«Дарынды балаларға-талантты ұстаз» республикалық педагогикалық олимпиадасын ұйымдастыру және өткізу туралы

Педагогикалық олимпиаданың басты шарты – педагогикалық идеялар, жобалар, педагогикалық шығармашылықтың қорытындысымен тәжірибе алмасу болып табылады.

Педагогикалық олимпиада педагог тұлғаның шығармашылық жұмыста еркіндігі, зерттеу бағытын таңдауы, педагогикалық өзін-өзі көрсету әдістері, кәсіптік және тұлғалық жолының одан әрі шоғырлануына бағытталған.

Ереже Қазақстан Республикасының «Білім туралы» Заңы, Қазақстан Республикасындағы білім беруді дамытудың 2011-2020 жылдарға арналған мемлекеттік бағдарламасы, Қазақстан Республикасының жаңа формациядағы педагог үздіксіз педагогикалық білім беру Тұжырымдамасына сәйкес құрастырылған.

- жоғары сынып оқушылары мен студенттердің педагогикалық қызметте өзін-өзі кәсіби айқындауға бағдарлануы;

- педагогтар мен студенттердің білім беру мекемелерінің даму перспективасына бағдарлануы;

- оқытушылар мен студенттердің білім беру мекемелерінде қазіргі жаңару жағдайындағы педагогикалық қызметті дамыту процесіне енуі;

- нақты білім беру барысында жас педагогтардың педагогикалық бастамаларын жинақтау және тарату;

- педагогикалық саладағы ең шығармашыл жастарды қолдау.

1) педагогикалық мамандыққа ерекше қабілетті жастарды анықтау;

2) жоғары сынып оқушылары мен студенттердің шығармашылық дербестігін, олардың жеке тұлғалық және педагогикалық мәдениетін өздігінен қалыптастыруға, кәсіби педагогикалық қызмет тәжірибесін байытуға жағдай жасау;

3) жоғары сынып оқушылары мен студенттердің кәсіби-педагогикалық ой-өрісін және шығармашылық әлеуетін өздігінен жүзеге асыру мүмкіндігін кеңейту;

4) жеке кәсіптік міндеттерді шешу үшін студенттердің ақпараттық- білімдік кеңістігін кеңейту;

5) кәсіби педагогикалық білім беру және педагогикалық мамандықтың маңызын арттыру, педагогиканың беделін көтеру;

6) білім беру саласындағы педагогтардың мақсаты мен ұстанымдарын келісіп шешу, қазақстандық педагогикалық ғылыми мектептің ең үздік дәстүрлерін сақтау және дамыту;

7) педагог кадрлардың дайындық сапасын жақсарту мақсатында дарынды балаларға арналған мамандандырылған мектептердің нақты білім беру процесінде жас педагогтардың педагогикалық бастамаларын жинақтау және тарату.

Оқушылар конкурс тапсырмаларын орындау барысында педагогикалық мамандықты таңдау дайындығын, жеке тұлғаның педагогикалық бағыттылығын, педагогикалық білімдарлығын, интеллектуалдық және жалпымәдени даму деңгейін көрсете алады.

Олимпиада мазмұнында студенттердің педагогикалық білімді игеруі және оны кәсіби-педагогикалық міндеттер мен жағдаяттарды шешуде пайдалануы, тұлғаның өзін-өзі кәсіби айқындау деңгейлерін көрсетуге мүмкіндік беретін конкурстық тапсырмалар қарастырылған.

1-деңгей – аудитория жағдайында оқу материалдары, жаттығулар, мәтіндік тапсырмалармен және т.с.с. жұмыс жасауда педагогикалық міндеттерді шеше білу.

2-деңгей – рөлдік ойын элементтерін пайдалана отырып, педагогикалық қызметтің фрагменттік үлгілерін көрсетуде және педагогикалық тәжірибе процесінде педагогикалық міндеттерді шешу.

3-деңгей – мектептің жаттықтыру сабақтары, педагогикалық практиканы (студенттер, магистранттар) өткізу процесінде педагогикалық міндеттерді жобалау және шешу.

4-деңгей – білім беру процесінде педагогикалық міндеттерді жобалау және шешу (жас педагогтар, психологтар, тәлімгерлер).
3. Олимпиада кезеңдері

Педагогикалық олимпиада бірнеше кезеңдерден тұрады:

I кезең – аймақтық;

II кезең – іріктеу (сырттай), ҚР Білім және ғылым министрлігінің «Дарын» республикалық ғылыми-практикалық орталығы өткізеді;

III кезең – қорытынды, ҚР Білім және ғылым министрлігінің «Дарын» республикалық ғылыми-практикалық орталығы өткізеді.

4. Педагогикалық олимпиаданы ұйымдастыру
Олимпиаданы ұйымдастыру және өткізуге жоғары оқу орындары, колледждердің жетекші мамандары, Астана мен Алматы қалалары білім басқармалары және педагог кадрлардың біліктілігін арттыру институттарының мамандары тартылады.

Олимпиаданы ұйымдастырып дайындау үшін жоғары оқу орындарының әртүрлі қызметкерлері тартылады: ғылыми-зерттеу бөлімі, маркетинг бөлімі, мұражайлар, өз базасында психология және педагогика кафедралары бар факультеттер. Педагогикалық олимпиаданы өткізу қорытындысы бойынша бірлескен педагогикалық жобалар және оларды өмірге енгізуде бірлескен шешімдер жасалады, республиканың педагогикалық қоғамдастығымен байланыстар кеңейеді.

Педагогикалық олимпиаданың қорытынды кезеңін дайындау және оны өткізу Қазақстан Республикасы Білім және ғылым министрінің бұйрығымен бекітілген ұйымдастыру комитеті жүзеге асырады.

Педагогикалық олимпиаданың қорытындысы бойынша қазылар алқасы олимпиаданың әр сатысының жеңімпаздары мен жүлдегерлерін анықтайды. Олимпиаданың қорытындысы салтанатты жағдайда өтеді. Олимпиада жеңімпаздары мен жүлдегерлері естелік сыйлықтармен марапатталады. Салтанатты марапаттау рәсіміне жоғары оқу орындарының, гуманитарлық колледждердің басшылары, ҚР Білім және ғылым министрлігінің, бұқаралық ақпарат құралдарының өкілдері қатысады.

Смета мекеме-ұйымдарының ерікті және демеушілік жарналарынан тұрады.