республикасының заңнама талаптарына сәйкестігі мәніне жүргізіледі.

Құқықтық сараптаманың оң қорытындысы жағдайында инвестициялар жөніндегі уәкілетті орган өңдеу туралы келісім жобасын Қазақстан Республикасы Үкіметіне бекітуге жібереді.

Құқықтық сараптаманың теріс қорытындысы жағдайында жер қойнауын пайдаланушы өңдеу туралы келісім жобасын сараптама ескертулерін жою мақсатында пысықтайды.

8. 
   Құқықтық сараптаманың оң қорытындысын алған өңдеу туралы келісім жобасы сараптама қорытындысының күнінен бастап бес жұмыс күні ішінде Қазақстан Республикасы Үкіметіне бекітуге жіберіледі.
   
9. 
   Өңдеу туралы келісім инвестициялар жөніндегі уәкілетті органмен оның жобасын Қазақстан Республикасы Үкіметі бекіткен күннен бастап бес жұмыс күнінен кешіктірмей қол қойылуға жатады.
   
10. 
    Өңдеу туралы келісім барлық тараптар қол қойғаннан кейін жасасқан болып есептеледі.
    

11. Өңдеу туралы келісімнің мазмұны

1. 
   Өңдеу туралы келісім мыналарды қамтуы тиіс:
   

1. 
   келісімнің мәні;
   
2. 
   жер қойнауын пайдаланушыда бар қатты пайдалы қазбаларды өндіруге лицензияға (лицензияларға) нұсқау;
   
3. 
   жер қойнауын пайдаланушының инвестициялық емес жәнеәлеуметтік міндеттемелері;
   
4. 
   ұсынылған мемлекеттік преференция (преференциялар) түрі және оның мерзімі;
   
5. 
   келісімге сәйкес жасалған, кеңейтілген немесе жаңғыртылған өндірістік мүліктің пайдаланудан шығуы, оның бөлшектенуі, кәдеге жарату және бүлінген жерлерді қалпына келтіру бойынша міндеттемелер;
   
6. 
   өңдеу туралы келісім шарттарының бұзылғаны үшін жауапкершілік;
   
7. 
   төрелік сынау.
   

2. 
   Өңдеу туралы келісімге қолданылатын құқық Қазақстан Республикасының заңнамасы болып табылады.
   
3. 
   Өңдеу туралы келісіммен осы Кодекспен және қатты пайдалы қазбаларды өндіруге лицензиямен (лицензиялармен) көзделген шарттарға қарағанда өндіруге ең төменгі шығыстар және жер қойнауын пайдаланушының оқытуды және Қазақстан Республикасындағы ғылыми-зерттеу және тәжірибелік конструкторлық қызметті қаржыландыру бойынша міндеттемелері туралы басқа да шарттар қарастырылуы мүмкін.
   

4. 
   Өңдеу туралы келісім тараптар айқындайтын басқа да ережелерді қамтуы мүмкін.
   
5. 
   Өңдеу туралы келісім жер қойнауын пайдалану құқығын беру және тоқтату туралы ережені қамти алмайды.
   
6. 
   Өңдеу туралы келісім мерзімі осындай келісімде көзделген өндіруге лицензия мерзімінен аса алмайды. Егер келісім қатты пайдалы қазбаларды өндіруге екі немесе одан көп лицензияға сілтеме жасаса, онда келісім мерзімі ең кеш күнде аяқталатын өндіруге лицензия мерзімінен аса алмайды.
   

7. 
   Келісім мемлекеттік және орыс тілдерінде жасалуы тиіс. Тараптардың келісімі бойынша келісім мәтіні басқа тілге де аударыла алады.
   
8. 
   Өңдеу туралы келісімді жасасу, орындау және тоқтату бойынша қатынастарға азаматтық заңнама осы тараумен реттелмейтін жағдайларда қолданылады.
   

11. Ұсынылатын мемлекеттік преференциялар түрлері

1. 
   Мемлекеттік преференция Қазақстан Республикасында құрылған заңды тұлға болып табылатын, қатты пайдалы қазбаларды өндіру бойынша операцияларды жүргізетін жер қойнауын пайдаланушыға ол қатты пайдалы қазбаларды өңдеу жобасын Қазақстан Республикасының аумағында іске асыруда ұсынылады.
   
2. 
   Мемлекеттік преференция жер қойнауын пайдаланушының әлеуметтік және инвестициялық міндеттемелерін қарастыратын тараптардың бірдейлігі басында ұсынылады, соның ішінде мына міндеттемелерді:
   

1. 
   өндіруші және (немесе) қөңдеуші өндірісте Қазақстан Республикасының азаматтары үшін жұмыс орындарын құру және сақтау бойынша ;
   
2. 
   өңдеуші өндірісті құру, кеңейту және (немесе) жаңғырту бойынша;
   
3. 
   қатты пайдалы қазбаларды өңдеудің көлемі және тереңдігі бойынша;
   
4. 
   Қазақстан Республикасының заңнамасына сәйкес кәсіпкерлік қызмет субъектілері болып табылатын адамдарға шикізат ретінде ішкі нарықта өткізу үшін шығарылатын өнім көлемі бойынша;
   
5. 
   Ғылыми-техникалық сала, қоршаған ортаны қорғау және қолданбалы ғылым саласының мамандарын даярлау бойынша қазақстандық оқу орындарының бағдарламаларын қаржыландыру бойынша;
   
6. 
   Әлеуметтік және (немесе) мәдени мақсаттағы нысандар құрылысын және (немесе) реконструкциясын қаржыландыру бойынша;
   

3. 
   Өңдеу туралы келісімге сәйкес мемлекеттік преференциялардың мынадай түрлері ұсыныла алады:
   

1. 
   Импортқа кеден баждарын және қосылған құн салығына салық салудан босату;
   
2. 
   Салықтар бойынша преференциялар;
   
3. 
   Салық режимінің тұрақтылығы;
   
4. 
   Қазақстан Республикасының Жер кодексіне сәйкес уақытша ақылы жерді пайдалану құқығында жер учаскелерін беру.
   

4. 
   ПреференцияҚазақстан Республикасының Кәсіпкерлік кодексіне сәйкес инвестициялық преференция берілген және мемлекеттік жекеменшік серіктестік шщарты бойынша немесе концессия шарты бойынша инвестициялар жүзеге асырылып жатқан қатты пайдалы қазбаларды өңдеу объектілері бойынша берілмейді.
   

11. Кеден бажын салудан босату

1. 
   Жер қойнауын пайдаланушы қатты пайдалы қазбаларды өңдеу туралы келісім бойынша ұсынылған мемлекеттік преференцияларға сәйкестехникалық жабдықтарджы, оларға құрамдас бөліктерді және қосалқы бөлшектерді, шикізатты және (немесе) материалдарды импорттау кезінде Қазақстан Республикасының кеден заңнамасында көзделген тәртіпте кеден бажын салудан босатылады.
   

Шикізат және (немесе) материал, құрамдас бөлшек деп технологиялық процесс арқылы дайын өнімді алу үшін пайдаланылатын кез келген компонент, бөлшек немесе басқа да тауар түсініледі.

2. 
   Технологиялық жабдықты және оған құрамдас бөліктерді импорттау кезінде кеден бажын салудан босату өңдеу туралы келісім қолданылуының кез келген уақытында, алайда соңғы қатарынан бес жылдан аспайтын мерзімге ұсынылуы мүмкін.
   

Егер қатты пайдалы қазбаларды өңдеу жобасымен екі немесе одан көп тіркелген активтерді енгізу көзделсе, технологиялық жабдыққа қосалқы бөлшектерді, шикізатты және (немесе) материалдарды әкелуге кеден бажын төлеуден босату мерзімін есептеу соңғы тіркелген актив пайдалануға енгізілген күннен бастап жүргізіледі.

Инвестициялар жөніндегі уәкілетті орган кеден органын осы бапқа сәйкес преференция берілгені туралы пайдалы қазбаларды өңдеу туралы келісім жасалған күннен бастап бес жұмыс күні ішінде хабардар етеді.

