Кіріспе
Ақтөбе облысы Шалқар ауданы Айшуақ ауылдық округі Бегімбет селосын одан әрі көркейтіп, дамыту мақсатында 2018 жылға арналған Бегімбет елді мекенін дамыту бағдарламасы жасалды.
Бегімбет селосы аудан орталығынан 105 км қашықтықта орналасқан Айшуақ ауылдық округінің орталығы. Бегімбет селосының негізгі айналысатын кәсібі ауыл шаруашылығы, оның ішінде мал шаруашылығы болып табылады.
Елді мекенді дамытудың кешенді жоспары халықтың экономикалық қызметін, инженерлік және әлеуметтік инфрақұрылымды дамытуға, жаңа жұмыс орындарын ашуға және халықты жұмыспен қамтамасыз етуге бағытталған шараларды іске асыруды көздейді.
Бегімбет ауылының ағымдағы жағдайы
туралы мәлімет.
Айшуақ ауылдық округі 2 елді-мекеннен тұрады (Бегімбет, Есет ауылы), ауыл орталығы – Бегімбет селосы. Округ бойынша 384 отбасында 2060 адам тұрады, оның ішінде Есет ауылында 42 отбасы, 228 адам, Бегімбет селосында 342 отбасы 1832 адам тұрады. Барлық жер көлемі – 766432 га құрайды, ауыл шаруашылығы мақсатындағы жер- 164618 га,жалпы аумағы жөнінен ауданда 4 орын алады.
Бегімбет ауылында 1832 адам тұрады , оның ішінде еңбекке жарамды ауыл тұрғындары саны - 1180, оның ішінде жұмыспен қамтылғандар саны – 1044 адам, оның ішінде өз бетімен шұғылданушылар-124 адам.
Округте қазіргі таңда 2672 бас мүйізді ірі қара, 11023 бас қой-ешкі, 1636 бас жылқы,1326 бас түйе малдары бар.Барлығы 40 шаруа қожалығы мал басын көбейту мақсатында жұмыс жасайды. Ауылдық округте барлығы 61 кәсіпкерлік субьектісі тіркелген.6 азық-түлік дүкені, 2 киім-кешек дүкені, 1 тойхана, 1 дәмхана, 1 шайхана, 2 шаштараз, 1 дәнекерлеу қызметі, 4 монша, 2 жолаушылар тасымалы, 1 жеке сауда жұмыс жасайды.Округте 2 пошта, 361 нүктесі бар сандық АТС жұмыс жасайды. Бегімбет елді мекенінің тұрғындарына қызмет көрсету үшін кең жолақты интернет жүйесі қондырылған.Activ, Beeline ұялы байланыс түрімен қамтылған. Округтегі елді мекендер электр энергиясымен,ал Бегімбет ауылы табиғи газбен, орталықтандырылған су желісімен және кәріз желісімен қамтылған. Бегімбет елді мекенінің кәріз желісін қайта жарақтауға 315,7 млн.теңге бөлініп, қазіргі күні Бегімбет ауылына 12 км кәріз жүйесі тарытылып, жалпы жұмыстың 70%-ы орындалып отыр. Бегімбетте 18 көше , Есет ауылында 1 көше жарықтандырылған
Округте 1 орта, 1 негізгі мектеп және 1 балабақша жұмыс жасайды. Б.Сүлейменов атындағы орта мектепте 294 оқушы бар. 1,2,5,7 сыныптар жаңа мазмұнда оқып жатыр. Округте 1 дәрігерлік амбулатория, 1 медициналық пункт жұмыс жасайды
Әкімшілік ғимаратына, дәрігерлік амбулаториясына,Б.Сүлейменов атындағы орта мектепке күрделі жөндеу жұмыстары жүргізілді.
