Жүргізу қағидасы 1-параграф. Осы Қағидада пайдаланылатын негізгі ұғымдар

тарау. Нақты жүйелер (Precision Approach) – III санат бойынша

жүктеу 2,07 Mb.

бет	21/25
Дата	15.01.2020
өлшемі	2,07 Mb.
	#26688

1 ... 17 18 19 20 21 22 23 24 25

9 тарау. Шеңбер бойынша ұшу (Circling Approach)
10 тарау. Ұшып көтерiлуге арналған әуеайлақтың жаттығу минимумдары
11 тарау. Қонуға арналған әуеайлақтың жаттығу минимумдары
12 тарау. Ұшып көтерiлу және қону үшiн минимумдар бойынша жаттығуларға арналған әуеайлақтарға қойылатын талаптар
2. Тiкұшақ (сертификатталған ұшып көтерiлу массасы 5700 килограммнан кем ұшақтар) айлақтарының (әуеайлақтарының) пайдалану минимумдарын анықтау
13 тарау. Тiкұшақ айлағының пайдалану минимумдары.Ұшып көтерiлуге арналған минимумдар

8 тарау. Нақты жүйелер (Precision Approach) – III санат бойынша
қонуға кiру
      49. Жалпы ақпарат. III санат бойынша қонуға кiру мынадай түрде бөлiнедi:
      1) III А санат бойынша қонуға кiру – бұл мынадай аспаптар бойынша қону жүйесiн (ILS) немесе қысқа толқынды қону жүйесiн (MLS) пайдалана отырып, қонуға құралдық (дәлме-дәл) кiру:
      шешiм қабылдау биiктiгi кемiнде 30 м (100 фут);
      ҰҚЖ-дағы (RVR) көрiну алыстығы кемiнде 175 м болғанда;
      2) III А санат бойынша қонуға кiру – бұл мынадай аспаптар бойынша қону жүйесiн (ILS) немесе қысқа толқынды қону жүйесiн (MLS) пайдалана отырып, қонуға құралдық (дәлме-дәл) кiру:
      шешiм қабылдау биiктiгi кемiнде 15 м (50 фут) не шешiм қабылдау биiктiгi бойынша шектеусiз;
      ҰҚЖ-дағы (RVR) көрiну алыстығы кемiнде 175 м. аспайтын, бiрақ, кемiнде 50 м болғанда;
      3) III С санат (III С сан.) бойынша қонуға кiру – бұл қонуға дәлме-дәл кiру және шешiм қабылдаудың салыстырмалы биiктiгi мен ҰҚЖ-дағы көрiну алыстығы бойынша шектеулерсiз аспаптар бойынша қону.
      Шешiм қабылдау биiктiгi (DH) мен ҰҚЖ-дағы көрiну алыстығы бiр санатқа сәйкес келмеген жағдайда RVR бұл қонуға кiрудi қандай санатқа жатқызу керектiгiн анықтайды.
      50. Шешiм қабылдау биiктiгi. Шешiм қабылдау биiктiгi (DH) пайдаланылатын қонуға кiру үшiн пайдаланушы шешiм қабылдау биiктiгiнiң (DH):
      1) ӘК ҰПБ-да көрсетiлген шешiм қабылдаудың ең төменгi биiктiгiнен (егер ҰПБ-да мәлiмделсе);
