Ә. Б. Ақпаева, Л. А. Лебедева, М. Ж. Мыңжасарова, Т. В. Лихобабенко математика әдістемелік нұсқау

3.4.3.1. 1000-ға дейінгі сандар, мыңдықтармен миллионға дейінгі сандар тізбектерінің заңдылығын анықтау.

3.4.3.2. Өзі таңдаған заңдылық бойынша тізбектер құрастыру, тізбектегі заңдылықтың бұзылуын табу.

3.4.3.1. 1000-ға дейінгі сандар, мыңдықтармен миллионға дейінгі сандар тізбектерінің заңдылығын анықтау.

1000-ға дейінгі сандарды тура және кері ретпен санай біледі.

Разряд және класс, көптаңбалы сандар моделі, сандар тізбегі.

Ненің көмегімен санның моделін суреттеуге болады?

0-3

Мұғалім балалармен жануарлар әлемінің алуан түрлілігі туралы әңгімелеседі.

-Біздің даламызда, ормандарымыз бен тауларымызда, суларымызда қандай жануарлар мекендейтінін білесіңдер ме? Барлық жануарлар, құстар, балықтар мен жәндіктер біздің жеріміздің табиғи байлығы болып табылады.

4-6

Разрядтар мен кластар кестесімен жұмыс жүргізіледі. Балалар кестедегі сандарды оқиды. Олардың разрядтық құрамын атайды. Ары қарай оқулықтағы 1-тапсырманы орындауды ұсынады.

Оқулықтағы 2, 3-тапсырманы орындап, көптаңбалы сандарды разрядтық қосылғыштардың қосындысы түрінде жазады. Тәжірибелік жұмыс жасайды. Жұмыс абак – көне есептегіш құралды пайдалана отырып, топта жүргізіледі. Оқушылар берілген сандардың моделін жасайды.

7-11

Өткен сабақта көптаңбалы сандарды оқуды, жазуды және салыстыруды үйрендік. Алға жылжу үшін бізге алдыңғы сабақта алған мәліметті қаншалықты ұғынғанымыз маңызды.

12-29

Оқулықтағы 4-тапсырмада оқушылар көптаңбалы сандарды салыстырады, разрядтық қосылғыштар түрінде көптаңбалы сандарды көрсетеді.

Оқулықтағы 5-тапсырманы оқушылар разрядтық қосылғыштарға жіктейді.

Оқушылар дәптерлеріне дұрыс теңдіктер жазады.

Мұғалім тапсырманың дұрыстығын тексереді.

– Кімде қиындықтар туындады?

– Қай жерден қате жібердіңіз?

– Жіберілген қатенің себебі неде?

– Өзіндік жұмыста қате жібергендеріңіз, іс-әрекетіңіздің мақсатын құрыңыз.

– Қиындық туындаған оқушы жұмысының түпкі мақсаты қандай?

– Қателерді түзеу алгоритмін пайдаланамыз.

– Әркім өзінің есебі жайында айтады.

30-36

Мұғалім бағалау критерийлері бар тапсырманы дәптерде орындауды ұсынады.

Мен:

• 
  Көптаңбалы сандардың графикалық модельдерін толық мыңдықтармен оқимын.
  
• 
  1 000 000-ға дейінгі сандарды мыңдықтармен кему тәртібі бойынша жазамын.
  
• 
  Қателіктерді тауып, өз бетіммен таңдаған ереже бойынша тізім құраймын.
  
• 
  Сандардың бірізділігіндегі қателіктерді табамын.
  

Оқулықтағы 6-тапсырма есеп құрастыру және шығару, сонымен қатар сандардмен теңдіктер және теңсіздіктер құрастыру білігін бекітуге бағытталған. Балалар мәтіндегі сандық деректерді оқиды және теңсіздіктер құрастырады. Бұдан кейін есептердің шешуін жазады. Сұрақтар әртүрлі болуы мүмкін:

Барлығы неше жануар? Қояндарға қарағанда тұяқты жануарлардың нешеуі артық?

7-тапсырманы кестелік көбейту мен бөлуді бекітуге мүмкіндік береді.

8-тапсырмада сандар заңдылықтарын зерттейді.

«Мен үшін бүгінгі сабақ…»

Оқушыларға сабақта үш бағыттағы жұмыста сипаттайтын сөйлемнің астын сызып беру үшін жеке үлестірмелі қима қағаз беріледі.

Сабақ тақырыбы бойынша «ойыңмен бөліс», «ойластыр», «ұсын» сөздерімен сұрақтар құрастыруды ұсынады.

Үй тапсырмасын балалардың жеке қиындықтарын ескере отырып анықтайды.