Білім беру бағдарламасы «5B050800-Есеп және аудит»

Деңгейі: Бакалавриат

1.2.Түлектің біліктілік сипаттамасы:

1.2.1. Кәсіби қызмет саласы

1.2.2. Кәсіби қызмет нысандары

1.2.3. Кәсіби қызмет пәні

1.2.4. Кәсіби қызмет түрлері

1.2.5. Кәсіби қызмет функциялары

1.2.6. Кәсіби қызметтің типтік міндеттері

3. Негізгі құзыреттіліктер

5. Модульдерді сипаттауға арналған формуляр

Модуль 1. Қоғамдық-коммуникативті

Модуль 2. Саяси - әлеуметтік және жаратылыстану

Модуль 3. Кәзіргі сараптамалық экономика және кәсіби - бағытталған тілдер

Модуль 4. Бухгалтерлік есеп және қаржы негіздері

Модуль 5. Статистика, эконометрика және бағалау негіздері

Модуль 6. Маркетинг, менеджмент және кәсіпорын экономикасы негіздері

Модуль 7. Есепті халықаралық ұйымдастыру мен компьютерлендіру

Модуль 8. Шаруашылық субъектілердің қызметін талдау

Модуль 9. Бухгалтерлік есептің стандарттары

Модуль 10. Аудит негіздері және ұлттық шоттар жүйесі

Модуль 11. Қаржылық және басқарушылық есеп

Модуль 12. Қаржы және басқару есептегі қазіргі жолдары

Модуль 13. Қаржылық-несиелік мекемелерінде бухгалтерлік есебін ұйымдастыру

Модуль 14. Экономика салаларында бухгалтерлiк есепті ұйымдастыру

Модуль 15. Мемлекеттік тілде іс қағаздарын жүргізу

Модуль 16. Тәжірибе

Модуль 17. Мемлекеттік аттестация

6. Білім беру бағдарламасындағы модульдер кесіндісінде меңгерілген кредитттер көлемін бейнелейтін жинақ кесте:

Бакалавриат түлегіне «5B050800-Есеп және аудит» мамандығы бойынша «экономика және бизнес бакалавры» академиялық дәрежесі беріледі.

Кәсіби қызмет саласы болып мемлекеттік органдар, барлық меншік нысанындағы мекемелер мен ұйымдар, нарықтық инфрақұрылым буынындағы экономиканы мемлекеттік реттеудің басқару органдары және ғылыми-зерттеу мекемелері болып табылады.

Кәсіби қызметтің нысандары активтердің құрамы мен орналасуында және оның құралу көздерінде өзгерістер тудыратын кәсіпорын мүлігі, оның міндеттемесі, капиталы және шаруашылық операциялары, сонымен қатар, саланың ерекшелігін ескеретін, экономиканың әр түрлі саласындағы ұйымдардың қызметі: мемлекеттік басқару органдары (Министрліктер, Салық комитеті, статистика бойынша ҚР Агенттігі), ғылыми зерттеу мекемелері, құқықтық нысаны мен ұйымдастыру түріне тәуелсіз ұйымдар мен фирмалар бола алады.

Осы профильдегі бакалаврлар ұйымлдардағы қаржылық, шаруашылық және басқару ісін жүргізе білулері керек:

- шаруашылық операцияларын тіркеу;

- ХҚЕС сәйкес қаржылық есептілікті құрастыру;

- қаржылық есептіліктің аудиті мен талдауын ХАС сәйкес жүргізу.

