№
|
Іс-шаралар
|
Орындалуы
|
1
|
2
|
3
|
5. «Жоғары білім беру және кәсіби дайындық» факторы
|
5.01. «Орта білім берумен қамту (жалпы)» индикаторы
|
94
|
Техникалық және кәсіптік білімі бар кадрларды даярлауға мемлекеттік білім беру тапсырысын ұлғайту
|
Батыс Қазақстан облысы бойынша 2018-2019 оқу жылына техникалық және кәсіптік, орта білімнен кейінгі білімі бар мамандар даярлауға мемлекеттік білім беру тапсырысы Батыс Қазақстан облысы әкімдігінің 2018 жылғы 7 маусымдағы №138 қаулысы бекітілді.
2018-2019 оқу жылына арналған жергілікті бюджет бойынша 3500 адам қабылдау жоспарланған, 2017-2021 жылдарға арналған «Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасы бойынша – 800, "Мәңгілік ел жастары-индустрияға"жобасы бойынша - 25.
2018 жылдың 20 маусымнан бастап қабылдау комиссиялары колледждерде өз жұмыстарын бастады.
|
95
|
Оқытуға жататын барлық балаларды орта біліммен қамтуды қамтамасыз ету:
1) оқытуға жататын балаларды уақытылы айқындау және мектепке қайтару
2) мектебі жоқ елді мекендерде тұратын балаларды жеткізуді ұйымдастыру
|
2017-2018 оқу жылында облыс бойынша себепсіз сабаққа қатыспаған 69 оқушы анықталды, олардың 45 мектепке қайтарылды, 24 оқушы мектепке бармауын жалғастыруда (іздестіруде - 6, көші-қон - 10, мектеп Ережесін орындамай отырғандар -4, оқығысы келмейтіндер - 4).
Мектеп оқушыларының сабаққа қатысуын толық қамтамасыз ету мақсатында облыс бойынша оқу жасындағы балаларды оқумен қамту бойынша жүйелі түрде мониторинг жүргізілуде, олардың қараусыздығы мен қадағалаусыздығының алдын алу мақсатында «Жасөспірім», «Түнгі қаладағы балалар» рейдтік шаралар, «Қамқорлық», «Мектепке жол» акциялары өткізіліп, себепсіз сабақ қалдырған оқушылардың мәселелері кәмелетке толмағандардың ісі және олардың құқықтарын қорғау жөніндегі аудандық (қалалық) комиссиялардың отырыстарында қаралады.
2017-2018 оқу жылында облыс бойынша 88 тиісті мектептері жоқ елді-мекендерден 58 жалпы білім беретін мектептерге 4474 (100%) оқушы күнделікті тасымалданды (Ақжайық - 144 оқушы, Бөрлі – 99 оқушы, Зеленов – 702 оқушы, Казталов – 53 оқушы, Қаратөбе – 20 оқушы, Сырым – 82 оқушы, Тасқала – 79 оқушы, Теректі – 427 оқушы, Шыңғырлау – 10 оқушы, Орал қаласы – 2858 оқушы). Күнделікті тасымалды 75 автокөлік жүзеге асырады, солардың 60 немесе 80% мектептерге тиесілі. Арнайы автокөлікке қажеттілік 14 бірлікті құрайды.
|
96
|
«Тегін кәсіптік-техникалық білім беру» жобасын іске асыруды қамтамасыз ету
|
«Баршаға арналған тегін кәсіптік-техникалық білім беру» жобасы аясында 10 мыңнан астам адам (56,1%) тегін техникалық білім алады және 5 мыңнан астам (27%) кәсіби біліктілік игереді.
2018-2019 жылға мемлекеттік тапсырыс бойынша 4325 орынға қабылдау жоспарланған (2017 жылы – 4306), соның ішінде «Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасы» шеңберінде - 800. Жергілікті бюджет қаражаттары есебінен 1963 орынға жұмысшы кадрларын дайындау қарастырылды
Облыста техникалық және кәсіптік білімі бар кадрларды даярлауға арналған үміткерлер тізімі жасақтайтын 183 мобильді топ жұмыс жасайды.