Ауылда көптен шешілмеген мәселе мәдениет үйінің жоқтығы.2018 жылы ауылда мәдениет үйінің құрылысы салынады. Сонымен бірге жаңадан бала-бақша құрылысы басталады. Ауыл тұрғындарын аудан орталығымен байланыстыратын Бегімбет – Шалқар автожолы сын көтермейтін жағдайда. Ауыл іші автомобиль жолының ұзындығы 12 шақырымды құрайды және толығымен қатты жабындысы жоқ қара жол.
Бегімбет ауылының қазіргі жағдайын қорытындылай келе төмендегідей жағдайлар белгіленеді
мәдени орын (клуб үйі) жоқ;
жаңадан бала- бақша салу
Бегімбет селосының үстінен 2015 жылдан бері «Жезқазған-Шалқар-Бейнеу» темір жолы өтуде. Қазіргі уақытта сол темір жол жанынан автожол салу жұмыстары басталуда. Негізінен Бегімбет ауылы суы мол, жайылымы құнарлы қолайлы жерде орналасқан. Бұл жерде мал санын көбейтіп, ауыл шаруашылығымен айналысуға және қажетті күнделікті көкөніс, бау-бақша егіп табыс табуға мүмкіндік бар.
« Бекітемін» :
Айшуақ ауылдық округі бойынша жергілікті
қоғамдастық төрағасы __________М.Кокашев
19 наурыз 2018 жыл
Ақтөбе облысы Шалқар ауданы Бегімбет селосын кешенді дамытудың
2018 жылға арналған іс-шаралар жоспары
р/с
|
Іс-шара
|
Орындалу мерзімі
|
Орындалуы туралы ақпарат
|
Қаржыландыру көздері
|
Жұмыс орындарының саны
|
1
|
Бегімбет селосынан мәдениет үйін (клуб) салу
|
2018 жыл
|
|
Облыстық бюджет
|
10
|
2
|
Жасыл желек жұмыстарын жүргізу
(285 түп ағаш отырғызу)
|
2018 жыл
|
|
ЖӨБШ
|
|
3
|
Жанұялық демалыс аллеясын салу
|
2018 жыл
|
|
«Туған жерге тағзым» бағдарламасы
|
4
|
4
|
Кәсіпкерлік обьектілерін көбейту
|
2018 жыл
|
|
Жеке кәсіпкер
|
5
|
5
|
Округ бойынша түгендеу жұмыстарын жүргізу
|
2018 жыл
|
|
|
|
6
|
Округтің санитарлық тазалығын реттеп,
елді мекенді көгалдандыру,абаттандыру мақсатында сенбіліктер ұйымдастыру
|
2018 жыл
|
|
ЖӨБШ
|
|
7
|
Елді мекендердің көшелерін жарықтандыру
|
2018 жыл
|
|
ЖӨБШ
|
|
8
|
Б.Сүлейменов атындағы орта мектебіне
күрделі жөндеу жұмыстарын жүргізу
|
2018 жыл
|
|
Аудандық бюджет
|
|
9
|
Бегімбет ауылындағы кәріз жүйесін қайта жарақтау жұмыстарын жалғастыру
|
2018 жыл
|
|
ЖӨБШ
|
|
10
|
Жер пайдаланушылар мен меншік иелері үшін жайылымдарды тиімді пайдалану,
жайылымның тозуын болдырмай, жақсарту шараларын ұйымдастыру
|
2018 жыл
|
|
|
|
11
|
Пайдаланылмаған ауыл шаруашылығы
жерлерін қайтару
|
2018 жыл
|
|
|
|
12
|
Ауыл шаруашылығы жерлерін өрттен,зақымдағыштардан қорғау
|
2018 жыл
|
|
|
|
13
|
Өрт сөндіру пунктін ашу
|
2018 жыл
|
|
Облыстық бюджет
|
|
2018 жылға арналған Айшуақ ауылдық округі бойынша жергілікті қоғамдастықтың дамыту бағдарламасы
Достарыңызбен бөлісу: |
