Жоо-нан кейінгі білім беру мен мамандарды қайта даярлау институтының 2012-2013 оқу жылында атқарған жұмыс есебі

Бөлімнің негізгі мақсаты магистранттар мен докторанттарды жоғары сапалы білімге қол жеткізуін, білім беру қызметінің әлемдік рыногінде бәсекеге қабілетті бола алатын мамандарды қамтамасыз ету үшін халықаралық және отандық стандарттардың талаптары мен Болон үрдісінің қағидаларына сәйкес келетін мамандар дайындауды жетілдіру болып табылады.

Оқу процесінің мазмұны, оқу сабақтары мен іс-тәжірибелердің барлық түрлерін жоспарлау оқу мерзімі барысында оқу жоспарының мынадай формаларында көрінеді: типтік оқу жоспары, магистранттың және PhD докторанттардың жеке оқу жоспары, жұмыс оқу жоспары. Типтік оқу жоспарлары мен элективті пәндер каталогы негізінде әрбір магистрант өзінің білім алу траекториясын қалыптастыра алады. Бұл магистранттың және PhD докторанттардың жеке жұмыс жоспарында көрініс табады.

Оқу процесін бір жыл ішінде ұйымдастыру академиялық күнтізбе негізінде жүзеге асырылады.

Магистранттарға және PhD докторанттарға білім беру студенттердің білімі мен дағдысын бағалаудың баллдық-рейтинг жүйесі негізінде жүргізіледі. Бұл жүйе магистранттар мен PhD докторантураның бір жыл ішіндегі білімі мен жұмысын аралық бақылау нәтижелерін қорытынды бағалауға мүмкіндік береді.  Рейтинг жүйесі магистранттар мен PhD докторанттардың белсенділігін, шығармашылық қабілеттері мен мүмкіндіктерін есепке алуға мүмкіндік береді. 

Магистратура мен PhD докторантурада теориялық білім алудың қорытынды деңгейі – мемлекеттік кешенді емтихан тапсыру және диссертацияны қорғау болып табылады.

Университеттің 2020 даму жоспарына сәйкес жыл сайын жаңа мамандықтар ашылуда. Қазіргі таңда магистратура бойынша 18 мамандыққа, ал PhD докторантура бойынша 4 мамандыққа білім беруді жүзеге асыру үшін ҚР БҒМ лицензиясы беріліп, өз қызметін атқаруда.

3 - кесте 2007-2013 оқу жылдары аралығында ашылған PhD докторантура мамандықтарының тізімі

Магистратура мен PhD докторантурада білім кредиттік технология бойынша беріледі. Кредиттік технологияның басты мақсаты – магистранттар мен докторанттарға білім траекториясын еркін әрі өздігімен таңдау, оқу процесін үйлесімді жоспарлау, білім алушылардың өз бетімен білім алу және даму қабілеттерін қалыптастыру, заманауи инновациялық-педагогикалық және ақпараттық білім технологияларын игеру мүмкіндігін беру. Университеттің 15 кафедра бойынша 21 ғылым докторлары, 53 ғылым кандидаттары оқу үдерісін жүргізуді қамтамасыз етті. Бұдан басқа серіктестікті таңдау және тәжірибе алмасу аясында оқу процесін қамтамасыз ету үшін, алыс және жақын шет мемлекеттердің ЖОО-нан кәсіби біліктілігі жоғары, әдістемелік тәжірибелі оқытушылар шақырылып отырады. Өткен оқу жылында алыс және жақын шет мемлекеттердің ЖОО-нан шақырылған 2 профессор дәріс өткізді. ЖМУ-нің тәжірибе алмасу ретінде магистранттар мен докторанттар ғылыми жетекшілерімен және дәріс беруші профессорлық оқытушылар құрамымен бірге 3 елге барып білімдерін жетілдіріп келді.

Университетте болашақ магистрлар мен PhD докторанттарды дайындау ҚР МЖМБС мен сәйкес бейіндік және ғылыми-педагогикалық бағыттар бойынша жүзеге асырылады. Қазіргі уақытта бөлімдегі кадрларды дайындаудың құрылымы мен көлемі республика мен аймақтағы қажеттілік талаптарына сәйкес келеді.

