Бағдарламаның мақсаттары, міндеттері, нысаналы индикаторлары және іске асыру нәтижелерінің көрсеткіштері

4. Бағдарламаның мақсаттары, міндеттері, нысаналы индикаторлары және іске асыру нәтижелерінің көрсеткіштері

Бағдарламаның мақсаты – 2023 жылға Қазақстан Республикасының ІЖӨ жалпы көлемінде туризмнің үлесін кем дегенде 8 % деңгейінде қамтамасыз ету

Осы мақсатқа жету үшін 2023 жылы төмендегі нысаналы индикаторларға қол жеткізу керек:

* келуші – шекарадан өткен шетел азаматы

Осы міндетті орындау нәтижелерінің көрсеткіштері:

Осы міндетті орындау нәтижелерінің көрсеткіштері:

Осы міндетті орындау нәтижелерінің көрсеткіштері:

5. 
   Бағдарламаның негізгі мақсаттары, қойылған мақсаттарға қол жеткізу жолдары және сәйкесінше шаралар
   

1. 
   Туристік ресурстарды дамыту
   

Туристік инфрақұрылымды дамытуды қолдауға және жалпы пайдаланылатын инфрақұрылымды салуға мемлекеттік шығындарды алдын ала бағалау 200 млрд. теңгені құрайды.

1. 
   Дестинациялардың дамуын жүйелі жоспарлауды қамтамасыз ету
   

Нысандарға басымдылық берудің негізгі критерийлері:

- туристік магнит ретінде нысанның бірегейлігі;

- туристік ағынның әлеуетті өсуі;

- тарихи-мәдени маңыздылығы.

Басым туристік нысандар Туристтендіру картасын қалыптастырады (2 және 3 қосымшалар), карта осы мемлекеттік бағдарламаның ажырамас бөлігі болып табылады. Мемлекеттік бағдарламаны жүзеге асыру шеңберінде орталық және жергілікті атқарушы органдардың ұсынысымен Туристтендіру картасына нысандарды қосу және шығарып тастау бойынша өзгерістер енгізілуі мүмкін.

Жүйелі жоспарлау үшін басымдылықтарды анықтаудан басқа бейберет дамудан бас тартумен және туристік ресурстарды рационалды басқару бойынша халықаралық тәжірибені ендірумен дестинацияларды дамытудың стратегиялық жоспарларын әзірлеу ұсынылады.

Туристтендіру картасының шеңберінде республикалық деңгейдегі 10 басым туристік нысан (ТОП-10) және өңірлік деңгейдегі 50 нысан анықталған.

ТОП-10 дамуын болжау және оларды жүзеге асыру кезеңділігі, инженерлік-көлік инфрақұрылымына мұқтаждықтар, инвестициялардың қажетті көлемі және қайтарылуы, келесі 10 жылға туристік ағын әлеуетін талдау әзірленген Шебер жоспарларда анықталған.

Туристік инфрақұрылымды жылдамдатылған дамыту үшін Туристтендіру картасының республикалық деңгейдегі ТОП-10 нысандары таңдалды, олар басым туристік аумақтар (БТА) режимінде жұмыс жасайтын болады.

Бұл аумақ бюджет қаражаты есебінен электр энергиясына, жылуға, суға, канализациялық ағындарды шығаруға, қоқысты шығаруға және кәдеге жаратуға (полигон), жағалық сызықтарды бекітуге және т.б. мұқтаждықты қамтамасыз ететін қажетті коммуникациялармен қамтамасыз етілетін болады.

Басым туристік аумақтарды дамыту жергілікті атқарушы органдармен бірлесу, сондай-ақ «KazakhInvest» ҰК мен халықаралық кеңесшілерді тарту арқылы KazakhTourism» ҰК құрған арнайы басқарушы компаниялармен жүзеге асырылатын болады.

Басқарушы компаниялар жер телімдерін резервтеу және үлестіру құқығына ие болады. Ол үшін заңнамаға өзгерістер енгізу бойынша шаралар пысықталатын болады.

Туристтендіру картасының өңірлік деңгейдегі нысандары үшін жергілікті атқарушы органдармен дамудың жол карталары/ шебер жоспарлары әзірленетін болады.

Осылайша, жүйелі жоспарлау көрсеткіші Туристтендіру картасының нысандары н дамытудың шебер жоспарларының және жол карталарының саны болады.

Туристтендіру картасының барлық нысандары бойынша кешенді және жүйелі даму жоспарларын жүзеге асыру бойынша бақылау орнатылатын болады.

ЕҚТА-да тұрақты туризмді дамыту бойынша мақсаттарға қол жеткізу үшін АҚШ-тың, Аустралияның, Грузияняң Ұлттық Парктер агенттіктерінің қызметінде пайдаланылатын МҰТП басқару саласында тимді әлемдік тәжірибені ескеретін келесі шаралар қабылданатын болады.

Олар келесі шаралар:

• 
  туризм инфрақұрылымы мен аумақты зоналау бөлігінде МҰТП дамуының Бас жоспарларын қайта қарау;
  
• 
  МҰТП үшін рекреациялық жүктемені анықтау әдістемесін әзірлеу;
  
• 
  экожүйе қызметтерінің құнын анықтау жүйесін әзірлеу;
  
• 
  «EcoPass» аустралиялық жүйесінің үлгісі бойынша ЕҚТА-да бизнестің жұмысының жүйесін әзірлеу.
  

Сондай-ақ туризм бойнша уәкілетті органның туристік әлеуетті пайдалану және арттыру бөлігінде ҚЖТК/ЕҚТА дамыту мәселелерінде туризм бойынша уәкілетті органның қатысуының құзыреттенін және өкілдіктерін бекітетін нормативтік құқықтық негіз пысықталатын болады.

2. 
   Туризм индустриясының инвестициялық тартымдылығын арттыру
   

1. 
   басым туристік инвестициялық жобалар бойынша инвестициялық артықшылықтар беру;
   
2. 
   жеңілдікпен ұзақ мерзімді несиелендіруді/қаржылық лизингті беру;
   
3. 
   шағын және орта бизнестің жобаларына ішінара кепілдік берумен кредиттер/қаржылық лизинг шарттары бойынша сыйақы мөлшерлемесін субсидиялау;
   
4. 
   нысандардың энерготиімділігін ендіруге пайыздық мөлшерлемелерді субсидиялау (мекен ету, демалу, ойын-сауық орындары, санаторийлер, балалар-жасөспірімдер лагерьлері және т.б.).
   

Жаңа туристік нысандарды құруға қаражат салатын инвесторлар үшін басым туристік аумақтардың инвестициялық тартымдылығын арттыру (орналастыру, ойын-сауық және демалу орындары, аумақты кешенді салу) басым туристік инвестициялық жобалар бойынша инвестициялық артықшылықтар арқылы жүзеге асырылатын болады:

- мемлекеттiк заттай гранттар (жер телімдері);

- нысандарды құру кезінде импортқа қосылған құнға салықтарды және кедендік баждарды салудан босату:

1. 
   нысан құнына енетін тауарларды, жұмыстарды және қызметтерді жеткізушілердің айналымдарының қосылған құнына салықтан босату. (құрылыс құнын және қорландыру мұқтаждығын төмендету);
   
2. 
   Инвестициялық артықшылықтар үшін жобаның минималды құнына қойылатын талаптарды азайту.
   

3. 
   Салықтар бойынша артықшылықтар:
   

жер салығы мөлшерлемелеріне 0 коэффициентін қолдану;

мүлік салығын салық базасына 0 пайыз мөлшерлемесі бойынша есептеу.

4. 
   коммуникациялар және көгалдандыру нысандары не келісім-шарт мерзімінде бірдей сомалармен шығындарды толтыру арқылы берілетін инвестициялық субсидия.
   
5. 
   шетелдiк жұмыс күшiн және біліктілігі жоқ жұмыс күшін тартуға арналған квота ұсыну.
   

жоба басым туристік аумағында жүзеге асырылуы тиіс;

жобаның құны 200 мың АЕК аз болмауы тиіс;

жоба бизнесті туристік қызметтің басым түрлері бойынша құруды қарастыруы тиіс (14 ЭҚЖЖ + санаторийлік-курорттық қызмет).

Инвестициялық артықшылықтарды ұсыну инвестор мен ҚР ИДМ Инвестициялар комитеті арасында жасалатын келісім-шарттың негізінде жүзеге асырылатын болады.
Жеңілдікпен ұзақ мерзімді несиелендіру/қаржылық лизингті беру

Осы шара шеңберінде 10 жыл ішінде пайыздық мөлшерлемені субсидиялау және нысандарды құру кезеңіне ішінара кепілдік беру мүмкіндігімен 20 жылға дейін ұзақ мерзімді кредиттерді және қаржылық лизингті беру қарастырылады.

Жеңілдікпен ұзақ мерзімді несиелендіру орналастыру орындары, ойын-сауық және демалу орындары, санаторийлік-курорттық белгіленуге ие нысандар, арқан жолдары, Туристтендіру картасының нысандары нде, оның ішінде Бағдарламаның 4-қосымшасында көрсетілген қызметтің басым түрлері бойынша Басым туристік аумақтарда туристік көлік бойынша жаңа жобаларды іске асыруға, қолданыстағы нысандарды жаңғыртуға және кеңейтуге бағытталған инвестициялық жобалар бойынша беріледі.

Ұзақ мерзімді несиелендіруді қамтамасыз ету үшін «Бәйтерек» ҰБХ» АҚ банктерде және лизингтік компанияларды кейін орналастырумен БЖЗҚ қаражаты есебінен жүзеге асырылатын болады.

Қарыз алушы үшін номиналды сыйақы мөлшерлемесі Қазақстан Республикасының Ұлттық Банкі белгілеген базалық сыйақы мөлшерлемесінен 5 (бес) пайыздық тармаққа асатын болады. Оның номиналды мөлшерлемесінің 50%-ын республикалық бюджет субсидиялайтын болады.

Сыйақы мөлшерлемесін субсидиялау тәртібі, жобалардың критерийлері, қарыз алушыларға қойылатын талаптар Қазақстан Республикасы Үкіметінің қаулысымен бекітілетін Бағдарлама шеңберінде Сыйақы мөлшерлемесінің бір бөлігін субсидиялау қағидаларымен регламенттеледі.

Ішінара кепілдік беру тәртібі Қазақстан Республикасы Үкіметінің қаулысымен бекітілетін Бағдарлама шеңберінде Кепілдік беру қағидаларымен регламенттеледі.

Осы шара шеңберінде Бағдарламаның 4-қосымшасында көрсетілген қызметтің басым түрлері бойынша тиімді инвестициялық жаңа жобаларды, сондай-ақ шағын және орта бизнес субъектілерінің өндірісін жаңғыртуға және кеңейтуге бағытталған жобаларды іске асыру үшін берілетін жаңа кредиттер/қаржылық лизинг шарттары бойынша сыйақы мөлшерлемесін субсидиялау қарастырылады.

Сыйақы мөлшерлемесінің бір бөлігін субсидиялау жүзеге асырылатын кредиттің/қаржылық лизинг шартының сомасы бір кәсіпкер үшін 360 млн. теңгеден аспауы тиіс.

Кредиттер/қаржылық лизинг шарттары бойынша субсидиялау мерзімі субсидиялау мерзімін ұзарту құқығынсыз 7 (жеті) жылды құрайды.

Қарыз алушы үшін номиналды сыйақы мөлшерлемесі Қазақстан Республикасының Ұлттық Банкі белгілеген базалық сыйақы мөлшерлемесінен 5 (бес) пайыздық тармаққа асатын болады. Оның номиналды мөлшерлемесінің 50 %-ын жергілікті бюджет субсидиялайтын болады.

Шағын және орта бизнес субъектілері үшін кредиттер/банктердің қаржы слизингі шарттары/лизингтік компаниялар бойынша сыйақы мөлшерлемесін субсидиялау тәртібі Қазақстан Республикасы Үкіметінің қаулысымен бекітілетін Бағдарлама шеңберінде ШОБ үшін сыйақы мөлшерлемесінің бір бөлігін субсидиялау қағидаларымен регламенттеледі.

Өңірлерде этно-, агротуризмді дамыту және ауыл халқын нәтижелі жұмыспен қамтуға тарту үшін пайыздық мөлшерлемені субсидиялаудан басқа ауылдық жерлерде қонақ үйлері көрсететін қызметтерді ұйымдастыру, жаңарту және кеңейту бойынша кредит сомасына ішінара кепілдік берілетін болады. Осы жобалар бойынша кредиттің сомасы бір кәсіпкер үшін 10 млн. теңгеден аспауы тиіс. Осындай кредиттер үшін:

1) қаражат кем дегенде 4 керует-орын ұсынумен қонақ үйін ашу үшін жайды қайта жабдықтауға пайдаланылуы мүмкін (тұрғын жайларды күрделі жөндеу, жиһаз, интерьер заттарын, санитарлық тораптарды сатып алу);

2) мәлімдеуші қонақ үйі бизнесінің ерекшелігін ескерумен кәсіпкерлік негіздерін оқытудан өтуі тиіс;

3) 3 жыл ішінде сәйкесінше сапалы керует-орындардың мәлімделген санының болуын қамтамасыз етуі тиіс;

4) кепілдік көлемі кредиттің сомасынан 80 %-дан аспауы тиіс;

5) ұсынылатын кепілдік мерзімі – кредит мерзімінен аспайды.

Қаражатты пайдалану тиімділігі мен қонақ үйлеріне туристтердің келуін қамтамасыз ету мақсаттарында туроператорлармен байланыс қамтамасыз етілетін болады, туроператорлар орналастыру орындарының болуын ескерумен сәйкесінше турөнімдерді ұйымдастыра алады.

Ауылдық жерлерде қонақ үйлері бойынша банктердің кредиттері бойынша ішінара кепілдік беруді қаржыландыру республикалық бюджет қаражаты есебінен жүзеге асырылатын болады.

Қолөнершілікті дамыту

Қолөнершілікті дамытуды қолдау үшін қолөнершілік өндірісін құру, жаңарту және кеңейту, оның ішінде шикізат сатып алу жобаларына кредиттің барлық сомасына кепілдік ұсынылатын болады.

Осы жобалар бойынша кредит сомасы бір қолөнерші үшін 3 млн. теңгеден аспауы тиіс. Осындай кредиттер үшін:

1) қаражат жабдықты және шикізатты сатып алуға пайдаланылуы мүмкін;

2) мәлімдеуші кәсіпкерлік негіздерін оқытудан өтуі тиіс;

3) кепілдік көлемі кредиттің сомасынан 100 %-ды құрайды;

4) ұсынылатын кепілдік мерзімі – кредит мерзімінен аспайды.

Қолөнершілікті дамытуды қолдау шаралары қолөнерші ресми мәртебесі бар және кәсіпкерлік негіздерін оқыту бағдарламалары бойынша оқытудан өткен субъектілерге ғана ұсынылатын болады.

Қолөнершілер бойынша банк кредиттері бойынша ішінара кепілдік беруді қаржыландыру республикалық бюджет қаражаты есебінен жүзеге асырылатын болады.

Қолөнершілердің өнімін өткізуді ұйымдастыру үшін Туристтендіру карталары нысандары нде жергілікті атқарушы органдар тұрақты сату орындарын ұйымдастыруы, ал облыс орталықтарында жәрмеңкелер мен көрмелер өткізуі тиіс болады.

ШОБ үшін, оның ішінде қонақ үйлері мен қолөнершілер бойынша ішінара кепілдік беру тәртібі Қазақстан Республикасы Үкіметінің қаулысымен беакітілген Бағдарлама шеңберінде Кепілдік беру қағидаларымен регламенттелетін болады.
Туризм нысандары нің энерготиімділігін ендіруге кредиттердің пайыздық мөлшерлемелерін субсидиялау

Энерготиімділікті арттыру және электрэнергиясына және жылытуға кететін шығындарды төмендету мақсаттарында нысандардың (орналастыру, демалу, ойын-сауық ойындарының, санаторийлердің, балалар-жасөспірімдер лагерінің және т.б.) энерготиімділігін ендіруді қаржыландыру бойынша халықаралық даму институттарын (БҰҰДБ) қатыстырумен пайыздық мөлшерлемелерді субсидиялау ендірілетін болады.

2. 
   Туристік дестинациялардың және нысандардың көліктік қолжетімділігін қамтамасыз ету
   

Көліктік қолжетімділікті арттыру автомобиль жолдарын салу және қайта салу, Қазақстанның туристтендіру картасына сәйкес жол маңындағы сервисті, Мемлекеттік шекарада өткізу пунктерінің инфрақұрылымын, автовокзалдарды және автобекеттерді, теміржол вокзалдарын және станцияларын, сондай-ақ әуежайларды дамыту арқылы, сондай-ақ әвиатасымалдаулардың, автомобильді және теміржол тасымалдауларының қолжетімділігін арттыру арқылы қамтамасыз етілетін болады.

Әуежайлардың инфрақұрылымын дамыту үшін әуежайлардың ұшу-қону жолақтарын (ҰҚЖ), терминалдарын және материалдық-техникалық инфрақұрылымын қайта құру бойынша жұмыс атқарылатын болады.

Сервистің сапасын арттыру үшін әуежайлардың персоналының құзыреттілігінің және біліктілігінің деңгейі жетілдірілетін болады.

Әуежайлардың инфрақұрылымын одан әрі дамыту:

1. 
   әуежайлардың техникалық жарақталуын жаңарту және мамандандырылған жабдығын жаңарту;
   
2. 
   жолаушылардың жайлы орналасуының деңгейін арттыру (ішкі инфрақұрылымды дамыту, ұсынылатын қосымша қызметтер спектрін ұлғайту, рейстерді күту залдарында қосымша жолаушылар орындықтарын орналастыру, жүк арбаларымен, балаларға арналған бөлмелермен қамтамасыз ету және т.б.);
   
3. 
   жолаушылардың тексеруден өту уақытын, сондай-ақ кедендік және шекара процедураларын және жүк күту уақытын қысқарту;
   
4. 
   тіркеу орындарында және тексеру қызметтерінде жолаушыларға қызмет көрсететін әуежай қызметкерлерінің біліктілігін арттыру;
   
5. 
   автокөлік инфрақұрылымын дамыту (маршрутты такси, қала мен әуежай арасында қатынайтын автобустар);
   
6. 
   ҚХР азаматтары үшін 72 сағаттық визасыз режимді жүзеге асыру үшін Алматы және Астана қалаларының халықаралық әуежайларында маңдайша жазулардың, ақпараттық таблоның және басқа ақпараттың қытай тілінде болуын, сондай-ақ ҚХР азаматтарына ыңғайлы болу үшін қытай тілін меңгерген мамандардың болуын қамтамасыз ету арқылы жүзеге асырылатын болады.
   

Сонымен бірге Қазақстанды басқа дестинациялармен қосатын авиамаршруттар желісін одан әрі дамыту үшін жаңа авиарейстерді ашу мәселесі бойынша шетел мемлекеттерінің авиация билік өкілдерімен келіссөздер тұрақты түрде жүргізілетін болады.

• 
  авиамаршруттарды ТОП-10 нысандары не субсидиялау;
  
• 
  жүк тасымалдауды қарастырмайтын тариф бойынша билеттерді сатуға заңнамалық шектеулерді алып тастау.
  

1) өңірлік авиажелілердің ауа кемелері паркін жаңарту;

2) жергілікті аэродромдарды салуды тиісті қаржыландыруды қамтамасыз ету;

3) жергілікті бюджет қаражаты есебінен жергілікті аэродромдарды салуды қаржыландыру және пайдалану шығындарын өтеу бойынша жергілікті атқарушы органның құзыретін анықтау;

4) жылдық жолаушылар ағыны 50 000 адамнан аспайтын өңірлік әуежайларды субсидиялауды қамтамасыз ету;

5) өңірлік ауа желілерінің ТОП-10 туристік дестинацияларға ұшуларын субсидиялауды қамтамасыз ету;

6) авиакеросин бағасының:

• 
  авиациялық керосин бағасын мемлекеттік реттеуді ендіру;
  
• 
  мұқтаждықты қанағаттандыру мақсаттарында ҚР аумағында Jet A-1 авиаотынын өндіруге және пайдалануға ауысу мәселесін пысықтау;
  
• 
  авиакеросинді сатып алуға авиакомпаниялардың шығындарын субсидиялау арқылы төмендеуін қамтамасыз ету бойынша шаралар ұсынылатын болады.
  

Туристік дестинацияларға апаратын автожолдардың сапасын арттыру үшін республикалық және жергілікті жолды, оның ішінде Туристтендіру картасының нысандары не «соңғы миля» автожолын салуға және қайта салуға бақылау жасалатын болады.

Сондай-ақ Туристтендіру картасының ТОП-10 нысандары не автожол салу графиктері мен бюджеті неғұрлым ерте мерзімге тасымалданатын болады, оның ішінде:

• 
  «Талдықорған-Үшарал-Таскелен-Ұржар» 2023 жылдан 200 жылға;
  
• 
  «Өскемен- Ұржар» 2023 жылдан 200 жылға;
  
• 
  «РФ-мен шекара-Семей» учаскесі;
  
• 
  Шекарадан өту жерлері (М38 Омск-Майқапшағай, А11 РФ шек.-Семей).
  

1. 
   ҚР Мемлекеттік шекарасы арқылы өткізу пунктерін дамыту саласында мемлекеттік саясатты жүргізу және жүзеге асыру үшін жауапты жеке құрылымдық бөлімшені Мемлекеттік ҚР Инвестициялар және даму министрлігінің құрамынан бөлу/анықтау;
   
2. 
   «ҚазАвтоЖол» ҰК» АҚ тұлғасында автомобильдерді өткізу пунктерін салу, жаңарту және қызмет көрсету бойынша бірыңғай оператор анықтау, оператор өткізу пунктері бойынша жұмысын жүйелендіру үшін мыналарды атқарды:
   

- нысандар тізбесін, қажетті жұмыстар көлемін және іс-шараларды жүзеге асыру мерзімдерін анықтаумен әрбір шекаралас облыс үшін өткізу пунктерін жаңарту бойынша жол карталары әзірленді;

- өткізу пунктерінің инфрақұрылымын және жолаушылар терминалдарын салу және қайта салу бойынша жұмыс жасалды, оның ішінде мемлекеттік- жекешелік әріптестік механизмдері қолданылды;

3) Туристік жолаушылар көлігін бірінші кезекте бақылау және өткізу бөлігінде Ресеймен, Қырғызстанмен, Өзбекстанмен және Тәжікстанмен халықаралық автомобиль тасымалдаулары туралы екіжақты үкіметаралық келісімдерге өзгерістер енгізілді;

4) «Туристік жолаушылар көлігі» ұғымы заң жүзінде бекітілді;

5) «Туристік жолаушылар көлігін бірінші кезекте бақылау және өткізу туралы» ҚР ҮҚ-на өзгерістер енгізілді.

Автомобиль көлігі мен тасымалдаулар инфрақұрылымын дамыту үшін автовокзалдарды және автостанцияларды салу және қайта салу бойынша жұмыс жалғастырылатын болады.

Халықаралық және ішкі автотасымалдаулардың маршруттарын ұлғайту облыстардың, Астана және Алматы қалаларының әкімдіктеріне жолаушылар мен жүкті жүйелі автомобильді тасымалдауларға залалдарды ҚР заңнамасына сәйкес толық жабу арқылы ішкі автотасымалдауларды субсидиялауға республикалық бюджеттен нысаналы трансферттер бөлу арқылы жүзеге асырылатын болады.

Автокөлік құралдары паркін жаңарту мақсаттарында туристік автобустарды лизингке сатып алу механизмі ендірілетін болады, кейін автобустар туроператорларға жалға беріледі.

Сондай-ақ жеңілдікті лизингтік қаржыландыруды ұсыну бойынша жұмыс жалғастырылатын болады – ол үшін автобустарды сатып алу үшін 20192023 жылдар ішінде 70 млрд. теңге бөлуді қарастыру керек, бұл да автобустардың отандық өндірушілеріне нақты қолдау көрсететін болады.

Өз кезегінде, жергілікті атқарушы органдардың тарапынан тиісті субсидиялау қамтамасыз етілген кезде шеткі қаржыландыруды тарту есебінен автопарктердің өздерімен қосымша жаңартылу күтілуде.

Аталған шараларды жүзеге асыру үшін автобустарды сатып алу бойынша жергілікті атқарушы органдардың және (немесе) квази-мемлекеттік кәсіпорындардың («Kazakh Tourism» ҰК» АҚ) жанында бірыңғай операторды анықтау қажет. Қаржыландырудың осы бағдарламасы бойынша тұтынушылар ретінде тасымалдаушылар мен туристік операторлар болады.

Қалаларда туризмді дамыту мақсаттарында туристік автобустардың «Bus Line» арнайы бөлінген қозғалыс жолақтары бойымен өтуін қарастыру керек. Сондай-ақ туристтер көп келетін нысандарда туристік көліктің тұрақтарының орындарын қарастыру керек.

Балалар-жасөспірімдер туризмі үшін автокөлік құралдарын жалға алуды субсидиялау немесе өңірлердегі туристік-ақпараттық орталықтарға автокөлік құралдарын орталықтандырылған сатып алу мәселесін қарастыру керек;

Одан басқа, жазғы демалыстар кезінде мектеп автобустарын пайдалану керек. Ол үшін жергілікті атқарушы органдарға білім беру нысандары мен туристік-ақпараттық орталықтардың өзара әрекеттесуінің айқын механизмін (тәртібін) әзірлеу қажет.

Теміржол көлігі және тасымалдаулар инфрақұрылымын дамыту үшін мынадай шаралар жүзеге асырылатын болады:

• 
  теміржол вокзалдарын және станцияларын салу және ТОП-10 қайта құру жұмыстарын жалғастыру;
  
• 
  жаз маусымында ішкі және халықаралық маршруттарға қосымша пойыздар бөлу, оның ішінде оларды қосымша субсидиялау;
  
• 
  150 жолаушылар вагондарын (купе) сатып алу арқылы жолаушылар ағыны жоғары маусымда жолаушылар вагондарын жылжымалы құраммен қамтамасыз ету, оның ішінде пайыздық мөлшерлемені субсидиялаумен және бюджет қаражаты есебінен қорландырумен лизинг механизмін пайдаланумен сатып алу.
  

3. 
   Туристік өнімдердің және қызметтердің сапасын және қолжетімділігін арттыру
   

1. 
   Туризмнің басым бағыттары бойынша туристік өнімдерді және қызметтерді қалыптастыру
   

Агротуризм (ауыл шаруашылығы туризмі) саласында мынадай шаралар қабылданатын болады:

1) агротуристік қызметтің түсініктеме аппаратын, оның ішінде ауыл шаруашылығы туризмі («агротуризм») түсінігін енгізу;

2) «агротуризмді» (ауыл шаруашылығы туризмін) танымал ету және насихаттау;

3) ауылдық жерлерде агротуристік нысандарды: қонақ үйлерін, «агротуристік ауылдар», «балықшылар және аңшылық ауылы» бойынша стильденген нысанда мамандандырылған жеке мейманханаларды дамыту.
Аңшылық-олжалық туризм

Аңшылық туризмі бағыты бойынша дамыту бірінші кезекте олжалық аңшылық арқылы қарастырылады. Аңшылық туризм саласында мынадай шаралар қабылданатын болады:

1) Қазақстанның Қызыл кітабынан жекелеген жануарлар аталығын атуға рұқсат беру саясатын қайта қарау;

2) аңшылық туризмін және аңшылық шаруашылықтардың қызметін реттеуді жетілдіруге бағытталған мәселелер, оның ішінде аңшылық шаруашылықтарының жерінің мәртебесі мәселелері пысықталды және заңнамалық және нормативтік құқықтық актілерге өзгерістер мен толықтырулар енгізілді.

3) жабайы жойылып бара жатқан және сирек кездесетін жануарлар түрлерін, келуші аңшылардың келу және аңшылық ету режимін жасанды көтермелеуге жағдайлар жасалды;

4) рұқсаттарды беруді жеңілдету және мерзімдерін қысқарту мақсатында жануарлардың сирек кездесетін және құрып кету қаупі төнген түрлерін, олардың бөліктерін немесе туындыларын алу туралы шешімдер қабылдау бойынша құзыретін Үкіметтен жануарлар дүниесін қорғау, өсімін молайту және пайдалану саласындағы уәкілетті органға беру;

5) жекелеген сирек кездесетін жануарларға халықаралық аукцион ұйымдастыру жүйесін құру. Лицензияларды сатудан түскен қаражат сирек кездесетін жануарлардың санын қалпына келтіру жұмысына, оның ішінде арнайы табиғатты қорғау бөлімшелерін заманауи техникамен және көлікпен жарақтауға жұмсалды.

Аңшылық және балық аулау туризмін танымал ету саласында:

1) шетелдіктерді тарта отырып, "Facebook" немесе басқа да танымал интернет-ресурстар арқылы экстрим демалысын жақсы көретіндер үшін (аңшылық, балық аулау) диалогтік алаң құрылады;

2) Қазақстан Республикасында биологиялық әртүрлілігі мен аң аулау шаруашылығы туралы деректі фильмдер топтамасын жасалады және оларды орталық отандық телеарналарда көрсетіледі, сондай-ақ танымал шетел арналарында (National Geograpic, ВВС және т.б.) трансляцияланады.

Тұрақты және экологиялық туризмді қолдау мақсатында келесі шаралар көзделген:

1) халықаралық тәжірибені есепке ала отырып, Қазақстан Республикасының Үкіметі үшін Жол картасын және Қазақстандағы экологиялық туризмді дамыту тиімділігінің көрсеткіштерін әзірлеуге ұсынымдар беретін БҰҰДБ (UNDP) қатысуымен жүйелік талдау жүргізу;

2) экологиялық туризмдi дамыту жөнiндегi Қазақстан Республикасының ұлттық заңнамасына қажеттi өзгерiстер енгiзу;

3) Тұрақты және экологиялық туризмді дамыту бойынша әкімдіктер мен ТОП-10-дағы бизнес үшін БҰҰДБ семинарларын және тренингтерін өткізу;

4) БҰҰДБ-ның ТОП-10 экологиялық туризм тиімділігінің көрсеткіштерін талдау бойынша талдауы.

1. 
   Анализ UNDP по исполнению показателей эффективности экологического туризма в ТОП-10.
   

Кемпинг туризмін және автокаравандарды дамыту үшін келесі іс-шаралар жүзеге асырылады:

1) дамыған елдердің халықаралық стандарттардың негізінде санатына байланысты кемпингтерді жобалау және қызмет стандарттарын (ұсынылатын қызметтердің тізімі және қызмет көрсету деңгейі) әзірлеу әзірлеу;

2) жол бойындағы қызмет көрсету объектілерінде автокараванерлер үшін қажетті коммуникациялардың болу бөлігінде орындарында керуендерге (су құю, ағынды суларды ағызуға, электр қуатын зарядтау пункттері) жол бойындағы сервисті дамыту бойынша ұлттық стандартқа толықтырулар енгізу;

3) ең танымал автожол маршруттары бойынша, олардың ішінде мемлекеттік-жекешелік әріптестік механизмдерін пайдалану арқылы кемпингтер, трейлерлер парктері, глампингтер, этноауылдар желісін құруға жәрдемдесу;

4) Қазақстан өңірлерінде туристік көлікті (автокөліктер, туристік тіркемелер) жалға беруді және сатуды, сондай-ақ туристік көліктерге (автокөлік үйлері, туристік туристік тіркемелер) қызмет көрсететін кемпингтер әкімшіліктерін, мамандарын даярлауды ұйымдастыру кезінде қолдау көрсету,;

5) Қазақстанның танымал автожолдарын (бренд автотурлар) Қазақстанның туристік өнімін шетелде ілгерілету бойынша стратегиялық жоспарға қосу;
Балалар-жасөспірімдер туризмін дамыту
Балалар-жасөспірімдер туризмін ынталандыру мақсаттарында келесі шараларды жүзеге асыру қарастырылады:

1. 
   Жетекшілік ететін ҚР Премьер-Министрі қарамағындағы Балалар-жасөспірімдер туризмін дамыту мәселелерә бойынша үйлестіру кеңесін құру;
   

a) бизнес/ЖАО есебінен БЖТ нысандары н күрделі жөндеу;

b) РБ қаражаты есебінен қажетті жабдықты сатып алуға шығындарды субсидиялау

c) ұлттық сәйкестікті қалыптастыруға бағытталған жобаларды іске қосу (отансүйгіштік, отанға деген махаббат, туған өлкені танып білу, табиғатты аялау және т.б.);

d) демалыс кезінде балалардың белсенді демалысын ұйымдастыру;

e) ішкі және кіру балалар-жасөспірімдер турларын ұйымдастыру және жылжыту арқылы БЖТ танымал ету және дамыту.

f) жасөспірімдер және жастар ортасында бос уақытты ұйымдастыру, жағымсыз құбылыстарды алдын-алу үшін ЖОО-да және ООО-да студенттік, жастар клубтарын ашу.
Медициналық және санаторийлік-курорттық туризм

Медициналық туризмді дамыту мақсаттарында келесі шаралар жүзеге асырылатын болады:

1. 
   медициналық турөнімдерді қалыптастыру (клиникалардың менеджерлерін турөнімдерді қалыптастыру ережелеріне, турөнімдердің құраушыларын түсінуге оқыту);
   
2. 
   қалыптастырылған медициналық турөнімдер бойынша баға құру тәртібін анықтау;
   
3. 
   медициналық ұйымдардың және санаторийлердің туроператорлармен ынтымақтастық жасаудың тәртібін анықтау және дамыту;
   
4. 
   корпоративтік секторды және бизнес-құрылымдарды сауықтыру туризмін дамытуға тарту, оның ішінде мемлекеттік-жекешелік әріптестік механизмдерін қолдану;
   
5. 
   медициналық ұйымдарда сервисті және менеджментті дамыту;
   
6. 
   сервис стандарттарын ендіру, медициналық қызметтер және процедуралар стандарттарында «сервис қабықшасын» қалыптастыру, оқыту, тәжірибемен алмасу, медициналық туризмнің үздік шетел сарапшыларын тарту;
   
7. 
   «Халық денсаулығы және денсаулық сақтау жүйесі туралы кодекске», туристік қызмет туралы заңға өзгерістер енгізу;
   
8. 
   Қазақстанның бәсекеге қабілетті медициналық турөнімдер тізбесін анықтаумен маркетингтік талдау жасау;
   
9. 
   бәсекелік артықшылықтардың негізінде маркетингтік стратегия әзірлеу;
   
10. 
    Қазақстанның медициналық қызметтерін шетел нарығында жылжыту.
    

