«Жастар-Отанға» «Молодежь для страны!» партиялық жобасының тұжырымдамасы Жоба мазмұны

№ 4 қосымша

1. 
   Жоба мазмұны.
   

Жастар әлдеқайда қуатты, білімді, дене және кәсіби дайындығы бекем, мобильді, ғылыми-техникалық үдеріс жетістіктерін жедел қабылдайтын, өзгерген әлеуметтік-экономикалық жағдайларға бейімделген болып табылады.

Партияны дамыту жоспарына сәйкес партияның жаңа идеологиялық қадамдарының өзегі экономикалық гүлденген мемлекет дамуының жоғары мақсаттарын адамға деген күнделікті қамқорлықпен ол өзін өзгерістердің әрбір кезеңінде бірліктегі қоғамның ажырамас бөлшегі ретінде сезінетіндей қылып біріктіру болып табылады.

Мемлекет басшысы Партияның XV съезінде партия басты патриоттық күш және Стратегия-2050-де, сондай-ақ «Нұрлы Жол – Путь в Будущее» Жолдауында жарияланған жаңа қазақстандық патриотизмнің жалпыұлттық орталығы болуы тиіс деп атап өткен болатын. Бұл қағида «Жастар - Отанға!» жобасының негізіне айналды.

Партиялық жобаның өзектілігі келесідей проблемалық мәселелердің болуымен байланысты болып отыр:

- жастарды қоғамдық өмірге тарту тетігінің жоқтығы;

- жастарды әлеуметтік бейімдеу жүйесінің болмауы;

- өзін-өзі жұмыспен қамтушы жастардың жүзеге асырылып жатқан мемлекеттік бағдарламалар жайлы хабардар болмауы;

- жас буынды рухани-адамгершілік тәрбиемен толыққанды қамтымау.

Жобаның негізгі идеологиялық аспектілерінің бірі мамандандырылған үкіметтік емес ұйымдарын (әрі қарай - ҮЕҰ), жастар қоғамдық бірлестіктерін тарта отырып, партияның сыбайлас жемқорлыққа қарсы іс-қимыл бағдарламасының ережесін спикерлердің баяндамасында пайдалана отырып, жобаның мақсатты топтары арасында сыбайлас жемқорлыққа қарсы дүниетаным қалыптастыру бойынша мақсатты іс-шараларды ұйымдастыра отырып, жобаның тағы сол сияқты іс-шаралары арқылы партияның сыбайлас жемқорлыққа қарсы идеологиясын ілгерілету болып табылады.

1. 
   жастарды қоғамдық өмірге тарту тетігін әзірлеу;
   
2. 
   жастарды әлеуметтік бейімдеудің жолға қойылған жүйесін қамтамасыз ету;
   
3. 
   ақпараттық теңсіздік проблемасын шешу, жастардың жүзеге асырылып жатқан мемлекеттік және өзге бағдарламаларға қолжетімділігін кеңейту;
   
4. 
   жас буынды рухани-адамгершілік және қоғамдық-құндылықтық тәрбиемен толыққанды қамту.
   

2. 
   Іске асыру бағыттары:
   

1. 
   Жастар арасында қоғамдық-рухани құндылықтарды ілгерілету және жаңа қазақстандық патриотизмді қалыптастыру бойынша жастардың ірі үкіметтік емес ұйымдарымен өзара іс-қимылы. «Нұр Отан» партиясы жастар ұйымдарымен бірге меморандумдар мен ортақ жұмыс жоспарларына қол қоятын болады. Партия жастарды еліміздің қоғамдық өміріне тарту тетігін жасап шығару үшін қоғамдық пікір көшбасшыларын, жастар үкіметтік емес ұйымдарын белсенділерін және барлық мүдделі тұлғаларды біріктіреді. Бұл жұмыстың нәтижесі жастарды толық қамту мен идеологиялық құндылықтарды насихаттау болмақ.
   

