Оқу сабақтарында қолданылатын көрнекі құралдар

Балаларға ана тілін үйретуде көрнекіліктің алатын орны ерекше. Өйткені көрнекілік бақылампаздықты, ойлауды дамытады. Оқу-тәрбие процесін жүзеге асыруда көрнекіліктердің өзіндік маңызы, орны бар, жалпы таным процесі есту, көру, сезу арқылы жүзеге асатынын физиолог ғалымдар өте ертеден–ақ айтқан. Сондай–ақ сабақта көрнекілік пайдаланудың тиімділігін педагог– ғалымдар, әдіскерлер де күнделікті тәжірибе жүзінде дәлелдеп келеді.

Оқу сабақтарында көрнекілікті қолдану мүмкіндігі орасан мол, айнала қоршаған дүниені бақылау, экскурсияға шыққанда бақылау, оқушылардың жинаған заттары, жеке және коллекция түріндегі гербарийлер, жануарлардың, құстардың тұлыбы, модельдер, макеттер және панорамалар, кинофильмдер, диафильмдер, түрлі картиналар, портреттер, оқулықтағы суреттер, сызбалар, материалдар мәтінді оқуда оқушының ойын, тілін дамытады.