2. 
   Туризм индустриясында адам ресурстарын дамыту
   

Туристік саланың кадрларын даярлау жүйесін жетілдіру шеңберінде келесі шаралар жүзеге асырылатын болады:

1. 
   ЮНВТО TEDQUAL, FIBBA және т.б. стандарт бойынша туризм мамандарын даярлайтын отандық жоо-ын аккредиттеу;
   
2. 
   «Туризм» мамандығы бойынша магистратураға және PhD білім беру гранттарының санын көбейту;
   
3. 
   міндетті тар мамандануды ендіру (мейманхана менеджменті, дестинацияны басқару, ұлттық парктерді басқару, оқиғалық менеджмент және т.б.);
   
4. 
   халықаралық сарапшыларды тартумен туризм бойынша оқу бағдарламаларын дайындау бойынша әдістемелік нұсқаулар әзірлеу;
   
5. 
   туризм бағдарламалары (бакалавр, магистратура, PhD) бойынша оқытуды толығымен ағылшын тіліне ауыстыру;
   
6. 
   халықаралық деңгейде мойындалған авторлардың ағылышн тіліндегі оқулықтарымен қамтамасыз ету;
   
7. 
   оқыту үшін туризм және қонақжайлылық бойынша жалпыәлемдік пәндерді ендіру (дестинациялық менеджмент және маркетинг, Food and Beverage management және т.б. сияқты) және бағдарламадан туризмология, туризм инфрақұрылымы және т.б. сияқты пәндерді алып тастау;
   
8. 
   университеттерде бизнес кеңестер құру, олардың отырыстарында пәндердің силлабустары бизнес және өкілеті тараптардың өкілдерімен талқыланатын болады;
   
9. 
   ЖОО-да студенттер үшін бизнес өкілдерінен, кәсіпкерлерден, мемлекеттік органдардан туризм тақырыптары бойынша апта сайын қонақ дәрістерін өткізу;
   
10. 
    ҚР ЖОО үшін туризм бойынша батыс елдерінің дипломдары бар PhD докторларын және туризмде білім беру бойынша шетел менеджерлерін тартуға және еңбекақыларын төлеуге шығындардың 50 пайызын республикалық бюджеттен өтеу;
    
11. 
    ЖОО-ның кадрлық құрамының кем дегенде 20 пайызын туристік бизнес өкілдерімен қамтамасыз ету;
    
12. 
    ЖОО-ның туризм бағдарламаларының алмасу бағдарламаларына, Erasmus, Mevlana бірлескен жобаларына және т.б. қатысуын ұлғайту;
    
13. 
    батыс ЖОО-мен бірге екі дипломдық жобаларды ендіру;
    
14. 
    оқыту үшін шетел ЖОО-ның бітірушілерін тарту (оның ішінде Болашақ, Тюркие Бурслары және т.б.);
    
15. 
    ғылыми зерттеулер жасау және санаторийлік-курорттық сала мамандарын даярлау, санаторийлік-курорттық емдеуді және оңалтуды ұйымдастыру алгоритмдерін, хаттамаларын және тәртібін қалыптастыру;
    

Сондай-ақ туристік сала үшін кадрлық әлеуетті дамыту үшін Астана әлемдік университеттердің негізінде Халықаралық туризм және қонақжайлылық университеті ашылатын болады. Бұл университет туризм мен қонақжайлылықтың халықаралық мектептерінің үлгісі бойынша туристік кәсіптердің мамандарын даярлау бойынша алғашқы Орталық азиялық бейінді оқу орны болады.

Туристік саланың кадрларының құзыретін келесілер арқылы арттыру ұсынылады:

1. 
   жаңа білім мен дағдыларға үйрету мақсаттарында гидртер, экскурсия жетекшілері, қонақ үй бизнесінің жұмыскерлері және т.б. үшін семинарлар және шебер сағаттарын өткізу;
   
2. 
   туризм индустриясы үшін менторларды тарту үшін БЖК-2020 шеңберінде квоталарды ұлғайту («Аға сеньорлар» бағдарламасы);
   
3. 
   гидтер үшін міндетті сертификаттауды енгізу;
   
4. 
   «Болашақ» бағдарламасы бойынша машықтанулар бағдарламасына туризм мамандарын қосу.
   

Бұл орталықты іске қосу туристік қызметтерді ұсынуда сапа мен кәсіпқойлықтың жоғарылау деңгейіне қол жеткізуге мүмкіндік береді, жергілікті және халықаралық туристтермен алынатын туристік тәжірибені жақсартуға тікелей әсер етеді.

Сондай-ақ Орталық туристік индустрияның әр-түрлі ерекше салалары бойынша білім алуды ұсынады, олар:

• ақпараттық-коммуникациялық технологиялар (басқару үшін бағдарламалық қамтамасыз ету, әлеуметтік желілер, сайтты брендтеу, сандық жүйеге көшіру және т.б.);

• инновацияларды басқару;

• шетел тілдері курстары;

• қызметтерді тұрақты ұсыну үлгісі;

• шетел келушілерінің мәдениеті (мұқтаждықтары, қызығушылықтары);

• туризмнің түрлерін ескерумен басқа ерекше мұқтаждықтар (гастрономиялық, мәдени, экстремалды туризм және т. б.)

Оқытудың екі түрі қысқа мерзімді және ұзақ мерзімді келешекте қарастырылуы мүмкін:

1. 
   1 айдан 3 айға дейінгі мерзімде қысқа мерзімді келешекте нақты ерекше курстарда оқыту;
   
2. 
   1 жылдан аспайтын жалпылайтын курстарда оқыту.
   

Орталық сондай-ақ келесі бағыттар бойынша кадрларды оқытуды жүзеге асыруы мүмкін:

– өндірістік тәжірибе;

– кадрларды өндіріс алдында даярлау;

– персоналды аттестаттаудың алдында даярлау;

– білім беру мекемелерінің қызметкерлерін тартумен оқыту;

– туристік кластердің дамуының басым бағыттарындағы сарапшыларды тартумен оқыту.

Құзыреттер орталығын құру мыналарға қол жеткізуге мүмкіндік береді:

- туризм саласында білім беру сапасының жақсаруына әсер етуге;

- кадрларға мұқтаждықты анықтау және кадрлық жоспарлауға;

- туризм саласында стандарттарды және мамандарға қойылатын біліктілік талаптарын әзірлеуге көмек көрсетуге;

- орта кәсіби және дипломнан кейінгі білім беру жүйесінде туризмнің ең талап етілген және перспективалы бағыттары бойынша білім беру бағдарламаларын әзірлеуге және ендіруге;

- жаттықтырушылар-оқытушылар құрамын даярлауды қамтамасыз етуге;

- туризмде және туризммен жанама салаларда мамандарды даярлауды қамтамасыз етуге;

- инновациялық технологиялар трансфертін және ендірілуін қостауға.

