Батыс Қазақстан облысының білім басқармасы «Өркен» қосымша білім беру орталығы

Облыстық «Тәлімгер мектебі» семинар-тренинг

Мектеп тәлімгерлерінің кәсіби-педагогикалық ұйымдастырушылық деңгейін арттыру, балалармен жұмыстану барысында түрлі факторлар мен көптеген қызмет бағыттарын ескеру туралы түсініктерін қалыптастыру, бірыңғай «Жас Ұлан» балалар мен жасөспірімдер ұйымының қызметіндегі жаңа үрдістермен таныстыру, қатысушылардың шығармашылық белсенділігін, көшбасшылық қабілеттерін дамыту мақсатында 21-24 қыркүйек аралығында Жаңақала, Сырым, Бөрлі аудандары мен Орал қаласында мектеп тәлімгерлеріне арналған аймақтық «Тәлімгер мектебі» семинар-тренингі өткізілді. Шараға 98 тәлімгер қатысты. Семинар аясында іс-тәжірибе алмасу мақсатында тәлімгерлерге арналған оқу-тренингі, «Жас Ұлан» бірыңғай балалар мен жасөспірімдер ұйымы қызметінің негіздерін түсіндіру жұмыстары, ойын технологиялары, іскерлік ойын, старттинейджер, «Жіптік курс» бағдарламасы, шеберлік сыныптары, презентациялық жұмыстар көрсетіліп, білім басқармасының атынан тәлімгерлерге арналған әдістемелік жинақ папкалары берілді. Сондай-ақ, «Жас Ұлан» бірыңғай балалар мен жасөспірімдер ұйымының 5 жылдығына арналған «Самға тілек» акциясы, «Болашақ» флеш-мобтары оздырылып, мектептер саябағында «Жас Ұландар аллеясы» атты көшеттер отырғызу жұмыстары жүргізілді. Қ.Мырзалиев атындағы шығармашылық орталық мұражайына экскурсиялық саяхат жүргізілді.

22-29 қыркүйек аралығында Орал қаласының №1, 46 жалпы орта білім беретін мектептерінің спорт залдарында баскетболдан «Алтын доп»-мектеп лигасының облыстық турнирі өткізілді.