Информатикадан сыныптан тыс жұмыстарды ұйымдастырудың маңыздылығы

Сыныптан тыс ұғымы өте кең. Ол мазмұны, бағыты, əдісі, тағайындалуы, формасы мен жолдары жағынан білімділікті қажет етеді. Мысалы, үйірмелер отырысы, сыныптан тыс оқу, мерекелік шаралар мен кештер өткізу осы сыныптан тыс жұмыстарға жатады. Бірақ кей жағдайларда (оқулар, үйірмелер т.б.) мұғалімдер басшылық жасаса, кей жағдайларда (байқау, кеш т.б.) оқушы белсенділігі мен басқаруында болады. Информатикадан сыныптан тыс жұмыстар компьютер мен ақпараттық технологияларды қолдану мүмкіндіктерін беретін пəнаралық байланыс іспеттес. Компьютерді қолданып басқа пəндерден сыныптан тыс шаралар өткізу оқушылардың дүниетанымы мен қызығушылықтарын арттыра түседі. Сыныптан тыс жұмыс-сабақтан тыс уақыттағы мектепте өткізілетін жəне оқу жоспарына кіретін əртүрлі оқу-тəрбиелік іс-шаралар. Сыныптан тыс жұмыстардың мақсаттары мен міндеттері. Сабақтан тыс жұмыс мақсаттарын, мазмұны мен тəсілдері бойынша оқу үрдесінің сабақтан тыс уақыттағы жалғасы бола отырып, онымен үйлеседі жəне үнемі еріктілік сипатта бола бермейді. Оны жоспарлау мен ұйымдастырудағы анықтаушы роль педагогтың үлесіне тиеді. Оған пəн мұғалімдері дарынды оқушылармен бағдарламалық материал бойынша білімдерін көтеру мен тереңдету үшін, сонымен бірге артта қалушылармен білімдерін толықтыру үшін жүргізілетін жұмыс мысал бола алады. Мектептегі тəрбие жұмысының негізгі бөлігі болып саналатын сыныптан тыс жұмыстар─ баланың өмірге қажетті əлеуметтік ортадағы тəжірибесі мен қоғамдық құндылықтарды қабылдауын қалыптастырады. Информатикадан сыныптан тыс жұмыстардың мақсаты: (Сызба 1.1)

Сыныптан тыс жұмыстар келесі мәселелерді шешуге бағытталған: (Сызба 1.2)

1.Баладан жағымды Мен-тұжырымын қалыптастыру, бұл келесі факторларға байланысты:

А) өзіне басқа адамдардың жақсы көзқараста екендігіне сенімділігі;

Б) өзінің белгілі тақырып немесе қызметті меңгеретініне сенімділігі;

В) өзінің маңызды орын алатынын сенінуі.

Жағымды Мен-тұжырымы баланың өзіне,өзін бағалауға жеке тұлға ретінде қалыптасып дамуынада оң əсер етеді. Түрлі формадағы сыныптан тыс жұмыстар баланың күнделікті сабақта байқала бермейтін жеке қабілеттері мен мүмкіндіктерін ашады. Сыныптан тыс жұмыстың әр түрлі болуы баланың өзіне сенімділігін, өзін дұрыс бағалауын, өз іс- әрекетін бақылауын қалыптастырады. Сонымен қатар әр түрлі жұмыстар баланың іс-тəжірибесі мен дағдысын, адамдар қызметінің əртүрлілігі туралы білімі мен біліктілігі арттырады.

2.Ұжымдық жұмыс жасау тəжірибесі мен серіктестік дағдысын қалыптастыруға жағдай туғызу. Оқу үрдісінде сыныптан тыс жұмыстарға қарағанда ұжымдасып жұмыс істеу мүмкіндігі аз. Сыныптан тыс жұмыстарда оқушылар бір-бірімен барлық жағынан қарым-қатынаста болады. Əртүрлі сыныптан тыс жұмыстарда оқушылар өзінің жаңа қабілеттерін ашып қана қоймай, ұжымдасып жұмыс істеуге үйренеді.

3.Əлеуметтік қызметтер қажеттіліктерін қалыптастыру. Бұл тікелей əртүрлі қызметтер түрімен танысуға байланысты. Сыныптан тыс жұмыстарды қоғам қажет ететін түрлі қызметтерді ұйымдастыру мүмкіндігі бар, бұл жағдай əсіресе теріс жолға түскен жасөспірімдердің (алкоголь, нашақорлық, тəртіп бұзушылық т.б) көбеюімен көкейкесті болып тұр.

4.Əлемтанудағы адамгершілік, эмоциональдық, еріктілік компоненттерін қалыптыстыру. Сыныптан тыс жұмыстарда рухани адамгершілік қасиеттер мен құндылықтарды дəріптеу жақсы жолға қойылады. Ол оқушыларды өнермен байланыстырады.

5.Танымдық қызығушылықтарын дамыту. Сыныптан тыс жұмыстардың бұл міндеті оқу үрдесіндегі жəне оқудан тыс іс-əрекеттердің біртұтас екендігін білдіреді, өйткені сыныптан тыс жұмыстар оқу үрдісіндегі тəрбие жұмысы сонымен қатар оқу үрдісінің тиімділігін арттыруға бағытталған. Сыныптан тыс жұмыстағы оқушылар қызығушылығын тəрбиелеу маңызды мəселелердің бірі─ мамандық таңдау мен еңбекке, кəсіпке баулуды шешеді.