Келісу комиссиясына жүгіну тәртібі

Егер Жұмыскер арадағы келіспеушіліктерді Жұмыс берушімен өзі немесе өз өкілі қатысатын тікелей келіссөздер барысында реттемеген болса, еңбек дауы Комиссияда қаралады.

4.2. Жұмыскер келісім Комиссиясына мына мерзімдерде жүгіне алады::

- жұмысқа қайта алу туралы даулар бойынша – жұмыс берушінің еңбек шартын тоқтату туралы актісінің көшірмесі тапсырылған күннен бастап бір ай ішінде;

-  басқа еңбек даулары бойынша – жұмыскер немесе жұмыс беруші өз құқығының бұзылғаны туралы білген немесе білуге тиіс күннен бастап бір жыл ішінде.

Егер белгіленген жүгіну мерзімі дәлелді себбебтермен өткізіп алынса Комиссия мерзімді қалпына келтіріп, істі негізі бойынша шешуі мүмкін.

Еңбек қатынасының тараптары Комисияға түсірген арызында еңбек дауының негізін баяндайды. Арыз жеке түрде табыс етілуі немесе пошта, факс арқылы жолдануы мүмкін.   Келісу комиссиясына келіп түскен өтініш міндетті түрде Комиссия хатшысы жүргізетін арнайы журналда тіркелуі тиіс.

Жеке еңбек дауларын қарау бойынша жүгіну мерзімінің өтуі қаралып жатқан еңбек дауы бойынша медиация туралы шарттың қолданылу кезеңінде, сондай-ақ келісу комиссиясы болмаған жағдайда, ол құрылғанға дейін тоқтатыла тұрады.

Жүгіну мерзімін өткізіп алу себебінен арызды қабылдаудан бас тартуға жол берілмейді.

Жүгіну мерзімін дәлелді себебсіз өткізіп алу арызданушының талаптарын қанағаттандырудан бас тартуға негіз болуы мүмкін.