      2) оған қатысты қажеттi көзбен шолу бағдарынсыз қонуға дәлме-дәл кiру құралы пайдаланылатын ең төменгi биiктiктен;
      3) оған дейiн ӘК экипажына iс-әрекеттердi жүзеге асыруға рұқсат етiлген шешiм қабылдау биiктiгiнен төмен болмауын қамтамасыз етедi.
      51. Шешiм қабылдау биiктiгiнсiз (DH) қонуға кiрулер тек қана мынадай жағдайларда жүзеге асырылуы мүмкiн:
      1) қонуға кiру ӘК ҰПБ-да рұқсат етiлсе;
      2) қонуға кiру жүйесi және әуеайлақтық құралдар шешiм қабылдау биiктiгiнсiз (DH) қонуға кiрудi қамтамасыз ете алса;
      3) пайдаланушы шешiм қабылдау биiктiгiнсiз (DH) III санат бойынша қонуға кiру жүзеге асыруға рұқсаты болса.
      III санат бойынша жабдықталған ҰҚЖ жағдайында егер шектеулер Аэронавигациялық ақпарат (AIP) жинағында немесе NOTAM арқылы жарияланбаса, пайдаланушы шешiм қабылдау биiктiгiнсiз жүзеге асырылатын қонуға кiру осы ҰҚЖ-да қолдау табады деп болжанады.
      52. Көзбен шолып бағдарлау.
      ӘК басқару жүйесiне «Iстен шығу кезiнде пассивтi» III А және III В санаттары бойынша қонуға кiру үшiн пилот, егер жақындау шырақтарының немесе жерге қону аймағы шырақтары орталық қатарының кем дегенде 3 тiзбектелген шырақтарынан немесе ҰҚЖ осьтiк желiсi шырақтарынан немесе қону шырақтарынан немесе көрсетiлген шырақтар құрамасынан тұратын учаскенi қамтитын көзбен шолу байланысы белгiленбесе және қолданылмаса 56-тармаққа сәйкес анықталған III санат бойынша шешiм қабылдау биiктiгiнен (DH) төмен қонуға кiрудi жалғастырмайды.
      Шешiм қабылдау биiктiгiн пайдалана (DH) отырып, ӘК басқару жүйесiне «Iстен шығу кезiнде белсендi» III В санаты бойынша қонуға кiру үшiн пилот, егер кем дегенде бiр осьтiк шырақты қамтитын шолу байланысы белгiленбесе және қолданылмаса 56-тармаққа сәйкес анықталған III санат бойынша шешiм қабылдау биiктiгiнен (DH) төмен қонуға кiрудi жалғастырады.
      Шешiм қабылдау биiктiгiнсiз (DH) III санат бойынша қонуға кiру үшiн жанасу алдында ҰҚЖ-мен қамтитын шолу байланысын орнатудың қажетi жоқ.
      53. ҰҚЖ-дағы қажеттi көрiну алыстығы. III санат бойынша қонуға кiру үшiн пайдаланушы қолданатын ең төменгi минимум:
      12-кесте. Шешiм қабылдау биiктiгiне және ӘК жүрiп өтуiн басқару/бақылау жүйесiне байланысты III санат бойынша қонуға кiруге арналған ҰҚЖ-дағы (RVR) көрiну алыстығы:

III санат бойынша минимумдар
Қонуға кiру санаты	Шешiм қабылдау биiктiгi, метр (фт)	Жүрiп өтудi басқару/бақылау жүйесi	ҰҚЖ-дағы (RVR) көрiну алыстығы (м)
III A	30 метрден (100 фут) кем	Талап етiлмейдi	175 м
III B	30 метрден (100 фут) кем	Iстен шығу кезiнде пассивтi	150 м
III B	15 метрден (50 фут) кем	Iстен шығу кезiнде пассивтi	125 м
III B	15 метрден (50 фут) кем не шешiм қабылдау биiктiгiнсiз (DH)	Iстен шығу кезiнде белсендi	50 м

54. 13-кесте. Жабдықтың iстен шығуы немесе жұмысқа қабiлеттiгiнiң төмендеуi – қону минимумдарына әсер етуi.

Жабдықтың iстен шығуы немесе жұмысқа қабiлеттiгiнiң төмендеуi	Қону минимумдарына әсер етуi
	CAT III	CAT AIII		CAT II		CAT I	Дәлме-дәл емес жүйелер бойынша кiру
Резервтегi ILS	Рұқсат етiлмейдi			Әсер етпейдi
Сыртқы маркер	Егер балама жағдаймен ауыстырылса, әсер етпейдi						Қолданылмайды
Ортаңғы маркер	Әсер етпейдi						Екiншi шеңберге кету нүктесi ретiнде пайдаланылмайынша әсер етпейдi
ҰҚЖ-дағы (RVR) жерге қону аймағының көрiнуiн бағалау жүйесi	Егер әуеайлақ мемлекетi мақұлдаса, ҰҚЖ ортасындағы көрiну алыстығымен уақытша ауыстырылуы мүмкiн. RVR бақылау әдiсiмен хабарлануы мүмкiн.					Әсер етпейдi
ҰҚЖ ортасындағы немесе ҰҚЖ соңындағы көрiну алыстығы	Әсер етпейдi
Жұмыстағы ҰҚЖ үшiн жел жылдамдығын өлшеуге арналған аспап	Басқа үстiңгi бетi ықтимал болса, әсер етпейдi
Бұлттылық биiктiгiн өлшегiш	Әсер етпейдi
Жақындау шырақтары	DH > 15 м (50 фут) қонуға кiрудi орындау үшiн рұқсат				Рұқсат етiлмейдi		Жабдық болмаған кездегiдей минимум
Жақындау шырақтары соңғы 210 м алынып тасталған.	Әсер етпейдi				Рұқсат етiлмейдi		Жабдық болмаған кездегiдей минимум
Жақындау шырақтары соңғы 420 м алынып тасталған.	Әсер етпейдi						Жабдық болмаған кездегiдей минимум
Жақындау шырақтарына арналған резерв жұмыс iстейдi	Әсер етпейдi
ҰҚЖ барлық шырақ жүйесi	Рұқсат етiлмейдi						Күндiз - Жабдық болмаған кездегiдей минимум Түнде - Рұқсат етiлмейдi
Шектегiш шырақтар	Тек қана күндiз; Түнде - Рұқсат етiлмейдi
ҰҚЖ осьтiк шырақтары	Күндiз - RVR 300 м Түнде - Рұқсат етiлмейдi				Күндiз - RVR 300 м Түнде – 550 м		Әсер етпейдi
Осьтiк желiлер шырақтары арасындағы арақашықтық 30 м дейiн ұлғайтылған	RVR 150 м		Әсер етпейдi
Жерге қону аймағының шырақтары	Күндiз - RVR 200 м Түнде – 300 м		Күндiз - RVR 300 м Түнде – 550 м				Күндiз - RVR 200 м Түнде – 300 м
ҰҚЖ шырақтарына арналған резерв жұмыс iстейдi	Рұқсат етiлмейдi						Әсер етпейдi
Жермен жүру жолдарының шырақтар жүйесi	Әсер етпейдi – қозғалыс жылдамдығын азайту себептi кiдiрiстерден басқа.

9 тарау. Шеңбер бойынша ұшу (Circling Approach)
55. Шеңбер бойынша ұшу кезiнде қонуға кiру үшiн пайдаланушы қолданатын ең төменгi минимум:
14-кесте. ӘК санатына байланысты Шеңбер бойынша ұшу кезiнде қонуға кiруге арналған көрiну және Құлдилаудың ең төменгi салыстырмалы биiктiгi (MDH)

	ВС санаттары
	A	B	С	D	Е
Құлдилаудың ең төменгi салыстырмалы биiктiгi	120 м	150 м	180 м	210 м	240 м
Ең төменгi метеорологиялық көрiну	1900 м	2800 м	3700 м	4600 м	6500 м

56. Қонуға көзбен шолып кiру. Пайдаланушы қонуға көзбен шолып кiру үшiн ҰҚЖ-дағы (RVR) 1000 метрден кем көрiну алыстығын пайдаланбайды.

      57. Пайдаланушы ҰҚЖ-дағы (RVR) көрiну алыстығындағы метеорологиялық көрiнудi ауыстыру ұшып көтерiлу минимумдарын, II және III Санаттардың минимумдарын есептеу үшiн немесе егер ҰҚЖ-дағы көрiну алыстығы бойынша хабарланған деректер болған жағдайда пайдаланылмайтындығын қамтамасыз етедi.
      58. Жоғарыдағы тармақта сипатталған жағдайлардан ерекшеленетiн барлық басқа жағдайларда ҰҚЖ-дағы көрiну алыстығындағы метеорологиялық көрiну туралы деректердi қайта жасау кезiнде пайдаланушы осы Әдiстеменiң 56-тармақтағы мына 15 кестенi пайдаланады:
      15-кесте. ҰҚЖ-дағы (RVR) метеорологиялық көрiну туралы деректердi өзгерту

Ұшуды орындау кезiндегi шырақ жүйелерi	RVR = хабарланған метеорологиялық көрiну х
Ұшуды орындау кезiндегi шырақ жүйелерi	күндiз	түн
Жақындау шырақтары және қарқындылығы жоғары ҰҚЖ шырақтары	1.5	2.0
Жоғарыда көрсетiлгендерден ерекшеленетiн кез келген басқа да шырақтар	1.0	1.5
Шоқтардың болмауы	1.0	Қолданылмайды

10 тарау. Ұшып көтерiлуге арналған әуеайлақтың жаттығу
минимумдары
59. Ұшып көтерiлуге арналған әуеайлақтың жаттығу минимумы 16-кесте бойынша ұшып көтерiлуге арналған әуеайлақтың пайдалану минимумына сүйене отырып, анықталады.
16-кесте. Ұшып көтерiлуге арналған ҰҚЖ-дағы RVR/CMV көрiну алыстығы бойынша әуеайлақтың жаттығу минимумын анықтау

Әуеайлақта белгiленген RVR/CMV	400 м және төмен	400 м астам бiрақ 800 м төмен	800 және одан астам
Жаттығу әуеайлағы RVR/CMV	ұшу әуеайл. RVR/CMV – 50 м	әуеайл. ұшу RVR/CMV – 100 м	ұшу әуеайл. RVR/CMV – 200 м

Егер әуеайлақтың пайдалану минимумы бұлттардың төменгi шекарасының биiктiгiмен Н б.т.ш. шектелсе, онда жаттығу минимумына 17-кестеге сәйкес шектеу енгiзiледi.

17-кесте. Ұшып көтерiлуге арналған әуеайлақтың жаттығу минимумы бұттарының төменгi шекарасының биiктiгi бойынша шектеулер

әуеайл. б.т.ш. Н	70 м және одан төмен	70 метрден астам
жатт. әуеайл. б.т.ш. Н	әуеайл. б.т.ш. Н - 10	әуеайл. б.т.ш. Н - 20

11 тарау. Қонуға арналған әуеайлақтың жаттығу минимумдары
60. Қонуға арналған әуеайлақтың жаттығу минимумы төмендегi 18 және 19-кестелерге сәйкес қонуға арналған әуеайлақтың пайдалану минимумына сүйене отырып, анықталады.
18-кесте. Қонуға арналған әуеайлақтың жаттығу минимумы шешiм қабылдау салыстырмалы биiктiгi (DH)

қону пайд. әуеайл. DH	60 м (200 фут) және төмен	65-70 м (211 – 230 фут)	75-125 м (250-410 фут)	130 м (426 фут) және астам
қону жатт. әуеайл. DH	қону пайд. әуеайл. DH	60 м (200 фут)	қону пайд. әуеайл. DH – 20, бiрақ 60 м (200 фут) төмен емес	қону пайд. әуеайл. DH - 30, бiрақ 110 м (360 фут) төмен емес

Барлық жағдайларда шешiм қабылдау биiктiгi (DH) қонуға кiрудiң осы жүйесi үшiн белгiленген кедергiлерден ұшып өтудiң ең төменгi қауiпсiз биiктiгiнен төмен емес.