11. Салықтар бойынша преференция

1. 
   Салықтар бойынша мемлекеттік преференциялар Қазақстан Республикасының мемлекеттік кірістер саласындағы заңнамада көзделген тәртіпте және шарттарда өңдеу туралы келісім негізінде ұсынылады.
   
2. 
   Өңдеу туралы келісім бойынша қатты пайдалы қазбаларды өңдеу жобасы аясында жүзеге асырылатын қызмет бойынша салықтар бойынша преференциялардың мынадай түрлері ұсынылады:
   

1. 
   Шикізат және (немесе) материалдар импортының қосылған құн салығынан босату;
   
2. 
   Есептелген корпоративті табыс салығының сомасын 100 пайызға төмендету;
   
3. 
   Жер салығының жарналарына 0 коэффициентін қолдану;
   
4. 
   Салық базасына 0 пайыздық жарна бойынша мүлікке салықты есептеу.
   

3. 
   Салықтың әрбір түрі бойынша мемлекеттік преференция өңдеу туралы келісімнің кез келген қолданылу мерзімінде, алайда келесі бес жылдан аспайтын мерзімге ұсынылуы мүмкін.
   

11. Өңдеу туралы келісімнің тұрақтылығының кепілдігі

Өңдеу туралы келісім бойыншақолданылатын салықтар мен жер қойнауын пайдаланушы төлейтін бюджетке басқа да төлемдердер, оларды есептеу және төлеу тәртібі бөлігінде мемлекеттік кірістер саласындағы заңнаманың өзгеруінен жер қойнауын пайдалану бойынша операцияларға және қатты пайдалы қазбаларды өңдеу бойынша қызметке қолданылатын салық режимі тұрақтылығының кепілдігіұсынылуы мүмкін.

Салық режимінің тұрақтылығы өңдеу туралы келісімнің қолданылу кезеңінде қолданылады.

11. Жер учаскелерін беру

Байыту және (металллургиялық) өндіріс нысандарын, жолдарды, инженерлік коммуникацияларды, қатты пайдалы қазбаларды өдірумен, өңдеумен және тасымалдаумен байланысты басқа да инфрақұрылым нысандарын салу мен пайдалану үшін қатты пайдалы қазбаларды өңдеу туралы келісім бойынша жер қойнауын пайдаланушыға Қазақстан Республикасының Жер кодексіне сәйкес уақытша ақылы жерді пайдалану құқығында жер учаскесі (жер учаскелері) бөлінуі.

11. Қатты пайдалы қазбаларды өңдеу туралы келісімді тоқтату салдары

Өндіру және қайта өңдеу туралы келісімді осындай келісім жасалған өндіруге арналған лицензияның мерзімі аяқталғанға дейін тоқтату аталған лицензияны келісімді жасасқанға дейін қолданыста болған жер қойнауы учаскесінде өндіру шарттарына және өзгертілген келісімге сәйес қайта рәсімдеуге әкеледі.

11. Қатты пайдалы қазбаларды өңдеу туралы келісім бойынша құқықтар мен міндеттемелерді беру

1. 
   Жер қойнауын пайдаланушының қайта өңдеу туралы келісім бойынша құқықтары мен міндеттемелерін аталған келісім жасалған лицензия бойынша жер қойнауын пайдалану құқығының тиісті өтуінсіз беруге тыйым салынады.
   
2. 
   Қайта өңдеу туралы келісім жасалған жер қойнауын пайдалану құқығының ауысуы аталған келісім бойынша құқықтар мен міндеттемелердің міндетті берілуіне әкеледі.
   

11. Қатты пайдалы қазбаларды өңдеу туралы келісім бойынша құқықтарға ауыртпалық салу

1. 
   Өңдеу туралы келісім бойынша құқықтарға ауыртпалық салуға, аталған келісім жасалған лиензия бойынша жер қойнауын пайдалану құқығына ауыртпалық салмастан кепілдікті қоса алғанда, жол берілмейді.
   
2. 
   Өңдеу туралы келісім жасалған лицензия бойынша кепілдікті қоса алғанда, жер қойнауын пайдалану құқығына ауыртпалық салу осы келісім бойынша құқықтарға міндетті ауыртпалық салуға әкеледі.