Өсімдік тамырларының топырақтағы кейбір органикалық

Кейінгі жылдардағы зерттеу жұмыстары көрсеткендей өсімдіктердің тамыр жүйелері зат алмасудын ерекше органы болып саналады. А. Л. Курсанов (1957) жапырақтан бастап тамырға дейін фотосинтез процесінде түзілген сахарозалар қозғалып жүруінен дем алу кезеңінің арасында 50 процентке дейін тотықтанып, органикалық қышқылға айналатынын дәлелдеді. Осы процесс араларында, дем алу кезінде органикалық қышқылдардың азотты фиксациялауына (бойына сіңіру арқылы) байланысты группаларының түзілуіне қолайлы жағдай жасалады.

Аммиак тұздарының құрамындағы азоттан амин группасындағы аспарагин және глютаминнің түзілуіне жағдай жасайды. Өсімдіктердің тамыр механизміндегі азоттың пайдаланылуы осындай. Сонымен тамыр жүйелерінің және жапырақтардың дамуы өзара бір-біріне тәуелді әрі байланысты болады.

Өркендердің өсіп-жетілуін дұрыс жүргізу үшін топырақтан қоректі элементтерді пайдалануына жағдай тудырып, жапырақта түзілген углеводтардың тамыр жүйелеріне тасқындап құйылуын реттеу керек. Углеводтар тамыр жүйесінде тотықтанып органнкалық қышқылға айналады. Мұның өзі метал тұздарының иондарымен реакция түзуінің негізін қалайды.