19-кесте. Қонуға арналған әуеайлақтың жаттығу минимумы ҰҚЖ-дағы RVR/CMV көрiну алыстығын анықтау

Әуеайлақта белгiленген RVR/CMV	400 м және одан төмен	400 м астам бiрақ 800 м төмен	800 және одан астам
Жаттығу әуеайлағы RVR/CMV	ұшу әуеайл. RVR/CMV – 50 м, бiрақ 75 м төмен емес	ұшу әуеайл. RVR/CMV – 100 м	ұшу әуеайл. RVR/CMV – 200 м

61. Жаттығу ұшуында ұшып көтерiлу мен қонуды нақты метеорологиялық жағдайларда:

      1) қонуға арналған әуеайлақтың жаттығу минимумы қону жатт. әуеайл. шешiм қабылдау салыстырмалы биiктiгiнен (DH) нашар емес бұлттардың төменгi шекарасының биiктiгi бойынша;
      2) қонуға арналған әуеайлақтың жаттығу минимумы үшiн белгiленген RVR/CMV нашар емес ҰҚЖ-дағы көрiну алыстығы бойынша орындауға рұқсат етiледi.
      Жаттығу ұшуында қонуды I, II, III санаттары минимумдары бойынша C, D, E санатты ӘК-де орындауға болады;
      3) 60 х 550 және төмен минимумдар бойынша А, В санаттарындағы ӘК-де RVR/CMV бойынша әуеайлақтың жаттығу минимумынан нашар емес метеорологиялық жағдайларда және бұлттардың төменгi шекарасының биiктiгi бойынша шектеусiз орындауға рұқсат етiледi.
12 тарау. Ұшып көтерiлу және қону үшiн минимумдар бойынша
жаттығуларға арналған әуеайлақтарға қойылатын талаптар
      62. Ұшып көтерiлу үшiн минимумдар бойынша жаттығуларға арналған әуеайлақтарға қойылатын талаптар.
      Нақты қиын метеорологиялық жағдайларда ұшып көтерiлуге арналған минимумдар бойынша жаттығу ұшуы қосалқы әуеайлақ, iлiнiсу коэффициентi және желдiң бүйiрлiк құрамдауышы бөлiгiнде осы әдiстеме талаптары ескерiле отырып, жарық-техникалық жабдықтары осы минимум бойынша ұшып көтерiлу талаптарына сәйкес келетiн әуеайлақтарда жүргiзiледi.
      Бұлттардың төменгi шекарасының биiктiгi бойынша ұшып көтерiлуге арналған пайдалану минимумы белгiленген әуеайлақтарда жаттығулар тек қана әуеайлақтың белгiленген пайдалану минимумынан нашар емес нақты ауа-райындағы елiктеу жағдайларында орындалады.
      63. Қонуға арналған жаттығу минимумдары бойынша жаттығу үшiн әуеайлақтарға қойылатын талаптар.
      ИКАО I, II және III санаттары бойынша қонуға арналған пайдалану минимумдары бойынша нақты қиын метеорологиялық жағдайларда жаттығу ұшуы:
      - тиiсiнше ИКАО I, II және III санаттары бойынша пайдалануға рұқсат етiлген әуеайлақтарда;
      - ИКАО I, II және III санаттары бойынша пайдалануға рұқсат етiлмеген, бiрақ олардағы радиотехникалық, жарық-техникалық және метеорологиялық жабдықтар, сондай-ақ, глиссада еңiстiк бұрышы, әуеайлақ маңындағы аумақтағы кедергiлер тиiсiнше ИКАО I, II және III санаттары бойынша қонуға қойылатын талаптарға жауап беретiн әуеайлақтарда орындалады.
      64. Нақты қиын метеорологиялық жағдайларда қонудың дәлме-дәл және дәлме-дәл емес жүйелерiне арналған жаттығу ұшуы осы режимде қонуға кiрудi қамтамасыз ететiн тиiстi радиотехникалық жабдықтары бар, ҚЖШ немесе ҚТШ жарық-техникалық жабдықтары, сондай-ақ, ҰҚЖ көлемi, глиссада еңiстiк бұрышы және әуеайлақ маңындағы аумақтағы кедергiлер осы режимге сәйкес қону минимумы жағдайларында ұшуды орындауға мүмкiндiк беретiн әуеайлақтарда орындалады.
      ИКАО I, II және III санаттары бойынша қонуға арналған минимумдар бойынша елiктеу жағдайларында жаттығу ұшуын орындауға рұқсат етiледi:
      1) тиiсiнше ИКАО I, II және III санаттары бойынша пайдалануға рұқсат етiлген әуеайлақтарда;