Халықты жұмыспен қамту мәселелері жөніндегі өңірлік комиссия отырысында 42 мамандық бойынша қысқа мерзімді білім беретін 23 колледждің және 13 оқу орталығының тізімі бекітілді. Бүгінгі таңда жұмысшы кадрлар дайындау бойынша қысқа мерзімді курстарға 875 адам жолданды.
|
5.02. «Жоғары білім берумен қамту (жалпы)» индикаторы
|
98
|
«Мәңгілік ел жастары – индустрияға» - Серпін жобасын іске асыруды жалғастыру
|
Облыстың ЖОО мен колледжерінде «Мәнгілік Ел жастары - индустрияға!» жобасы шеңберінде 1308 студент білім алуда.
М.Өтемісов атындағы Батыс Қазақстан мемлекеттік университетінде 15 мамандық бойынша 458 студент білім алуда (Алматы облысы-5, Қызылорда облысы-166, Маңғыстау облысы -121, Жамбыл облысы-14, Оңтүстік Қазақстан облысы-152), Жәңгір хан атындағы Батыс Қазақстан аграрлық-техникалық университетінде 23 мамандық бойынша 638 студент білім алуда (Алматы облысы-21, Қызылорда облысы-235, Маңғыстау облысы -160, Жамбыл облысы-17, Оңтүстік Қазақстан облысы-205).
«Серпін» жобасы бойынша 3 колледжде – 212 адам білім алуда. «Мәңгілік ел жастары – индустрияға» әлеуметтік жобасы бойынша оқитын студенттердің өңірлер бөлінісінде құрамы: Қызылорда облысы – 170, Маңғыстау облысы – 36, Оңтүстік Қазақстан облысы – 6 адам.
|
99
|
«Атамекен» ҰКП ЖОО рейтингі нәтижелері бойынша өңір әкімдерінің, жұмыс берушілердің және ректорлардың білім гранттарын ұсыну бойынша жұмысты ұйымдастыру
|
2018-2019 оқу жылы жергілікті бюджет қаражаттары есебінен 23627,0 мың теңге 100 орынға білім гранттарына қарастырылды келесі бағыттар бойынша: білім беру, өнер, әлеуметтік ғылымдар, экономика және бизнес, техникалық ғылымдар және технологиялар, ауылшаруашылық ғылымдары, қызметтер, ветеринария, денсаулық сақтау және әлеуметтік қамтамасыз ету.
|
5.03. «Білім беру жүйесінің сапасы» индикаторы
|
101
|
PISA, TIMSS, PIRLS және ICILS білім сапасын бағалаудың халықаралық зерттеулеріне Қазақстанның қатысуын және нәтижелердің жоғары деңгейін қамтамасыз ету
|
2018 жылғы сәуірінде облыс бойынша 34 мектеп пен 8 колледждің 15 жастағы білім алушылары арасында халықаралық PIZA және ІCILS зерттеулері өтті. Барлығы 1061 оқушы қатысты, соның ішінде 711 - қазақ тілінде, 350 - орыс тілінде білім алушылар.
|
102
|
Білім беру бағдарламаларын жетілдіру бойынша шаралар қабылдау:
1) орта білімнің жаңартылған мазмұнына кезең-кезеңмен ауысу және осы процесті әдіснамалық сүйемелдеу;
2) білім беру бағдарламаларын әзірлеуге және колледждер мен ЖОО оқытуға өндірістен тәжірибелі мамандарды тарту;
3) мектепке дейінгі және орта білім ұйымдарының басшылары үшін біліктілікті арттыру курстарының бағдарламаларын сапалы жаңарту;
4) білім беру ұйымдарында факультативтер есебінен «Кәсіпкерлік және бизнес негіздері» курсын енгізу
|
2017-2018 оқу жылында жаңартылған білім беру мазмұнына 2,5,7 сыныптар көшіп, жалпы 40813 оқушы білім алды (1 сыныптарда - 11263, 2 сыныптарда – 11255, 5 сыныптарда – 9618, 7 сыныптарда -8677).
