Тақырып 6. MS Access. Деректер қорын құру

Тақырып 6. MS Access. Деректер қорын құру

Жоспар:

1. Деректер қоры

2. Кестелермен жұмыс

Access-ті іске қосу үшін Windows жұмыс үстелі арқылы Іске қосу —> Программалар —> Microsoft Access командасын беру жеткілікті. ДҚ құруға не оны ашуға арналған сұхбаттық терезе көрінеді. Жаңа ДҚ құру үшін "Жаңа ДҚ" жолын шерту керек. Оның "Бума" өрісіне енгізілген тізімнен жаңа ДҚ орналастырылатын буманы таңдау және "Файл аты" өрісіне құрылатын БҚ атауын енгізу керек. Одан әрі "Құру" батырмасы шертілуі тиіс. Экранға ДҚ терезесі шығады (1 сурет).

1 сурет. ДҚ терезесі

Кесте – бұл деректерді сақтауға арналған объект. Әрбір кесте нақты өмірдің қандай да бір объектісі жөнінде ақпараттан тұрады, мысалы фирма клиентері туралы ақпарат. Кесте тақырып жолынан және кесте денесінен тұрады. Тақырып объект атрибуттарының атынан (бағандардан) және олардың қасиеттерінен құралады, мысалы клиенттің тегінен, телефон нөмерінен және мекен – жайынан тұруы мүмкін. Кесте денесі кортеждерден (жолдардан) құрылады, әрбір жол бағандардың бірнеше мәндерін береді, онда объектінің нақты экземпляры туралы деректер сақталынады. Мысалы, клиент жөнінде ақпарат:

Семенов; 75-48-09; г. Рязань, ул. Полевая, 20.

Әрбір кесте үшін бастапқы кілтті анықтауға болады, ол әрбір жолдың, жазбалардың реттелуін қадағалайтын бір немесе бірнеше индекстердің ерекшеліктерін және басқа қасиеттерді қамтамасыз етеді.

Сұраныс – бұл қолданушыға қажетті деректерді бір немесе бірнеше базалық кестелерден және басқа сұраныстардан алуға мүмкіндік беретін объект.

Форма – негізінен деректерді енгізуге, оларды экранда бейнелеуге немесе қосымша жұмысын басқаруға арналған объект. Формалар тапсырушының қажетті деректерді кестелерден және сұраныстардан беру талаптарын жүзеге асыруда қолданылады.

Есеп – бұл басқа бір құжаттың қосымшасына қосылатын немесе баспаға шығарылатын құжатты құруға арналған объект. Есепті баспаға шығармас бұрын оны алдын ала қарап алу керек.

Макростар — макрокомандалар (бірнеше командаларды біріктіріп орындайтын команда). Мысалы, Quit (шығу) - Access- тен шығу, Delete (жою) - макрокомандалар. "Макрос" қондырмасын пайдаланып ашылған терезеге макросты енгізуге болады.

Модульдер — Visual Basic программалау тілінде жазылған ішкі программалар (процедуралар). "Модульдер" қондырмасы осы программалармен жұмыс істеуге арналған.