      2) ИКАО I, II және III санаттары бойынша пайдалануға рұқсат етiлмеген, бiрақ олардағы радиотехникалық, жарық-техникалық және метеорологиялық жабдықтар, сондай-ақ, глиссада еңiстiк бұрышы, әуеайлақ маңындағы аумақтағы кедергiлер тиiсiнше ИКАО I, II және III санаттары бойынша қонуға қойылатын талаптарға жауап беретiн әуеайлақтарда орындауға рұқсат етiледi.
      Елiктеу жағдайларында басқа режимдердегi жаттығу ұшуын тек қана нақты қиын метеорологиялық жағдайларда жаттығуға жарамды әуеайлақтарда орындауға рұқсат етiледi.
      Сертификатталған ұшып көтерiлу массасы 5700 килограммнан кем ұшақтар пайдалану минимумдары осы Әдiстеменiң 2 бөлiмiне сәйкес анықталады.
2. Тiкұшақ (сертификатталған ұшып көтерiлу массасы 5700
килограммнан кем ұшақтар) айлақтарының (әуеайлақтарының)
пайдалану минимумдарын анықтау
      65. Пайдаланушы ұшуды орындау болжанып отырған тiкұшақ айлақтарына (әуеайлақтарына) арналған тiкұшақтардың пайдаланылатын үлгiлерi үшiн минимумдарды белгiлейдi.
      66. Минимумдарды анықтау әдiсi азаматтық авиация саласындағы уәкiлеттi органмен келiсiледi. Бұл минимумдар әрбiр нақты жағдайдағы бұл мемлекеттiң арнайы рұқсаттарын қоспағанда тiкұшақ айлағы орналасқан мемлекеттiң азаматтық авиация саласындағы уәкiлеттi органы белгiлеген минимумдардан төмен емес.
      Ұшуда жоспарланбаған қосалқы әуеайлақ үшiн бекiтiлген әдiс бойынша есеп жүргiзуге тыйым салынбайды.
      67. Кез келген нақты ұшып көтерiлу/қону үшiн тiкұшақ айлағының (әуеайлағының) минимумдарын анықтау кезiнде пайдаланушы мынадай факторларды:
      1) тiкұшақтың үлгiсi ұшу сипаттамаларын;
      2) ұшу экипажының құрамы, оның даярлығын және ұшу тәжiрибесiн;
      3) пайдаланылатын ҰҚЖ өлшемдерi мен сипаттамаларын;
      4) сәйкестiгi мен көзбен шолу және көзбен шолусыз жер үстi құралдарының сипаттамаларын;
      5) ұшып көтерiлу, қонуға кiру, теңестiру, iлiну, қону, жүрiп өту және екiншi айналымға кету кезiнде навигация және/немесе ұшуды басқару мақсаттары үшiн пайдаланылатын тiкұшақтың борттық жабдығын;
      6) қажеттi шешiмдердi және оқыс рәсiмдердi орындауды талап ететiн қонуға кiру, екiншi айналымға кету және ұшып шығу кезiнде биiктiк алу аймақтарындағы кедергiлердi;
      7) АҰҚ бойынша кiру рәсiмдерiне арналған кедергiлерден ұшып өтудiң абсолюттiк/салыстырмалы биiктiгiн;
      8) анықтау құралын және әуеайлақтағы метеожағдайлар туралы ақпарат беру рәсiмiн ескередi.
13 тарау. Тiкұшақ айлағының пайдалану минимумдары.Ұшып
көтерiлуге арналған минимумдар
      68. Пайдаланушы белгiлеген ұшып көтерiлуге арналған минимумдар ұшып көтерiлу тiкұшақ айлағының сипаттамалары және тiкұшақтың нақты үлгiсi (оның жабдығы) ескерiле отырып, метеорологиялық көрiну (бұдан әрi - көрiну) немесе ҰҚЖ-дағы көрiну алыстығы мәндерiнде көрсетiледi. Ұшып көтерiлуден және/немесе мәжбүрлi қонудан кейiн кедергiлердi айналып өту қажет болған жағдайда ұшып көтерiлуден соң ұшып көтерiлуге арналған қосымша шарттар (мысалы - БТШБ) белгiленедi.
      69. Ұшып көтерiлуге арналған минимумдар қолайсыз жағдайларда ұшып көтерiлу тоқтатылған жағдайда және сындарлы қозғалтқыш iстен шыққан кезде ұшып көтерiлудi жалғастырған жағдайда тiкұшақты басқару мүмкiндiгiн қамтамасыз ету ескерiле отырып, белгiленедi.
      70. Ұшуды түнде орындаған кезде егер азаматтық авиация саласындағы уәкiлеттi органмен басқа уағдаластық болмаса, FATO/ҰҚЖ және қандай да болмасын кедергiлер аймағын жарықтандыру үшiн жерүстi жарық-дабыл жабдығы орнатылады.
      71. 1-сыныпты ҰТС бар тiкұшақтармен ұшуды орындау кезiнде пайдаланушы ҰҚЖ-дағы көрiну мәнiн және мына 20-кестеге сәйкес ұшып көтерiлуге арналған минимумдар сияқты тиiсiнше көрiну мәнiн белгiлейдi.
20-кесте