3. 
   Туристік өнімдер мен қызметтердің сапасын арттыру
   

Туристік өнімдер мен қызметтердің қолжетімділігі мен қызмет көрсету сапасын арттыру мақсатында келесілер бойынша шаралар қабылданады:

• 
  туризм саласындағы мемлекеттік стандарттарды халықаралық деңгейге дейін өзекті қылу бойынша, атап айтқанда Мемлекеттік стандарт ҚР МС 28681.4-95 «Туристік-экскурсиялық қызмет көрсету. Қонақүйлер сыныптамасы», Ұлтаралық стандарт «Туристік қызметтер. Қонақүйлер және туристерді орналастырудың басқа орындары. Қызметтер нарығының ағымдағы талаптарына сәйкес терминдер мен анықтамалар»;
  
• 
  Алматы өңірінде (Алматы қ. және Алматы облысы) сынамалы режимде туристік қызметтер сапасын ерікті бағалау жүйесін Q испандық жүйе негізінде енгізу бойынша;
  
• 
  заңнамаға санаттарды алу бойынша орналастыру орындарына қойылатын талаптарға қатысты өзгерістер мен толықтырулар енгізу арқылы орналастыру орындардың міндетті санаттылық (жұлдыздық) жүйесін енгізу бойынша.
  

      1) кіші және орта кәсіпкерліктің топ-менеджментін оқыту;

      2) басқарудың жаңа әдістерін енгізу, өндіріс технологиялары, жабдықтар және персоналдарды (аға сеньорларды) оқыту сұрақтары бойынша жоғары білікті шетел мамандарын тарту


Топ-менеджментті оқыту

Оқудан өз қызметін Бағдарлама қызметінің басым түрлерінде жүзеге асыратын, кәсіпкерлік субъектісінің жоғарғы және орта буынының жетекшілері құрылатын Халықаралық туризм бойынша университет базасында өтетін болады.

Оқыту бойынша шығындарды төлеу туризм жөніндегі уәкілетті орган мен Халықаралық туризм бойынша университет арасындағы сәйкес шартқа қол қою жолымен республикалық бюджет қаражаты есебінен жүзеге асырылатын болады.

Кәсіпкерлік субъектілерінің топ-менеджментінің оқудан өту тәртібі мен іріктеу механизмі Қазақстан Республикасы Үкіметінің қаулысымен бекітілетін, Бағдарлама шеңберінде Топ-менеджментті іріктеу және оқыту қағидаларымен реттелетін болады.

Басқарудың жаңа әдістерін енгізу, өндіріс технологиялары, жабдықтар және персоналдарды (аға сеньорларды) оқыту сұрақтары бойынша жоғары білікті шетел мамандарын тарту қатысушыларға тікелей кәсіпорындарда басқарудың жаңа әдістерін енгізу, өндіріс технологиялары, жабдықтар және персоналдарды (аға сеньорларды) оқыту сұрақтары бойынша кеңес беру үшін табысты жұмыс тәжірибесі бар жоғары білікті шетел мамандарын тартуға бағытталған.

Жоғары білікті шетел мамандарын тартуға ұйымдық сүйемелдеуді халықаралық және шетелдік ұйымдар (одан әрі – ХШҰ) көмегімен «Kazakh Tourism» ҰК АҚ жүзеге асыратын болады.

Жүзеге асыруды қаржыландыру туризм жөніндегі уәкілетті орган мен «Kazakh Tourism» ҰК АҚ арасында тиісті шарт жасасу жолымен республикалық бюджет қаражаты есебінен іске асырылатын болады.

Жоғары білікті шетел мамандарын тарту шарттары мен қатысуға кәсіпорындарды іріктеу механизмі Қазақстан Республикасы Үкіметінің қаулысы бекітетін, Басқарудың жаңа әдістерін енгізу, өндіріс технологиялары, жабдықтар және персоналды (аға сеньорларды) оқыту сұрақтары бойынша жоғары білікті шетел мамандарын тарту қағидаларымен реттелетін болады.

5.3.4. Туроператорлар мен басқа туристік ұйымдар қызметінің цифрлық қолжетімділігін арттыру

Өңірге келушілерді барлық қажетті ақпаратпен, соның ішінде туристік нысандардың орналасуы, қызмет сипаттамасы және орындарда берілетін қызметтер тізімі туралы ақпаратпен қамтамсыз ету үшін цифрлық платформа (онлайн қосымша) түріндегі ақпараттық инфрақұрылым іске қосылатын болады.

Осы платформа тілді таңдау, бару орындарында аудиогидті таңдау, қандай да бір ақпаратты алу үшін QR-кодты сканерлеу, билеттер сатып алу, виртуалдық тур мүмкіндіктерін пайдалану және т.б. сияқты мүмкіндіктерді ескере отырып, халықаралық стандарттарға сәйкес болады.

Ол үшін сондай-ақ туристік қызығушылық нысандарын (мейманханалар, мұражайлар, МҒӨК және т.б.) интернет ортаға тарту керек, ол осы нысандардың қолжетімділігін қамтамасыз етеді. Бизнес үшін мобильді қосымшалар мен типтік туристік сайттар әзірленеді.

Мемлекеттік бағдарламаны жүзеге асыру шеңберінде қолданыстағы Ұлттық туристік портал қызметінің тиімділігін функционалды кеңейтумен арттыра отырып, соның ішінде онлайн-брондауды, аналитикалық базаларды және т.б. енгізумен, портал жұмысы түбегейлі қайта пішімделеді.

Бұл бастама туристік саланы сандық жүйеге көшіру бойынша мәселені шешуде жылжуға мүмкіндік беретін, е-Туризм бірыңғай ақпараттық-коммуникациялық порталын әзірлеу арқылы жүзеге асырылады.

Е-Туризм порталы шетел және ішкі туристер арасында, Қазақстандық турөнімге бейілділік пен танымалдықты арттыруға бағытталған мобильді қосымшалар мен веб-порталдардың бірыңғай жүйесі болады. Жүйе сондай-ақ туристік бизнес иелері үшін жеке бизнес-процестерді автоматтандыруға, нарықты бағалаулар мен рейтингілер жүйесі арқылы мониторингтеуге шақырылады.

Туристердің қауіпсіздігін қамтамасыз ету, туристік ағымдар қозғалысын есепке алу, мониторингтеу және талдау мәселелерін шешу үшін шешімдер кешені ұсынылады:

• 
  шетел туристеріне SIM-карталар мен MiFi (MobileWiFi) модемдерді беру туристердің әрқашан онлайн болуына және роумингте үнемдеуге, сондай-ақ ұялы желілерді беру мұнараларынан геолокация және деректер бойынша туристердің орналасуын, қосымша қауіпсіздікті қамтамасыз ете отырып, мониторингтеуге мүмкіндік береді. Модемдер сондай-ақ SOS сигналын жіберуге арналған арнайы түймешікпен жабдықталады.
  