«Жаңартылған білім беру мазмұны аясындағы өзекті мәселелер» (сұрақ-жауап) obnov_obrazovaniezko@mail.ru электронды поштасы ашылды және облыстық оқу-әдістемелік кабинеті zkometodkab.kz сайтында «Инновациялық қызмет» бөлімінде әдістемелік құралдар орналастырылды.
Жаңартылған білім мазмұны, критериалды бағалау, «Kundelik.kz», «BilimLand» қосымшаларын түсіндіру бойынша шаралар өткізілді.
ҚР БҒМ тапсырмасына, Үш тілді білім беруді дамыту жол картасына сәйкес пилоттық мектептерде 3-сынып оқулықтарын сынақтан өткізу барысы туралы бейнебаян «Қазақстан-Орал» және «ТДК-42» жергілікті телеарналарынан көрсетілді, «Орал өңірі», «Приуралье», «Жайық ұстазы» және «Ел және мұғалім» газетінде мақалалар жарияланды.
2017 жылдан бері облыс бойынша 4984 мұғалім жаңартылған білім беру мазмұны бойынша біліктілік арттыру курстарынан өтті, соның ішінде Орал қаласындағы «Назарбаев Зияткерлік мектептері» ДББҰ Педагогикалық шеберлік орталығында - 1244, тыңдаушы «Өрлеу» БАҰО» АҚ филиалы Батыс Қазақстан облысы бойынша педагогикалық қызметкерлердің біліктілігін арттыру институтында - 3740. Сонымен қатар. жаңартылған білім беру мазмұны бойынша 881 басшы білімнің жаңартылған мазмұны бойынша курстарда оқытылды.
ҚР БҒМ 2017 жылғы 31 қазандағы №556 бұйрығы негізінде облыс бойынша Орал қаласы №35 мектеп-лицейінің базасында 10-11 сыныптарда «Кәсіпкерлік және бизнес негіздері» курсы бойынша оқу бағдарламасы мен оқулық апробациядан өтті.
|
103
|
Орта білімді жекелеген пәндерді ағылшын тілінде оқытуға ауыстыру бойынша дайындық жұмысын жүргізу:
1) ЖМЦ 4 пәнін (физика, химия, биология, информатика) 2020-2021 жж. бастап 10-11 сыныптарда ағылшын тілінде оқытуға ауысу үшін оқу-әдістемелік базаны дайындау;
2) пән мұғалімдері, техникалық және кәсіби
білім оқытушылары мен ИПҚ үшін тілді оқыту курстарын өткізуді ұйымдастыру
|
10-11 сыныптардағы жаратылыстану циклының (ЖМЦ) пәндерін ағылшын тілінде оқыту бойынша жүйелі жұмыстар атқарылуда.
2017-2018 оқу жылы ЖМЦ пәндерін ағылшын тілінде оқытуға ауыстыру бойынша 52 мектебінің ішінен, пилоттық режимде 6 мектепте - ЖМЦ жеке пәндерін оқыту, 46 мектепте - ағылшын тілінде оқытудың элементтерін енгізу іске асырылуда.
2018 жылы тілдік курстармен 251 мұғалімді оқыту жоспарланған, 190 – оқытылуда.
Техникалық және кәсіби білім беру ұйымдарының 209 оқытушысы тілдік курстардан өтті.
|
5.04. «Математика және жаратылыстану білімінің сапасы» индикаторы
|
107
|
Оқушылардың халықаралық ғылыми-білім беру іс-шараларына қамтамасыз ету:
1) PISA – 2018, TIMSS – 2019 халықаралық зерттеуі
2) халықаралық олимпиадалар мен ғылыми жобалар конкурстары
|
2018 жылғы сәуірінде облыс бойынша 34 мектеп пен 8 колледждің 15 жастағы білім алушылары арасында халықаралық PIZA және ІCILS зерттеулері өтті. Барлығы 1061 оқушы қатысты, соның ішінде 711 - қазақ тілінде, 350 - орыс тілінде білім алушылар.
2017-2018 оқу жылында облыс оқушылары «Roboland-2018» ІV Халықаралық робототехника фестивалінде ІІ орын, «Разработка тепличной консрукции, адаптированной для перевозки растительной массы на планету Марс» ғылыми жобасында ІІІ орын, «КАZ Mars 07» марсоходы» ғылыми жобасында ІІІ орын, «Спутник – робот Titan» ғылыми жобасында ІІІ орын иеленді.
|
108
|
Сандық білім беру ресурстарын құру және енгізу:
1) үш тілде сандық ресурстарды әзірлеу және құру
2) ауылдық мектептерде сандық білім беру ресурстарын жаппай енгізу
|
Сандық білім беру ресурстарын оқу процестерінде пайдалану мақсатында облыстың 381 мектебі Bilimland.kz оқыту порталына қосылды, соның ішінде 182 мектепв он-лайн режимінде, 199 мектеп оффлайн режимінде. Бүгінге порталда 9066 қолданушы тіркелген.
|
109
|
Мектептерді жаратылыстану-математикалық бағыттағы пән кабинеттерімен жарақтандыру қамтамасыз ету
|
Батыс Қазақстан облысы бойынша 380 мектебінің 309 физика-математика бағытындағы кабинеттерімен қамтылған. Оның ішінде 263 - химия, 290 - физика, 219 - биология кабинеттері, ол негізгі және орта мектептердің жалпы санының кабинетермен қамтылуының 83,2% құрайды.
|
5.06. «Мектептердегі Интернетке қолжетімділік» индикаторы
|
112
|
Мектептерді кеңжолақты интернет желісіне қосуды қамтамасыз ету
|
Облыстың 380 жалпы білім беретін мектебінің 327 мектебі кеңжолақты интернет желісіне қосылған, соның ішінде 141 сым желілері арқылы, 186 шектеулі трафикпен спутниктік байланыс арқылы қосылған.
|
113
|
Мектеп мұғалімдері үшін Интернетпен жұмыс және оның мүмкіндіктерін оқу мақсаттарында пайдалану бойынша жүйелі курстарды ұйымдастыру
|
Пән мұғалімдерінің Интернет технологияларды қолдануда шығармашылық қабілеттерін, цифрлық білім беру ресурстарын жасау және кәсіби дағдыларын дамыту мақсатында «Academia педагогикалық шеберліктің виртуал лабораториясы» мектептің 1000 мұғалімін қамтумен "Білім беруде қажетті интерактивті құралдар. Мұғалімнің білуі тиіс технологиялары" тақырыбында курс ұйымдастырылды.
Оқыту екі кезеңнен тұрады.
Бірінші кезең ағымдағы жылдың 18 маусымы мен 7 шілде аралығында 520 мұғалімді қамтиды.
Екінші кезең ағымдағы жылдың 13 мен 29 тамыз аралығында 480 мұғалімді қамтиды.
|
5.07. «Мамандандырылған оқыту қызметтеріне қолжетімділік» индикаторы
|
114
|
Кәсіпкерлер арасында олардың жұмысы туралы ақпаратты тарату үшін біліктілікті арттырумен айналысатын білім беру ұйымдарының тізбесін дайындау және «Атамекен» ҰКП ұсыну:
1) оқу орталықтары мен әскери-техникалық мектептер тізбесі
2) ЖОО мен ТжКБ ұйымдарының тізбесі
|
2018 жылдың 26 қаңтарында Халықты жұмыспен қамту мәселелерi жөнiндегi өңiрлiк комиссия отырысында Кәсіпкерлер палатасының өкілдерінің қатысуымен 23 колледж және 13 оқу орталықтарының тізімі бекітілді, соның ішінде 1 әскери-техникалық мектеп, 6 оқу орталығы кәсіпорындар жанында орналасқан.
2018 жылы Нәтижелі жұмыспен қамтуды және жаппай кәсіпкерлікті дамытудың бағдарламасы шеңберінде қысқа мерзімді кәсіптік оқытумен 1500 адамды қамту жоспарланған, 875 адам оқуға жолданды, ұзақ мерзімді кәсіптік оқытумен 800 адамды қамту жоспарланған.
|