ҰҚЖ-дағы көрiну/ұшып көтерiлуге арналған көрiну
Аспаптар бойынша ұшып шығу схемалары бар құрылықтағы тiкұшақ айлақтары (әуеайлақтары)	ҰҚЖ-дағы көрiну/көрiну
ЖҚЖ жұмыс iстемейдi және таңбасы жоқ (күндiз)	250 м немесе тоқтатылған ұшып көтерiлу ара қашықтығы (мәндердiң iшiнде үлкенiрек)
Таңбасы жоқ (түнде)	800 м
ҰҚЖ/FATO аймағының шырақтары қосылған және ҰҚЖ осьтiк желiсiнiң таңбасы бар	200 м
ҰҚЖ/ FATO аймағының шырақтары қосылған, ҰҚЖ осьтiк желiсiнiң таңбасы бар және ҰҚЖ-дағы көрiну анықталады	150 м
Теңiз тiкұшақ алаңы
Екi пилотпен ұшу	250 м (1)
Бiр пилотпен ұшу	500 м (1)

72. Тiкұшақ командирi ұшып көтерiлу траекториясы кедергiлерден бос екендiгiне көз жеткiзедi.

      73. Құрылықтағы тiкұшақ айлақтарынан 2-сыныпты ҰТС бар тiкұшақтармен ұшуды орындау кезiнде тiкұшақ командирi 800 м ұшып көтерiлуге арналған ҰҚЖ-дағы көрiну/көрiнудiң ұшып көтерiлу минимумына сәйкес әрекет етедi және 1-сыныпты ҰТС бар тiкұшақтармен маневрлiгiне қол жеткiзуге дейiн ұшып көтерiлу маневрi кезiнде бұлттылыққа кiрмейдi.
      74. Теңiз тiкұшақ айлақтарынан 2-сыныпты ҰТС бар тiкұшақтармен ұшуды орындау кезiнде тiкұшақ командирi 1-сыныпты тiкұшақтарға арналған минимумдардан төмен емес минимумдарға сәйкес әрекет етедi және 1-сыныпты ҰТС бар тiкұшақтармен маневрлiгiне қол жеткiзуге дейiн ұшып көтерiлу маневрi кезiнде бұлттылыққа кiрмейдi.
      75. ҰҚЖ-дағы көрiнудегi метеорологиялық көрiнудi ұшып көтерiлу үшiн есептеуге пайдаланылмайды.

жүктеу 2,07 Mb.

Достарыңызбен бөлісу:

1 ... 17 18 19 20 21 22 23 24 25