2. 
   Жастарды қоғамдық қызметке тарту және еріктілер институтын қолдау. Жастарды ынтымақшылдық, патриотизм рухында тәрбиелеу және азаматтық белсенділігін арттыру мақсатында «Жас Отан» ЖҚ жанындағы «Еріктілер мектебі» әрекет етеді. Аталған жұмысты «Жас Отан» ЖҚ және Партияның қызметіне еріктілерді жұмылдыру арқылы ұйымдастыру жоспарланып отыр. Жобаларға қатысумен қатар, еріктілер білім беру курстарынан өтеді. Сондай-ақ олар еріктілер институты аясында бірқатар әлеуметтік-мәдени іс-шараларға қатысады. Еріктілердің жеке дамуы үшін эмоциялы интеллектті, стресске төзімділікті өсіру бойынша өзін өзі оқыту әдістері де, функционалдық білімдерін жоғарылату және біліктердің әлдеқайда жоғары даму деңгейіне жетуге бағытталған әртүрлі оқу әдістері де қолданылады. Осы жұмыстың қорытындысы бойынша ортақ еріктілер базасы жасалады. Еріктілер корпусы «Жас Отан» ЖҚ іс-шаралары мен акцияларын және «Нұр Отан» партиясының өзге де бастамаларын өткізуге қатысады.
   

3. 
   Өзін-өзі жұмыспен қамтушы жастарға атаулы көмек көрсету. Жастар жеткілікті дәрежеде белсенді болып табылады, алайда мемлекеттік бағдарламалар жайлы аз хабардар болғандықтан, өз әлеуетін жүзеге асыру мүмкіндігіне ие болмай отыр. Осыған орай, «Жас Отан» ЖҚ «Кеңес орталығының» қызметі аясында барлық облыс орталықтары мен республикалық маңыздағы қалаларда жұмыс іздеу және кәсіби бағдарлануына заң және практикалық көмектерін көрсететін болады. Сондай-ақ, «Кеңес орталығында» білім беруге, жұмыспен қамтуға, тұрғын үймен қамтамасыз етуге, т.б. арналған мемлекеттік және өзге бағдарламалар жайлы ақпараттандыру бойынша жұмыс жүргізілетін болады.
   

4. 
   Жас өнертапқыштар мен новаторларға әлеуетті инновациялық жобаларын алға жылжытуға қолдау көрсету. Жастарды ғылыми-зерттеуге жұмыстарына тарту мақсатында, сонымен қатар ғалымдарды, инженер-техник мамандарды, өнертапқыштарды, аспиранттар мен студенттерді және мектеп оқушыларын инновациялық зерттеу жұмыстарына ынталандыру үшін 14-29 жас аралығындағы мектеп оқушылары, студенттер, жас оқытушылар, кәсіпкерлер мен жас өнерпаздар арасында инновациялық жобаларға қатысты Республикалық Жастар байқауы өткізіледі. Конкурс келесі номинациялар бойынша өткізіледі: «Үздік әлеуметтік инновация», «Үздік рационализаторлық ұсыныс», «Үздік жас ғалым», «Студенттер арасындағы үздік инновациялық жоба», «Мектеп оқушылары арасындағы үздік инновациялық жоба» келесі бағыттарда: IT технология және әуеғарыштық технологиялар, энергиялау және энергия үнемдеу, нано-технология және биотехнология, өнеркәсіптік және құрылыс технологиясы және өндіріс, агроинновация, медицина, медициналық техника және технология, фармация, табиғатты үнемді пайдалану, ресурстарды үнемдеу, робототехника, жол қозғалысы қауіпсіздігін қамтамасыз ету, жаңа материалдарды 3D форматта басып шығару, білім беру, үздік лайфхаккер, гаджеттерге арналған мобилді қосымшалар.
   

Конкурстық іріктеу екі кезеңнен тұрады, біріншісі – іріктеу, екіншісі – презентациялық қорғау.

Сонымен қатар конкурс жеңімпаздары мен жүлдегерлеріне, 10 үздік жоба авторларына әрі қарай өз жобаларын халықаралық байқауларда қорғау үшін қолдау көрсетілетін болады. Жеңімпаздарға қосымша технологиялық бизнес-инкубатор технологиялар, конструкторлық бюро және жоғары технологиялар трансфертіндегі халықаралық орталықтар тарапынан жан-жақты қолдау көрсетілетін болады.