• 
  ТОП-10 толығымен WiFi желілерімен және Интернетке қолжетімділікпен жабдықталады, соның ішінде жерсеріктік жүйе жабдығы есебінен, ол ұялы байланыс сигналдарына қолжетімділікті және/немесе жоғары жылдамдықты байланыс арналарына (оптоталшықты желі) қолжетімділікті ұсынуға мүмкіндік береді.
  
• 
  сондай-ақ саяхаттау кезінде жолаушылар пойызында Интернетке қолжетімділік қамтамасыз етіледі, себебі темір жолдардың көптеген аумақтарында телефон байланысы жоқ.
  

Көлік шығынының құрамдасуынан басқа туристердің шығынында тұруға кеткен шығындар едәуір үлесті алады. Мемлекеттік бағдарлама шеңберінде нысандарды тұрғызу құнының төмендеуін қамтамасыз ететін ынталандырушы шаралардан басқа келесі шаралар жүзеге асырылады.

1) Жұмысы келесі тәртіпте жоспарланатын, арнайы «Туристік сертификаттар» механизмі енгізілетін болады:

а) оператор туристік сертификаттарды белгілі бір номиналмен қағаз немесе электронды нысанда шығарады;

б) жұмыс берушілер шарт негізінде оператордан сертификаттарды сатып алады;

в) жұмыс берушіден сертификаттарды алған жұмыскерлер турсертификаттар жүйесіне қатысушылардың (қонақ үйлер, тасымалдаушы, туроператор) қызметін төлейді;

г) жүйе қатысушысы (қонақ үй, көлік, туроператор) сертификатты береді де, Оператордан ақша алады;

Бұл ретте жұмыс берушінің «Турсертификаттарды» сатып алуға жіберген сомасы жеке табыс салығын есептеген кезде жеке тұлғаның табысы болып танылмайды, сондай-ақ ұжымдық табыс салығын есептеген кезде шегеруге жататын болады.

Жүзеге асыру үшін Оператордан ақша қабылдауды және Оператор тапсырмасы бойынша қатысушылармен есеп айырысуды жүзеге асыратын серіктес Банк анықталады.

Оператор сертификаттарды өткізуден түсетін қаражатты екінші деңгейлі банктің/серіктес Банктің депозитіне салымды міндетті сақтандырумен орналастыру есебінен «Турсертификаттар» механизмі жұмысын қамтамасыз ету және шығару бойынша шығындарды жабады.

Сертификаттың қолданылу мерзімі шығарған жыл ішінде, яғни қатысушы сертификатты өтеу үшін 31 желтоқсанға дейін беруі керек.

«Турсертификаттарды» шығару және пайдалану тәртібі Қазақстан Республикасы Үкіметінің қаулысымен бекітілетін Бағдарлама шеңберінде «Турсертификаттарды» шығару және пайдалану қағидаларымен реттеледі.

2) 18 жасқа дейінгі балалар үшін ерекше қорғалатын табиғи аумақтар үшін төлем алу жойылады.

Ерекше қорғалатын табиғи аумақтарды басқарудың жаңа схемасын енгізгеннен кейін, сондай-ақ төлем алу нысанынан туристік қызметті жүзеге асыратын заңды тұлғаның, стационарлық емдеу мекемелерінің, балалар мен жасөспірімдер демалысы ұйымдарының, спорт-сауықтыру мекемелерінің жұмыскерлерін ерекше қорғалатын табиғи аумақ шекарасында алып тастау қажет.

3. 
   Санаторийлік-курорттық қызметті жүзеге асыратын субъектілер үшін ұжымдық табыс салығы бойынша салық жеңілдігін ұсыну мүмкіндігі пысықталады.
   
4. 
   Қытай Халық Республикасына басымдықты көрсете отырып (осы ел өкілдерінің туристік шопинг ерекшеліктерін және жолда тоқтамайтын ұшып өтуді жүзеге асыру үшін аумақтық жақындықты ескерумен, сондай-ақ қытай туристеріне транзиттік ұшып өту кезінде уақыт бойынша шектелген визасыз режимді ұсынуды ескерумен), алыс шетелден келетін туристік ағымды арттыру мақсатында, туристік сатып алу қабілеттерін арттыруды ынталандыру мақсатында шетел туристері үшін (ЕАЭО мүшелері болып табылмайтын) «Taxfree» («Taxrefund») құралы енгізіледі.
   

4. 
   Қолайлы туристік климатты құру
   

1. 
   Визалық және көші-қон режимін ырықтандыру
   

1) Мақсатты нарық елдері үшін (Үндістан, Қытай, Иран, Сауд Арабиясы, Бахрейн, Кувейт, Оман, Катар, бұдан басқа Тайланд, Филиппин, Индонезия, Вьетнам) визалық режимді мұнан былайғы жеңілдету жолдары қарастырылатын және сынамалы режимде енгізілетін болады, соның ішінде келесілер есебінен:

• 
  электронды виза енгізу - «e-visa»;
  
• 
  шақыру туралы талапты болдырмау;
  
• 
  зейнет жасындағы адамдар (65 жастан үлкен) және кәмелетке толмаған балаларға (16 жастан кіші) қатысты визасыз режимді енгізу мүмкіндігі қарастырылады;
  

2) Ирак азаматтарына визаны жедел рәсімдеу мүмкіндігі қарастырылады: ұшып келу бойынша виза және/немесе Бағдадта консулдық ашу.

3) Үндістан мен Қытай, Индонезия үшін 120 сағатқа транзиттік визасыз режим енгізіледі.

Көші-қон саясаты саласында туристтерді көші-қон полициясы органдарында өз еркімен тіркелу қажеттілігінен босату туралы сұрақ пысықталады және шешіледі.

Сондай-ақ туристтердің көші-қон заңнамасын бұзғаны үшін келесі тәртіпті енгізу жолымен жазалау жүйесін ізгілендіру сұрақтары пысықталатын болады: бірінші бұзушылық 5 күннен көп емес – ескерту, қайталап бұзушылық – сапардан алып қалмай айыппұл, үшінші бұзушылық – толық көлемде ықпалшаралар.

Виза-көші-қон саясатын ырықтандыру шарттарында тәуекелдерді ырықтандыру үшін келесі шараларды қабылдау қарастырылуда:

• 
  ҰҚК-не, ІІМ-не барлық қонақ үйлер мен басқа орналастыру орындарына келушілерді тіркеудің ақпараттық жүйелеріне қолжетімділік ұсыну.
  
• 
  ҰҚК-не, ІІМ-не әуе жолдары мен автобус тасымалы жолаушылары туралы ақпарат ұсыну.
  

2. 
   
   жүктеу 2,19 Mb.
   
   Достарыңызбен бөлісу: