Бағдарламасы «Педагогика»

1.Жалпы талаптар

2.Пәнді оқудың әдістемелік нұсқауы

3.Курс саясаты

4.Магистрант рейтингісін санау саясаты

5.Пән мазмұны мен сағат санының бөлінуі

6.МОБӨЖ және МӨЖ жоспары

7.« Педагогика» пәнінің оқу процесінің күнтізбелік графигі..

Пәннің қысқаша мазмұны.

«Педагогика» курсының бағдарламасы магистратура бөліміне арналған. Жоғары білім беру педагогикасының ғылыми білімнің дербес саласы ретінде бөлініп шығуы қазіргі заманғы өндірістің барлық саласы үшін мамандар даярлаудың тиімділігін арттыру мен жетілдірудегі жоғары мектептің сұранысынан туындап отыр. Қазіргі таңда жоғары мектеп түлектерін кәсіби даярлау сапасы тек қалыптасқан кәсіби білім мен біліктің жоғары деңгейімен ғана сипатталмайды. Кәсіби және әлеуметтік рөлдерді білікті әрі жауапкершілікпен орындау мүмкіндіктерін анықтайтын тұлғалық фактор,жаңа идеялар, технологиялар мен шешімдер тужырушылық, ғылыми, практикалық қызмет пен білім беру салаларында тиімді қарымқатынас орнатиу қабілеттігі бірінші кезекке шығады. Осыған сәйкес, жоғары білім беру білім алушыларды біліммен, білікпен қаруландыруға ғана емес, сондай-ақ мазмұнды күшін, адамның рефлексияға деген әрекетті қабілеттіліктерін және үздіксіз өз бетінше білім алу мен өз бетінше дамуға қажеттілікті ашуға бағытталлуы тиіс. Осындай мәселелер арасында білім берудің тиімділігін едәуір дәрежеде анықтайтын оқытушылар кадрын даярлау зор маңызға ие. Қазіргі заманғы жағдайда оқытушы ғылыми ақпаратты тасымалдаушы мен жеткізуші ғана емес, сондай-ақ ол студенттердің танымдық қызығушылығын, өзіндік жұмыс мен ғылыми шығармашылығын ұйымдастырушы болып табылады.

Қазіргі уақытта ЖОО-дағы оқу үдерісі өзінің міндеттері, қарқындылығы мен мазмұны бойынша күрделене түсті. Ол оқытушылардан оқу қызметі заңдылықтарын, оқыту, тәрбие беру, жеке тұлға қалыптастырудың қағидалары мен әдістерін терең психологиялық зерделеуді талап етеді.

Жоғары мектеп оқытушысы қызметінің тиімділігін анықтайтын көптеген факторлардың ішінде олардың кәсіби педагогикалық біліктілігі алдыңғы қатарға шығады.

Осы «Педагогика» курсының бағдарламасы (университеттің магистратурасына арналған) жоғары мектепте магистранттар мен аспиранттарды оқытушылық қызметке дайындауға бағдарланған.

Курс мазмұны жоғары мектептегі оқу-тәрбиелеу үдерісін, оқыту мен тәрбиелеудің жаңа технологияларын ізгілендіру мен демократияландырудың қазіргі үрдістерін көрсетеді, педагогикалық қызметтің дара жеке шығармашылық стиліне бағдар береді.