1.2.4. Кәсіби қызмет түрлері

Бакалаврлар алған теориялық білімдерін, ұйымдардың қызметі жөніндегі ақпараттарды алып, талдап, талқылап, қорытып, бағалап және ұсына отырып тәжірибеде қолдана алуы тиіс. 5В0508-Есеп және аудит мамандығы бойынша бакалаврлар келесі кәсіби қызмет түрлерін орындай алады:

- ұйымдастыру-басқару қызметі. Бітіруші мемлекеттік қызметтерде қаржы және салық органдарында, кәсіпорындарда, сақтандыру ұйымдарында, банктер мен басқа қаржы мекемелерінде біліктілік жұмыстың машықтарын игеруі тиіс. Бухгалтерлік есебінің ғылыми-әдістемелік және ұйымдық-технологиялық базасын жасауға қатысады, басқа мамандармен біріге отырып, басқарудың неғұрлым тиімді әдістерін, бизнесті ұйымдастырудың ережелері мен рәсімдерін жасап қолданады, капиталдар нарығында қаржы институттарының қызметтеріне белсене қатысады; компанияның корпоративтік бейнесін қолдап, дамытады;

- өндірістік-технологиялық қызмет осы мамандық бойынша түлектердің прерогативасы болап танылады, өйткені оқу процесі олардан ақпараттарды жинап, тіркеу және жалпылау процестерімен байланысты барлық сұрақтардың жан-жақты оқылуын талап етеді;

- түлектердің есептеме-жобалық қызметі жаңа кәсіпорындарды немесе экономикалық жобаларды ұйымдастыруға қатысты несиелер, қарыздаржәне қызметін кеңейтуге арналған қаржылық қолдаулардың басқа да түрлерін алуға керекті арнайы құжаттардың (техникалық-экономикалық негіздеме, бизнес жоспар және тағы басқа) тиімділігін талдауға арналған мәліметтерді ұсына отырып, жобаларды техникалық-экономикалық негіздеу арқылы жүзеге асырылады;

- осы мамандық түлектерінің білім беру (педагогикалық) қызметі орта арнайы оқу орындарындағы кәсіби қызметтерімен анықталады.

- есептік және статистикалық ақпараттарды жинақтау, мәліметтерді өңдеу және оны басқару шешімдерін қабылдауы үшін басшылар, инвесторлар, кредиторлар, ішкі және сыртқы пайдаланушылардың қолдануына дайындау;

- бағаның қалыптасуы, инвестициялар және өндірістің әдістері бойынша балама шешімдерді бағалау және талдау;

- ұйымдардың қызметтерін жалпы бақылау және басқару;

- бухгалтерлік есептің жүргізілуінің заңдық нормативтік актілерге сәйкес келуін тексеру, сонымен қатар кеңес беру қызметін көрсету (аудиторлық және кеңес беру қызметтері);

- ХҚЕС сәйкес бухгалтерлік есепті жүргізу және қаржылық есептілікті құрастыру;

- шоғырландырылған қаржылық есепті құрастыру;

- салықтық есептілікті құрастыру және салықтар бойынша декларация толтыру;

- бухгалтерлік есепті қалпына келтіру;

- бухгалтерлік есепті реттейтін нормативтік актілерді жасақтау (нормативті-әдістемелік қызмет).

- оперативті жетекшілік пен басқару, сонымен қатар инвесторлар, жабдықтаушылар, сатып алушылар, қарыз берушілер, мемлекеттік органдар, банктер және тағы басқа мүдделі тұлғалар пайдалануы үшін қажет болатын ұйымдардың қаржылық жағдайы, қызмет нәтижелері және қаржылық жағдайындағы өзгерістер туралы нақты да, толыққанды ақпараттарды, бухгалтерлік есеп стандарттарына, бекітілген қағидаларға, қаржылық есептілікті құрастыру мен бухгалтерлік есепті жүргізу ережелеріне сәйкес қалыптастыруды қамтамасыз ету;

- талдау мен аудиттің әдістемелері мен техникасы мәселелері бойынша нұсқауларды, есеп саясатын жасақтау;

-қоғамда болып жатқан әлеуметтік-экономикалық процесті қайта қалыптастыруды ғылыми негізделген көрсеткіштердің негізінде жан-жақты зерттеу;

- ұлттық экономиканың даму тенденцмясын болжауды қорытындылау;

- өндіріс тиімділігін арттырудың қолда бар резервтерін анықтау;

- пайдаланушыларды сенімді ақпараттармен өз уақтылы қамтамасыз ету;

2. Білім беру бағдарламасының мақсаты:

- қаржылық есеп пен есептіліктің ролі мен қағидаларын сипаттау;

- ұйымның есеп саясатын жасау;

- шаруашылық операцияларының бухгалтерлік есебін дұрыс ұйымдастыру;

- мүліктердің, міндеттемелер мен капиталдың қозғалыстарын есеп құжаттарында өз уақытылы тіркеу;

- ХҚЕС сәйкес қаржылық есептілікті ұйымдар үшін даярдау;

- әлеуметтік-экономикалық, қоғамдық-саяси құбылыстарды динамикада талдау;

- қысқа және ұзақ мерзімді болжаулар жасау;

- әлеуметтік-экономикалық құбылыстардың құрылымын және олардың жиынтығын меңгеру;

- бухгалтерлік есеп әдістемесін ұғыну;

- өзінің қорғайтын көзқарастарын дәлелді жеткізе білу;

- талдау негізінде оқылатын процестің дамуындағы пайда болатын тенденцияларды анықтау;

- ұйымның қаржылық жағдайын жетілдіру бойынша ұсыныстарды жасау;

- басқару және өндірістік қызметтің деңгейін арттыруға ықпал ету;

- шаруашылық субъектілерінің қаржы-шаруашылық қызметтерін талдау және ХАС сәйкес аудит жүргізу.

3. 
   Негізгі құзыреттіліктер:
   

- фундаменталды математикалық, табиғи-ғылыми және техникалық даярлау саласында: дүниетанымы және ойлау мәдениеті кең жоғары білімді тұлға қалыптастыруға сәйкес фундаменталды математикалық, табиғи-ғылыми және техникалық пәндер бойынша базалық білімдерді меңгеру;

- компьютерлік технология саласында: кәсіби қызметінде ақпараттық технологияларды қолдану іскерлігі, қазіргі құрал-жабдықтарды қолдана отырып, бағдарламалау дағдыларын меңгеру;

- әлеуметтік-мәдени қызмет саласында: этикалық, рухани, мәдени құндылық, әлеуметтік мінез құлықты реттеу формалары мен негізгі заңдылықтарды, тұлғаға деген әлеуметтік ұстаным жайында түсініктерді білу, Қазақстан халықтарының мәдениеті мен дәстүрлерін, қоғам дамуының тенденцияларын білу, әр түрлі әлеуметтік жағдаяттарды бағдарлай білу, креативті ойлау іскерлігі, басқа ұлттың мәдениетіне, салт дәстүрлеріне шыдамдылық таныту, белсенді өмір позициясын ұстану;

- оқу қызметі саласында: шығармашылық әлеуетін, жаңашылдығын, бастамасын дамыту үшін жағдай жасау, аталмыш ғылымның негізін қалайтын пәндер бойынша білім алу, қажетті практикалық дағдылардың болуы, оқу және өндірістік іс-тәжірибеден өту барысында теориялық білімді тиімді бекіту, мамандыққа сәйкес сонымен қатар, жоғары білімнің келесі сатысында оқуды жалғастыруға байланысты пәндерді саналы таңдау, мамандық бойынша жұмысқа орналасуға болатын мүмкіндіктерге сәйкес жұмыс күштері нарығында бітіруші түлектердің бәсекеге қабілеттілігін қалыптастыру; ЖОО ерекшелігін, тұлғаның қажеттілігін ескере отырып, кәсіби құзыреттілікпен білім беру саласында студенттердің жеке бағдарламаларын таңдау;

- кәсіпкерлік, экономикалық қызмет саласында: экономикалық білімінің негізін меңгеру, микро және макроэкономикалық құбылыстар, қаржы, маркетинг, менеджмент жайында ғылыми білімдерді игеру, экономикадағы мемлекеттік сектордың рөлін, экономиканы мемлекеттік реттеу әдістерін білу және түсіну.