Механика және оның құрылымы

Механика және оның құрылымы

• Механика және оның құрылымы
• Механика – механикалық қозғалыстың заңдылықтарын және сол қозғалысты тудыратын немесе өзгертетін себептерін зерттейтін физиканың бөлімі.
• Mеханика:
• классикалық механика (макроскопиялық денелердің қозғалысы);
• релятивистік механика (жылдамдығы вакуумдегі жарық жылдамдығына жақын денелердің қозғалысы);
• кванттық механика (микроскопиялық денелердің атомдар мен элементар бөлшектердің қозғалысы) болып бөлінеді.

Механика бөлімдері

• Кинематика – қозғалыстың тек уақытқа байланысты өзгерісі зерттеледі. Ал, қозғалыcты туғызушы себептер қарастырылмайды.
• Динамика – қозғалыс заңдылықтары және ол қозғалысты туғызушы себептер қарастырылады.
• Статика – денелер жүйесінің тепе-теңдік заңдылықтарын қарастырады.

• Механикалық қозғалыстың екі түрі болады:
• ілгерілемелі;
• айналмалы.
• Ілгерілемелі қозғалыс – денемен қатаң байланысқан кез-келген түзу өзінің бастапқы орнына параллель болып қалатын қозғалыс.
• Айналмалы қозғалыс - дененің барлық нүктелері шеңбер сызатын, ал олардың центрлері айналу осі деп аталатын түзудің бойында жататын қозғалыс.

• Механикалық қозғалыс
• Механикалық қозғалыс деп денелердің немесе олардың бөліктерінің кеңістікте орналасуының уақыт бойынша өзгеруін айтады.