Бағдарламалу технологиясы

1.7 C# тілінің символикасы

C# бағдарламалау тілі жаңа .NET технологияларын қолдайтын объекті-бағытталған бағдарламалау тілі болып табылады. Кез келген тілде сияқты C# тілінде алфавит– символдар жиыны бар, олардың көмегімен бағдарлама коды (мәтін) жазылады. C# тілінде бағдарламаны жазу үшін келесі символдар қолданылады:

• 
  кез келген әріптерді, C# тілі бас және кіші әріптерді ажыратады;
  

– қызметтік белгілер;

– қызметтік сөздер;

– бағдарлама мәтіні бойынша түсініктемелер.

Әріптер мен цифрлар бойынша барлығы түсінікті, ал қызметтік белгілер мен сөздерді (олардың саны өте көп) тілді оқу барысында меңгереміз.

Бағдарлама кодын жазу барысында оның әр түрлі конструкциясының (операторлар, функциялар, объекттер, жазулар, айнымалылар, т.б.) аттары, яғни идентификаторлары анықталуы тиіс. Олар әріптерден (латын алфавитін қолдану қажет), цифрлардан (0 – 9), астын сызу ‘_’ символынан тұруы мүмкін, бірақ идентификатордың бірінші символы әріп немесе астын сызу символы болуы керек, сан болмауы тиіс.

Мысалы:

– дұрыс – A_9, B34, TYTI, Max;

– дұрыс емес – A-9, B 34, 13FIG.

Егер қызметтік сөздердің алдында ‘@’ символы тұрса, оны идентификатор ретінде де қолдануға болады. Мысалы , @for, бірақ бағдарламалауда қызметтік сөздерді қолдану жағымсыз әдеттің нышаны деп есептеледі. ‘@’ символын қызметтік сөздерден өзге сөздермен бірге қолдануға болмайды.