Бағдарламалу технологиясы

1.8 Айнымалыларды сипаттау

Бағдарламалау тілінің «айнымалы» ұғымының алуан түрлі анықтамасы бар, бірақ компьютердің аппараттық қамтамасыз ету тұрғысынан ең дұрыс анықтамасы мынандай – бағдарламаны орындау уақытының әр түрлі мезетінде түрлі мәндерді болуы мүмкін компьютер жадысының аймағы. Осы жадының аймағына сәйкес қолданылатын символикалық ат айнымалы аты немесе айнымалы идентификаторы деп аталады.

Айнымалы - идентификатормен белгіленген компьютер жадысының аймағы, онда бағдарламаның жұмысы кезінде өзгеретін деректер сақталады.

Бағдарламада айнымалыны қолданбас бұрын оны жариялау керек – оның атын және типін көрсету керек.

Айнымалы типі оған қандай мәндерді жазуға болатынын көрсетеді – бүтін, нақты, символдық, т.б.

Айнымалы аты идентификатор болып келеді.

Мысалы:

int TYT;

float cym, kol;

Мұнда, TYT айнымалысы – бүтін, ал cym, kol айнымалылары – нақты (бөлшек) типте екені көрсетілген.

Бір типті айнымалылар нүктелі үтірмен аяқталуы тиіс.

Айнымалыны жариялау кезінде жариялау операторы қолданылады - нүктелі үтірмен аяқталатын әрекет. Бірақ әдебиеттерде бұл амалды жариялау операторы деп атаудың орнына жай ғана бағдарлама айнымалысын жариялау деп атайды.

Айнымалыны бірінші рет қолдану жариялау болып есептелетін BASIC бағдарламалау тілінен немесе айнымалылары бағдарлама басында, арнайы бөлімде жарияланатын PASCAL бағдарламалау тілінен өзгеше C# бағдарламалау тілінде айнымалы бағдарламаның кез келген орнында жариялана алады. Сонымен қатар айнымалыны PASCAL тіліне ұқсас бағдарламаның басында немесе BASIC тіліне ұқсас бірінші рет қолдану барысында жариялауға болады.