Білім беру бағдарламаларын әзірлеу: жоғары білім берудің жаһандық мәселелеріне жауаптар. Монография / Аида Сағынтаева, Айжан Мусина, Алия Сулейменова, Рус- лан Қаратабанов, Қайрат Құракбаев, Дункан Пристли, – Нұр-Сұлтан

Назарбаев Университетінің Жоғары білім беру мектебі
153
НУ-да ғылымды оқыту және білім берумен біріктіру
Университеттің миссиясы мен оның ғылыми көшбасшылық бойынша 
мақсатына сәйкес ізденіс-зерттеу жұмыстары негізінде ғылымды білім беру 
мен оқытуға біріктіру 2016-2018 жылдар аралығында білім беру сапасын 
арттырудың институционалдық тақырыбы ретінде айқындалды. НУ бағдар-
ламаларында зерттеулерге негізделген білім беру үлгісі пайдаланылады. Бұл 
ретте факультеттер профессор-оқытушылар құрамының (ПОҚ) ғылыми қы-
зығушылықтарын көрсететін түрлі курстарды ұсынады. Осылайша ПОҚ-ның 
зерттеу қызметі НУ студенттерінің біліміне тікелей әсер етеді. Ғылымды оқуға 
біріктіруге шынайы ұмтыла отырып, мектептер (факультеттер) студенттерге 
оқытушыларымен бірге олардың ғылыми жобаларына атсалысуға мүмкіндік 
беретін курстарды қоса алғанда, мықты зерттеу мәдениетін дамыту мүмкін-
діктерін іздейді. Студенттер зерттеуші болу дегеннің қандай болатыны ту-
ралы түсінік алады және зерттеу дағдылары мен тәжірибелерін дамытады. 
Жоғары білім беру мектебі өзінің ғылыми журналын электрондық форматта 
әзірлейді. Аймақтағы білім беру реформаларын зерттеуге бағытталған жур-
нал эмпирикалық зерттеулер ұсынады және ғылыми зерттеулерге өздерінің 
алғашқы қадамдарын жасаған магистранттар мен докторанттар үшін тиімді 
зерттеу алаңы ретінде қызмет етеді. Студенттер пікір бере алады немесе өз 
мақалалары мен зерттеулерін пікір білдіруге ұсына алады.
Ғылыми зерттеулерге негізделген оқыту әртүрлі формада
111
бо-
луы мүмкін (16-сурет). Олар мыналарды қамтиды:
• ғылыми зерттеулердің нәтижелері негізінде оқыту мазмұ-
нын ұйымдастыру – студенттер өздерінің пәндік салалары 
бойынша жарияланған ғылыми еңбектерді зерделейді;
• ғылыми зерттеулерге бағдарланған оқыту – студенттер 
зерттеу әдістерін, жолдары мен дағдыларын үйренеді және 
қолданады;
• білім беру және кеңес беру кезінде ғылыми зерттеулерді 
қолдану – студенттер өз курстастарымен және оқытушыла-
рымен зерттеулерді талқылап, бағалай отырып, білім алады;
• ғылыми зерттеулерге негізделген білім беру – студенттер 
белсенді зерттеуші бола отырып, білім алады.
111 
Healey, M. and Jenkins, A. 2009. Developing Undergraduate Research and Inquiry. Higher Education 
Academy, York, UK

Білім беру бағдарламаларын әзірлеу: 
жоғары білім берудің жаһандық мәселелеріне жауаптар
154

жүктеу 1,96 Mb.

Достарыңызбен бөлісу: