79
жасаймыз деген игі мақсат ізгі іспен көмкеріліп, үзіліссіз жүйемен өріліп жатса, еліміздің әрбір
азаматының арманы орындалып жатыр деп ұғынуға болады.
Қолданылған әдебиеттер:
1. ҚР бастауыш білімінің мемлекеттік стандарты. – Алматы, 1998
2. ҚР білім және ғылым қызметкерлерінің съезі материалдары – Егемен Қазақстан, 2001,
ақпан.
3. Махмутов М. Мектепте проблемалық оқытуды ұйымдастыру. – Алматы, 1981.
4. Жұмабаев М., Педагогика. А., Мектеп, 1992
5. Идрисова М.Ә. Мектепке дейінгі педагогика. –Қарағанды: «Гласир», 2011
ХАЛЫҚТЫҚ ПЕДАГОГИКАНЫҢ БАЛА ТӘРБИЕСІНДЕ МАҢЫЗДЫЛЫҒЫ
Амирова Гульжазира Тлеуберлықызы
№16 «Алтынай» б/б КМҚК тәрбиешісі Қарағанды қаласы
«Баланы тәрбиелеу үшін әрбір тәрбиешінің өзі тәрбиелі болуы керек.
Себебі, бала айтып ұқтырғаннан гөрі, көргеніне көп еліктегіш келеді.
Солай болған соң балаға не жақсы мінез болсын, іспен көрсету керек»
Ж. Аймауытов
Осы бір ұлағатты ой астарында отбасында – ата-анасынаң мектепке дейінгі ұйымда –
тәрбиешіден талап етілетін тағылым жүгі жатыр. Жер бетінде мекен еткен адамзаттың бір
бұтағы — бір халықтың қандай да дара қасиетке ие болып, қандай бет-бейнесімен көрінуі —
сол халықтың мектебінің бет-бейнесіне, өзіндік ерекшеліктеріне тікелей байланысты. Әрине,
отбасында бала ұлттық құндылықтар негізінде тәрбиеленіп келіп, ол тәрбие балабақша мен
бастауыш мектепте жалғасын тауып жатса, бала өте құнарлы этномәдени білім мен тағылым
алары анық.
Балабақшадағы тәрбие – барлық тәрбиенің бастамасы. Тәрбиеші балаларды адам
мәдениетінің әлеміне, күрделі және алуан түрлі қарым-қатынастардың әлеміне ертетін
үлкендердің бірі. Қазіргі кезде ата-ананың сұраныс деңгейі биік. Өскелең жас ұрпақты
рухани-адамгершілік қасиеттерге тәрбиелеу мәселесі қазіргі заманымызда өзекті болып отыр.
Балалардың білім беруде, адамгершіліктің ең құнды қасиеттерін бойына сіңіріп тәрбиелеуде,
білім мекемелерінен, ұстаздардан, ата-аналардан шығармашылықты талап етеді.
Баланы жан-жақты, дені сау, үйлесімді болып өсуіне ата-анасы қаржысын аямай ден
қояды. Кішкентай жастан музыка, би, шет тілдер, спорттық үйірмелерге қатыстырады. Оның
барлығы, әрине заман талаптарына сай, бірақ ең бастысы рухани адамгершілік тәрбие -
тәрбиенің бастамасы екендігін ешқашан ұмытпағанымыз дұрыс.
Еліміздің егемендік алған уақыт ішінде қоғамда қаншама өзгерістер болды. Сол
өзгерістер туғызған соңғы жаңалықтар бала өміріне тікелей әсерін тигізіп жатқаны белгілі. Ел
ертеңі, ұлт болашағы үшін этнопедагогика мен этнопсихология ілімдерінің жетістігін тәрбие
құралына айналдыру – бүгінгі күннің басты сұранысы. Егеменді елімізге сай ұрпақ тәрбиелеп
шығудың бірден бір жолы – өсіп келе жатқан ұрпақты эстетикалық тұрғыдан шыңдау. Осыны
халықтық педагогика арқылы жүзеге асыруға болады.
Халық педагогикасымен айналысушылар қоғам дамуының алғашқы сатыларында-ақ
тәрбиеге өзіндік көзқарас болғандығын, мақсатқа сай тәрбиеленудің жолдары
ойластырылғандығын мәлімдейді.
Еліміздің ертеңі – бүгінгі жас ұрпақтың қолында.
80
Егемендігіміз баянды болып, ел ертеңі жарқын болсын десек, ұлт ұрпағына дұрыс тәрбие
беру – парыз! «Ел боламын десең, бесігіңді түзе»!
Тәрбиелеп отырған жас жеткіншекке бала деп қарамай, кішкентай күнінен бастап оның
елін сүйер бүлдіршін, ұлтын ұлық тұтар ұлан, мақтанышымызға айналар отаншыл азамат
болып қалыптасуына тырысуымыз қажет. Бала бойына тәрбиенің ұрығын себетін, ең алдымен,
ата-анасы болса, одан кейін, балабақшасы. Тіпті есін білер-білмес шағынан бастап күнұзаққа
балабақшада жүретін бала үшін балабақшаның ықпалы басымдау десек те болады. Ендеше,
балабақшаларымыз балалардың ұлтына сай азамат болып қалыптасуы жолында тәлімді тәрбие
бере алып отыр ма?!
Адамгершілік – қоғамдық өмірдің тарихи – әлеуметтік заңдылықтарына сәйкес, адамдар
арасындағы қарым-қатынас жүйесін реттеп отыруға негіз болып табылатын қауымдық,
халықтық игі іс-әрекеттер, мінез-құлықтағы имандылық пен инабаттылықты, әдептілік
қалыптарын көрсететін терең мәнді ұғым. Тәрбиелеу, білім беру жұмысының мазмұны мен
формалары балалардың мүмкіндігін ескерту арқылы нақтыланады. Адамгершілікке, еңбекке
тәрбиелеу күнделікті өмірде, үлкендердің қолдан келетін жұмысты ұйымдастыру үрдісінде,
ойын және оқу ісінде жоспарлы түрде іске асады. Мектепке дейінгі тәрбие бағдарламасы
балалардың жан-жақты дамуын, олардың мектепке деген дайындығын қарастырады.
Жас ұрпақты саналы, сергек етіп тәрбиелеу отбасы мен мектепке дейінгі ұйым
қызметкерлерінің бірден-бір парызы.
Қазірге кезде өсіп келе жатқан жас ұрпақты тәрбиелеуде қойылған мақсаттардың бірі
қоғамға пайдалы, үлкенге құрмет көрсетіп, кішіге қамқор бола білетін, жан-жақты дамыған
жеке тұлғаны қалыптастыруда халық педагогикасының маңызы зор.
Халықтық педагогика – ұлттар мен ұлыстардың ғасырға созылған ұрпақ тәрбиесіндегі
ұлттық әдет-ғұрыптары мен дәстүрлерінің, мәдени ойлау үрдісінің озық үлгілерінің
жиынтығы.
Бабаларымыздың игі дәстүрлерін сақтай отырып, өз ұрпақтарымызды адал, үлкенді
құрметтейтін, әділ, ержүрек, ізгі қасиетті, ар ожданды қылып өсіру тәрбиешінің, ата-ананың
басты міндеті. Сондықтан саналы, салауатты, халқымыздың барлық дәстүріне, әлем
мәдениетіне қанық, ел тізгінін берік ұстай білетін ұрпақ тәрбиелеу әр отбасына және мектепке
дейінгі ұйымдағы адамгершілік тәрбиесіне байланысты.
Қазақстан Республикасының білім беру саласы бүгінгі басты міндеттерінің бірі-ұлттық
ерекшеліктерді ескере отырып, жас бүлдіршідерге терең білім мен тәрбие беру керек деген.
Мектепке дейінгі тәрбиенің 2009 жылғы жаңа оқу стандарты бойынша «Біз мектепке барамыз»
бағдарламасында ұлтжандылық пен халқымыздың мәдени –тарихи дәстүрлері кезінде
тәрбиелеу арқылы бала бойына жалпы адамдық, мәдени және адамгершілік құндылықтарын
дамыту міндеттері кіргізілген. Әр саланы, бөлімді оқыту кезінде қазақ халқының тұрмыс-
салты, әдет-ғұрпы, үлгілі дәстүрлермен шебер ұштастырып, бала бойына ұлттық мақтаныш,
ұлттық патриоттық сезім қалыптастыру, оны бүгінгі күн талабына сай мазмұнды да пәрменді
жүргізуге күш салу әр тәрбиешінің басты міндеті.
Қазақ халқының тарих қойнауында қанша ғасыр өтсе де, тәлім- тәрбиелік мәнін
жоғалтпаған ұлттың болмысына, сана-сезіміне, тұлғалық сипатына сай жалпы адамзаттық
және ұлттық құндылықтар қатарына жататын асыл дүниелер бар екені белгілі. Осындай
рухани құндылықтарды тәрбиенің мазмұнына арқау ету жетілген тұлғаны қалыптастыру
мәселесі педагогика ғылымының тарихына жаңаша көзқарасты қажет етеді. Ұлттық тәрбиенің
көзі болған отбасының жалпыадамзаттық, әлемдік даму тенденцияларынан тыс қарау дұрыс
емес. Сол себепті, қазіргі қазақ отбасында ұлттық негізде тәрбиелеудің жағдайы туралы кейбір
тұжырымдар жасау мүмкін:
Бала тәрбиесінде жалпыадамзаттық және ұлттық құндылықтардың біріккен әсері, ата-
аналардың педагогикалық, этнопедагогикалық мәдениеті деңгейіне орай аталған
факторлардың бірінің басымдылығының байқалуы;