4 - кесте 2012-2013 оқу жылдары аралығында PhD докторантураға түскені туралы ақпарат

І.Жансүгіров атындағы Жетісу мемлекеттік университеті құрылымдық өзгерістерге сәйкес ЖОО-нан кейінгі білім беру мен мамандарды қайта даярлау бөлімі 2012-2013 оқу жылында ЖОО-нан кейінгі білім беру мен мамандарды қайта даярлау институты болып құрылды. Институт болашақта өз жұмыстарын жалғастырумен қатар, еліміздің ҚР білім саласын дамытуға арналған Білім берудің 2020 жылға мемлекеттік бағдарламасы мен ЖМУ-дың 2020-шы жылға дейінгі Стратегиялық бағдарламасы аясында көптеген ғылыми-инновациялық іс-шараларды атқарады.

Жоғары білікті мамандар мен ғалымдарды даярлау, үздіксіз білім беруді қам-тамасыз ету, халықаралық стандарттарға сәйкес жаңа білім беру технологияларын әзірлеу.

Білім беру мен ғылымның бірігуі негізінде магистратура, докторантура арқылы қоғамды, экономиканы, өндірісті, ғылымды жетілдіру мәселелерін шешуге, соны технологияларды әзірлеуге қабілетті жоғары білікті ғылыми, ғылыми-педагогикалық кадр-ларды даярлаудың нәтижелі жүйесін құру.

Жоғары оқу орнынан кейінгі білім беру және мамандарды қайта даярлау институтының міндеттері:

• 
  жоғары оқу орнынан кейінгі білім беру, яғни магистратура, докторантура шеңберінде жоғары білікті ғылыми және ғылыми-педагогикалық кадрларды даярлауды ұйымдастыруды жетілдіру;
  
• 
  Қазақстан Республикасы Мемлекеттік жалпыға міндетті білім беру стандарт-тарының талаптарына сәйкес жоғары оқу орнынан кейінгі білім беру аясында оқу үдерісін ұйымдастыруды бақылауды күшейту;
  
• 
  жоғары оқу орнынан кейінгі білім беру жүйесінде оқу үдерісін жетілдіру және оқытудың жаңа технологияларын енгізу бойынша шараларды әзірлеу және өткізу;
  
• 
  ЖМУ-дің профессорлық-оқытушылар құрамын және басқа да мекемелер ғалымдарының ғылыми және педагогикалық әлеуетін тиімді пайдалану;
  
• 
  жоғары оқу орнынан кейінгі білім беру жүйесіндегі оқу үрдісінің қаржылық және ақпараттық жағынан қамтамасыз етілуін нығайту және жетілдіру;
  
• 
  жоғары оқу орнынан кейінгі білім берудің оқу және ғылыми-зерттеу құрамдас бөліктерін біріктіру;
  
• 
  докторантура бағдарламаларын іске асырушы шетелдің аккредиттелген жетекші оқу-зерттеу орталықтарымен ғылыми айырбас туралы келісім-шарт жасауды жалғастыру, кәсіптік кадрларды дайындау саласында ғылыми серіктестікті дамыту;
  
• 
  институт қызметіне талдау жасау, даярланатын ғылыми және ғылыми-педа-гогикалық кадрлардың лайықтылығы мен сұранысқа ие болуын айқындау, оқыту сапасын бағалау және диссертациялық зерттеулердің уақытында дайындалып, қорғалуын қатаң қадағалау.
  

• 
  еңбек рыногында сұранысқа ие болатын бәсекеге қабілетті кәсіби білікті мамандар даярлау және қайта даярлаудың жаңа замануи үлгісін жасау;
  
• 
  университет оқытушы профессорлар құрамының біліктілігін көтеруді ұйымдастыру;
  
• 
  ақылы білім беру қызметін ұйымдастыру және жүргізу;
  
• 
  ақпараттандыру және кеңес беру қызметтерін ұйымдастыру;
  
• 
  Бастауыш кәсіптік білім беру бағдарламасын жүзеге асыру;
  
• 
  «Жұмыспен қамту 2020» мемлекеттік бағдарламасын орындау;
  
• 
  Алыс жақын шетел мамандарын шақырып, курс, семинар-тренингтерді ұйымдастыру;
  
• 
  Аймақтың өндірістік мекемелері тапсырысы бойынша білім беру қызметін орындау.