Жалпы хирургия кафедрасы

жүктеу 145,33 Kb.

бет	18/57
Дата	09.12.2023
өлшемі	145,33 Kb.
	#44635
түрі	Сабақ

1 ... 14 15 16 17 18 19 20 21 ... 57

Әдістеме ФАРМАКОЛОГИЯ (1)

Тәжірибелік сабақ №6
1.Тақырыбы: Ауырсыну сезімін басатын дәрілер (болеутоляющие средства). Наркотикалық және наркотикалық қасиеті жоқ дәрілер, қабынуға қарсы және аллергияға қарсы әсер ететін дәрілер. Дәрілердің фармакокинетикасы, фармакодинамикасы.
2.Сабақтың мақсаты: Наркотикалық және бейнаркотикалық, қабынуға қарсы қолданылатын дәрілік заттардың, аллергияға қарсы және иммунды процестерге әсер ететін дәрілік заттардың фармакокинетикасы және фармакодинамикасын үйрету және білу, және де студенттерге осы топтағы дәрілік заттарды дұрыс тағайындап және оларға рецепт жазуын қалыптастыру.
3.Оқыту мақсаты: Анальгетиктер медицина практикасында жиі қолданылатын дәрілер. Олар ауырсыну импульстерін басып, күшті ауырсыну импульстерінен болатын шок жағдайларынан, адам организмін сақтап, қорғап отырады. Бұл жағдайлар (шок) түрлі механикалық соқтығыстардан (травма) кейін, ауыр операциялардан кейін, миокард инфарктісінде, қатерлі ісікке шалдыққан кезде және т.б. жағдайларда пайда болатын – күшті ауырсыну сезімдер. Мұндай жағдайларда, орталық жүйке жүйесіне (ОЖЖ) әсер ететін наркотикалық қасиеті бар және наркотикалық қасиеті жоқ ауырсынуды басатын анальгетиктер қолданылады. Сонымен қатар анальгетиктер хирургияда ауырсыну сезімін жылдам басу үшін наркоздық дәрілермен бірге қолданылады (премедикация процессінде). Адам денсаулығы иммундық жүйеге байланысты. Өздеріңіз білесіздер, иммунитеті төмен адам жиі ауыратын болып келеді, иммунитеті жоғары адамға қарағанда. Барлық аурулардың пайда болу себептерінің бірі және де тез емделе қоймайтындығы да осы иммунитеттің төмендеуіне байланысты. Бұл жағдайды болдыртпау үшін алдын алу және емдеу шараларын қолданамыз, яғни иммундық жүйеге әсер ететін дәрілерді қолданамыз.
Осыған байланысты сабақ барысында студенттер ұйықтататын дәрілік заттардың фармакодинамикасы мен фармакокинетикасын, қолдану көрсетпелерін, жағымсыз әсерлерін білу қажет және жоғарыда аталмыш дәрілік заттарға дұрыс рецепт жаза білу қажет.
4.Тақырыптың негізгі сұрақтары:

Ауырсыну сезімін өткізетін жолдар.
Опиатты рецепторлар және эндогенді нейропептидтер (энкефалиндер, эндорфиндер) туралы түсінік.
Анальгетиктер туралы түсінік. Наркотикалық анальгетиктердің салыстырмалы қасиеттері.
Наркотикалық анальгетик дәрілері. Олардың әсер механизмі.
Морфиннің фармакодинамикасы. Қолдану көрсетпелері, жағымсыз әсерлері. Нашарқорлықтың әлеуметтік проблемалары.
Есірткелік (наркотикалық) анальгетиктермен жедел уланғанда көрсетілетін көмек шаралары.
Синтез жолымен алынған анальгетиктердің салыстырмалы сипаттамалары.
Бейнаркотикалық анальгетиктердің химиялық құрылысына қарай жіктелуі, (қабынуға қарсы стероидты емес дәрілер).
Осы препараттардың анальгезиялаушы, қабынуға қарсы және дене қызуын төмендетуші әсерлерінің механизмі.
Наркотикалық анальгетиктердің негізігі қасиеттері және салыстырмалы сипаттамасы.
Бейнаркотикалық анальгетиктердің қолданылуы және қолдануға қарсы көрсетпесі.
Жағымсыз әсерлері және олардың алдын-алу.
Иммунды жүйеге әсер ететін дәрілердің классификациясы.
Антиаллергиялық дәрілердің классификациясы.
Тез дамитын аллергиялық реакцияларда қолданылатын дәрілер.
Антигистаминді дәрілер әсерінің механизмі.
Антигистаминді дәрілерді салыстырмалы сипаттамасы.
Анафилаксия шогін емдеуге қолданылатын дәрілер.
Баяу дамитын аллергиялық реакцияларда қолданылатын дәрілер. Әсерінің механизмі, жағымсыз әсерлері.
Иммунды жүйені қуаттандыратын дәрілер-иммуностимуляторлар. Классификация қолданылуы.
Левомизол. Иммунды жүйені қуаттандыратын әсерінің механизмі, қолданылуы.

жүктеу 145,33 Kb.

Достарыңызбен бөлісу:

1 ... 14 15 16 17 18 19 20 21 ... 57