Инновациялық жобалар байқауын өткізу тұрақты экономикалық өсім және қазақстандық жастардың әлеуеті мен шығармашылық қабілеттерін арттыруға инновациялық идеялар мен озық технологияларды анықтау үшін көмектеседі.

1. 2017 жылы өзін-өзі жұмыспен қамтушы жастарды кеңес берумен қамту деңгейі – 30000 адамнан кем емес;

2. 2017 жылы еріктілер пулына қосылған жастардың саны – 1500 адамнан кем емес;

3. халықты еріктілер қызметімен қамту деңгейі – 15000 адамнан кем емес;

4. 2017 жылы жастар саяси лагерлеріне тартылған жас көшбасшылардың саны – 300 адамнан кем емес;

5. жастар арасындағы қоғамдық пікір көшбасылары мен жастар ұйымдары өкілдерінің жергілікті деңгейде сайлау процесстеріне қатысуы - 10%-дан кем емес;

6. 2017 жылғы конкурсқа қатысу үшін жіберілген өтініштер саны – 100 кем емес;

7. 2017 жылғы беделді халықаралық конкурстарға қатысуға жіберілген жобалар саны – 10.

«Ардагерлерді ардақтайық» жобасының аясында жалғыз басты қарт адамдар, тыл еңбеккерлері және Ұлы Отан соғысы ардагерлеріне атаулы көмек көрсету және қолдау бойынша жұмыс жүргізілетін болады.

- халықтың қамтылмаған топтары тарапынан жүргізілген жұмысқа теріс қарым-қатынасы;

- жүргізілген жұмыс нәтижелеріне мақсатты топтар өкілдерінің көңілі толмауы.

ұйымдастырушылық:

- өңірлердің дұрыс емес ақпаратты ұсынуы;

- қойылған міндеттерді орындау үшін партияның аймақтық және аумақтық филиалдары қызметкерлері санының жеткіліксіздігі;

- аталмыш жобаның ұстанымы мен басымдықтарын партия филиалдары мен мемлекеттік органдар басшылығы тарапынан түсінбеуі және еріктілерді өзге іс-шараларда жаппай көпшілік көріністерде пайдалану;

- негізгі жұмыстарындағы жүктеме салдарынан БПҰ мүшелерінің еріктілер жұмысына белсенді қатысу мүмкіндігінің болмауы.

- мемлекеттік органдар селқостығы;

- аймақтық және орталық деңгейдегі бюджет тапшылығы;

- рухани-адамгершілік тәрбиелеуге бағытталған іс-шаралардың сандық және сапалық тиімділігінің нақты деңгейін анықтаудың қиынға соғуы.

3. 
   Жұмысты ұйымдастыру.
   

Партиялық құрылымдар, мемлекеттік органдар мен серіктес ұйымдардың функционалдық жүктемесі келесідей болып құрылады:

Жобаны іске асыру аясында мемлекеттік органдармен жүйелі және тиімді өзара әрекет етуді қамтамасыз ету мақсатында орталық деңгейде де, аймақтық деңгейде де мемлекетті органдарды тарту жоспарланған.

«Жастар – Отанға!» жастар саяси лагерін өткізуді қаржыландыру мемлекеттік әлеуметтік тапсырысына сәйкес болады.

- мақсаттық топқа ықпал етуді бағалау (сауалнамалар, анкеталық сауалнамалар, топ фокусы);

- баспа және электрондық БАҚ, әлеуметтік желілерде жарық көрген материалдар мониторингісін жасау;

- жастардың көңіл-күйін анықтау бойынша әлеуметтік сауалнамалар жүргізу.

1) дайындық кезеңі – 2015 жылдың төртінші тоқсаны (ахуалды талдау, құжаттама даярлау);

2) іске асыру кезеңі – 2016 жылғы қаңтар – 2018 жылғы қараша (іс-шараларды іске асыру, жоспар бойынша жұмыс жүргізу);

3) аяқтау кезеңі –2018 жылғы желтоқсан (нәтижелерді мониторингтеу, жобаны іске асыру қорытындысы бойынша есеп беруге дайындық).