КІРІСПЕ Дипломдық жұмыс мақсаты

- «Стереометрия» модулін конструктивті оқытудың теориялық негіздерін анықтау.

- «Стереометрия» модулін конструктивті оқытудың әдістемесін жасақтау.

Дипломдық жұмыстың зерттеу болжамы: Егер,

- Заманауи білім жүйесінің құзіреттілік тұрғысынан қарағандағы ахуалы талданып, «Стереометрия» модулін конструктивті оқытудың теориялық негіздері анықталса;

- «Стереометрия» модулін конструктивті оқытудың әдістемесі жасақталса; онда жасақталған әдістемені оқыту процесіне кіріктіру, математиканы оқыту сапасын жоғарылатады.

Дипломдық жұмыс әдістері: математиканы конструктивті оқытуды жүзеге асыратын әдістемелік жұмыстарды талдау; модельдеу, жобалау; бақылау.

Дипломдық жұмыс құрылымы. Жұмыс кіріспеден, негізгі бөлім - екі тараудан, қорытынды мен пайдаланылған әдебиеттер тізімінен тұрады.

Кіріспе бөлімде заманауи білім саласындағы ахуалға қысқаша шолу жасау арқылы, білім саласы алдында тұрған проблема ашылған, зерттеу жұмысының саласы, объектісі, нысаны, мақсаты, мәселелері көрсетілген.

Негізгі бөлімнің “СТЕРЕОМЕТРИЯ” МОДУЛІН КОНСТРУКТИВТІ ОҚЫТУДЫҢ ТЕОРИЯЛЫҚ НЕГІЗДЕРІ деп аталатын І-тарауында білім саласындағы ахуал, конструктивті оқыту ерекшеліктері, математиканың проблемалық-танымдық тақырып көзқарасына негізделген мазмұны, ашылған.

“СТЕРЕОМЕТРИЯ” МОДУЛІН КОНСТРУКТИВТІ ОҚЫТУ ӘДІСТЕМЕСІ” деп аталған ІІ-тарау мазмұнын: «Стереометрия» модулін конструктивті оқыту процесін жобалау, ұжымдық конструктивті оқыту түрлері, оқушыларды конструктивті оқу процесіне жұмылдыру құрайды.

Қорытынды бөлімде дипломдық жұмыс нәтижелері, жаңалықтары, нәтижені қай жерлерде қолдануға болатыны, білім саласын жетілдірудегі тиімділігі көрсетілген.