Қазтұтынуодағы

Қазтұтынуодағы

Қара ғанды Экономикалық Университетi

Қарағанды 2010

« 27 » тамыз 2010 ж. Хаттама № 1

Заңдық ғылымдар жүйесiнде “Мемлекет және құқық теориясы” негiзгi, әрi әдiстемелiк ғылым ретiнде танылған. Ол тәлiмгерлерде кәсiби құқықтық сананы қалыптастырумен тiкелей байланысты болатын заңдық ғылымдардың бiрi. “Мемлекет және құқық теориясы” пәнiнiң мақсаты – тәлiмгерлердiң мемлекет туралы iлiмдердiң мазмұны мен мәнi туралы, саяси-құқықтық құбылыстар туралы жалпы теоретикалық бiлiмдердi игеруiне көмектесу, оларды бағалау және де оны болашақта заңгер-құқықтанушы ретiнде өзiнiң мiндеттерiн кәсiби түрде орындау әрекетiнiң қозғаушы күшiне айналдыру қабiлетiн қалыптастыру.

Мемлекет және құқық теориясының оқу пәні ретінде басты мақсаты – әдістемелік тәсілдер арқылы оқу үрдісі нәтижесінде тәлімгерлерге мемлекет және құқықтың пайда болуы, дамуы мен қызмет етуінің басты заңдылықтары туралы ғылыми және практикалық ілімдерді жеткізіп түсіндіру. Мемлекет және құқық теориясының негізгі міндеті тәлімгерлердің мемлекет туралы ілімдердің мазмұны мен мәні туралы, саяси-құқықтық құбылыстар туралы жалпы теоретикалық білімдерді игеруіне көмектесу, оларды бағалай және де болашақта заңгер-құқықтанушы ретінде өзінің міндеттерін кәсіби түрде орындау әрекетінің қозғаушы күшіне айналдыру қабілетін қалыптастыру. Оқулықтармен қатар ғылыми еңбектерді, монографияларды, құқықтық журналдардағы мақалаларды өз беттерінше игеріп, терең әрі жанжақты талқылап қарастыруды үйрету қажет. Ғұламалардың көзқарастары негізінде, түрлі концепциялар ішінен талқылау нәтижесінде өзіндік ой-пікір қалыптастырып айтуға қабілеттерін дамыту.

Университеттiң “Заңгер” мамандығында оқып жүрген тәлiмгерлер үшiн заңдық ғылымдар саласында жан-жақты бiлiм алу, өз беттерiнше зерттеу жұмысын жүргiзiп үйрену, сондай-ақ жинаған бiлiмдерiн қоғамдық тәжiрибемен ұштастыра бiлу қабiлетiн қалыптастыру аса маңызды мәселелердiң бiрiне жатады. Заңгер маманды даярлау кезiнде курстық жұмыс жазуға және оны дұрыс рәсiмдеуге үлкен орын берiледi. Себебi, курстық жұмыс жазу үрдiсiнде тәлiмгер өзi таңдаған тақырыптың теоретикалық сұрақтарын талдай бiлуi, мәселеге қатысты жинаған құжаттарын өз бетiнше саралауы, сондай-ақ жазған жұмысы туралыой-пiкiрлерiн негiздей бiлуi қажет. Курстық жұмысты жазу және оны жазба жұмыстарына қойылатын талаптарға сай дұрыс рәсiмдеудiң маңыздылығы осында.

Осы әдiстемелiк құралда курстық жұмысқа қажеттi құжаттарды жинау, оның мәтiнiн жазу және дұрыс рәсiмдеу әдiстерi туралы ұсыныстар берiледi.

Әдiстемелiк құралдың соңында курстық жұмысты жазба жұмыстарына қойылатын талаптарға сәйкес рәсiмдеудiң үлгiлерi ұсынылып отыр.

Курстық жұмыс тәлiмгердiң өз бетiнше жүргiзетiн алғашқы ғылыми зерттеуi. Ол тәлiмгерлердiң арнайы пәндердi оқу барысында жинаған бiлiмдерiн бекiтуге, тереңдетуге және оларды нақты мәселелердi шешу кезiнде дұрыс қолдана бiлуге көмектеседi. Сондай-ақ, курстық жұмыс жазу тәлiмгерлердiң ғылыми зерттеулер жүргiзуге қызығушылығын оятуға ықпал етедi, олардың берiлген мәселенi өз бетiнше саралауға қажеттi ғылыми әдебиеттердi, арнайы құжаттарды, қайнар көздердi тиiмдi пайдалана бiлуге үйретедi.

Тәлiмгер бiлiм алу үрдiсiнде жинаған бiлiмдерiн өзiнiң кәсiби мiндеттерiн орындау кезiнде дұрыс қолдана бiлуге, қорытынды жасап үйренуге, мәселе бойынша ғылыми және заң терминдерiн пайдалана отырып өз ойларын қағазға түсiре бiлуге үйренуi тиiс. Берiлген тақырыпқа сай курстық жұмыс жазу тәлiмгерлерге осы мiндеттердi шешуге көмек көрсетедi.

Курстық жұмыс жазу кезiнде тәлiмгер өз бетiнше нақты әлеуметтiк зерттеулер жүргiзуi қажет. Ол үшiн зерттелетiн мәселенiң мақсатын табу керек, оның жоспары құрылады, тақырыпқа сай құжаттар жиналады, белгiлi бiр жүйеге келтiрiледi, жұмыстың соңында қорытындылар жасалады.

Берiлген мәселе бойынша қажеттi құжаттарды зерттеу, топтастыру, саралау, тақырыптың теориялық және тәжiрибелiк жаңа көзқарастарын ашу курстық жұмыс жазудың негiзгi мақсаты болып табылады. Курстық жұмыстың төмендегiдей негiзгi мiндеттерiн атап өтуiмiзге болады:

• 
  таңдаған тақырып бойынша мемлекеттiк-құқықтық құбылыстардың мәнiн ашу, оны теориялық негiздеу;
  
• 
  курстық жұмыста көтерiлген мәселелердiң шешiмiн табу кезiнде зерттеу әдiстерiн меңгеру және өз бетiнше жұмыс жүргiзу амалдарын дамыту.
  

Курстық жұмыс жазудың тәсiлдерi күрделi болғандықтан, оны дұрыс орындау арнайы дайындықты және көмекшi әдiстемелiк құралдар мен ұсыныстардың көмегiн қажет етедi. Осы әдiстемелiк құрал жоғарыда атап өтiлген мәселелердi шешудi мақсат етiп қояды, яғни, тәлiмгерлердiң курстық жұмыс жазудың амалдары мен тәсiлдерiн игеруiне көмек көрсету, оны рәсiмдеу кезiнде кафедрамен ұсынылып отырған талаптарды негiзге алу.

Курстық жұмыстардың тақырыптары кафедрамен анықталып әр жыл са йын жаңартылып отырылады. Жұмыс тақырыптары қоғамдағы өзекті мәселелерге және олардың шешілу жолдарына бағытталады. Әрбір тәлімгер оқу жылының басында өз бетінше курстық жұмыс тақырыбын таңдайды және таңдалған тақырып бойынша кафедра меңгерушісінің атына тақырыптын реттік саны көрсетілген өтініш әкеледі. Тәлімгердің өзі қызықтырып жүрген мәселелері бойынша курстық жұмыс тақырыбын ұсыну құқысы бар. Бұл жағдайда таңдалған мәселенің өзектілігі баяндалған өтініш кафедра меңгерушісінің атына жазылады.

Тәлiмгердiң курстық жұмысты орындау үрдiсi төмендегiдей негiзгi кезеңдерден өтедi:

• 
  зерттеу тақырыбын таңдау, оны кафедрада тiркеу;
  
• 
  қарастырылатын тақырып бойынша қажеттi әдебиеттер тiзiмiн құрастыру;
  
• 
  оқу әдебиеттерiн және арнайы әдебиеттердi, қайнар көздердi зерттеу;
  
• 
  жұмыстың жоспарын құрастыру;
  
• 
  жұмыстың мәтiнiн жазу, рәсiмдеу және кафедраның сын-пiкiр бiлдiруiне ұсыну.
  

Кафедра рұхсат берген жағдайда тәлiмгер өзiн қызықтырып жүрген мәселе бойынша курстық жұмыс тақырыбын таңдауға құқылы, бiрақ ол мәселе курстық жұмыс жазылатын пәннiң оқу бағдарламасы шегiнен шықпауы тиiс.

Курстық жұмысты жазу таңдалған мәселеге сәйкес әдебиеттер жинау, оларды зерттеу, қысқаша мазмұндаудан басталады. Осылардың барлығы жұмыста көтерiлетiн сұрақтар шеңберiн анықтауға көмектеседi. Тәлiмгер өзiнiң ғылыми жетекшiсiмен келiсе отырып жұмыстың жоба жоспарын құрастырады, мәселеге байланысты арнайы әдебиеттердi, қайнар көздердi және басқа да құжаттарды жинайды, зерттейдi. Әдебиеттердi зерттеу кезiнде өздерi үшiн қысқаша үзiндiлер жасайды, арнайы сұрақтар бойынша құжаттарды топтайды, тәжiрибеден мысалдар жинайды.

Қажеттi әдебиеттер қарастырылып болғаннан кейiн тәлiмгер мәселенi толықтай ашуға қажеттi сұрақтар тiзiмiн көрсететiн жұмыстың түпкiлiктi жоспарын жасайды, ғылыми жетекшiмен келiсiледi. Жұмыс жоспарында тақырыптың негiзгi мәселелерi, оның баяндалу кезегi көрсетiледi.

Курстық жұмыстың құрылымы:

• 
  жұмыс мазмұнынан,
  
• 
  кiрiспеден,
  
• 
  негiзгi бөлiмнен,
  
• 
  қорытынды бөлiмнен,
  
• 
  пайдаланылған әдебиеттер тiзiмiнен тұрады.
  

Курстық жұмыстың кiрiспесiнде тәлiмгер келесi мәселелердi қарастыруы қажет:

• 
  жұмыс тақырыбын таңдау негiздерi;
  
• 
  оның көкейкестiлiгiн анықтау;
  
• 
  сол тақырып бойынша арнайы әдебиеттердi қарастыру;
  
• 
  жұмыстың негiзгi мақсаты мен оны ашудың жолдары.
  

Курстық жұмыс жазба жұмыстарына қойылатын талаптарға сәйкес орындалуы қажет. Соның iшiнде, қайнар көздерге, сiлтемелерге, оларды дұрыс рәсiмдеуге ерекше көңiл бөлiнедi.

Берiлген мәселенiң сұрақтары жоспарға сәйкес, арнайы әдебиеттердiң, қайнар көздердiң және басқа да құжаттардың көмегiмен толық баяндалған жағдайда жұмыс тақырыбы ашылған деп есептеледi.

Тәлiмгер курстық жұмыс жазу барысында жұмыс жоспарына сай бөлiмдердiң әрқайсысында қандай мәселелердi ашу керектiгiн бiлуi тиiс. Егер кiрiспеде таңдалған тақырыптың көкейкестiлiгi, оның ғылымда алатын орны мен мәнi, зерттеу әдiстерi мен тәсiлдерi, мәселенiң тарихы, сондай-ақ жұмыстың мақсаты мен мiндеттерi нақты анықталатын болса, негiзгi бөлiмде мәселенiң нақты мәнi логикалық айқындалған кезекпен ашылады, тақырыптың негiзгi сұрақтары сараланады.

Қорытындыда курстық жұмыс тақырыбы бойынша қорытындылар жасалады, нақты тәжiрибелiк ұсыныстар берiледi. Жұмыстың соңында пайдаланылған әдебиеттер тiзiмi көрсетiледi. Қажет болса тақырыпқа қатысты қосымшалар, сызбалар жасалады.

1. 
   Курстық жұмыстың мазмұнына және рәсiмделуіне қойылатын талаптар
   

Курстық жұмыс жазба жұмыстарына қойылатын талаптарға сәйкес рәсiмделедi. Ол төмендегідей құрылымдық бөлімдерден құралады:

• 
  жұмыстың сыртқы беті;
  
• 
  жұмыстың мазмұны;
  
• 
  кіріспе;
  
• 
  негізгі бөлім;
  
• 
  қорытынды бөлім;
  
• 
  пайдаланған әдебиеттер тізімі;
  
• 
  қосымшалар.
  

Жұмыстың сыртқы беті құжатты өңдеуге және іздеуге қажетті мәліметтердің қайнар көзі болып табылатын курстық жұмыстың бірінші беті болып табылады.

Онда төмендегідей мәліметтер баяндалады:

• 
  жоғарғы оқу орнының, факультеттің, кафедраның (филиалдың) атауы;
  
• 
  курстық жұмыстың тақырыбы;
  
• 
  тәлімгердің аты-жөні, тегі, тобының саны;
  
• 
  мамандық атауы;
  
• 
  ғылыми жетекшінің аты-жөні.
  

2. 
   Курстық жұмыстың безендірілуіне қойылатын талаптар
   

• 
  Мәтiн беттiң бiр жағында (А4 стандартты бетте) жазылуы қажет.
  

• 
  Жұмыстың әр бетiнде реттiк сан қойылады, мәтiннiң сол жағынан - 3 см, оң жағынан - 1 см ашық орын қалдырылады. Рет саны парақтың оң жақ бұрышына қойылады, соңынан нүкте қойылмайды. Парақтың жоғарғы және төменгi жағынан - 2 см ашық орын қалдырылады. Жұмыс қатталып өткiзiледi.
  
• 
  Курстық жұмыстың бiрiншi бетi 1- қосымшаға сәйкес рәсiмделедi. Жұмыстың екiншi бетiнде жұмыс жоспары жазылады. Кiрiспе және жұмыстың негiзгi бөлiмдерi 3-шi парақтан басталады. Қарастырылатын сұрақтар бөлiмдерге бөлiнiп баяндалады.
  
• 
  Бөлiмдер мен бөлiмшелердiң аттары парақтың ортасында бас әрiптермен жазылады.
  
• 
  Әрбiр бөлiм немесе бөлiмше жаңа парақтан, бөлiмнiң аты бас әрiптермен жазылып басталады.,
  
• 
  Сілтемелер пайдаланылу ретіне қарай нөмірленіп, пайдаланған әдебиеттер тізімін құрайды.
  
• 
  Курстық жұмысқа қатысты қосымшалар пайдаланылған әдебиеттер тiзiмiнен кейiн орын алады. Олар курстық жұмыс парақтарының жалпы санының қатарына кiргiзiледi.
  
• 
  Курстық жұмыс мәтiнi таза орындалуы қажет.
  
• 
  Пайдаланылған әдебиеттер тiзiмi төмендегiдей тәртiпте құрылуы керек:
  

1. 
   тәртiп саны,
   
2. 
   алфавит бойынша автордың аты-жөнi, тегi,
   
3. 
   әдебиеттiң атауы,
   
4. 
   шығарылған жерi, баспа,
   
5. 
   шығарылған жылы, парақ саны.
   

1. 
   Алексеев Н.П. – Теория государства и права. – Москва: Юрист,2000.
   

Курстық жұмыс жазуға басшылық жасауға кафедра оқытушыларының iшiнен жеткiлiктi ғылыми дәрежесi бар тәжiрибелi адам тағайындалады. Ғылыми жетекшi жұмыстың негiзгi бағыттарын белгiлейдi, тәлiмгерге жұмыс жоспарының сұрақтарын құрастыру, мәселеге қатысты арнайы және қосымша әдебиеттердi пайдалану туралы кеңестер бередi. Берiлген тақырыпты талдауға көмек көрсетедi, сондай-ақ курстық жұмыстың дер кезiнде орындалуына бақылау жасайды.

Тәлiмгерлерде ғылыми ойлауды қалыптастыру, өз беттерiнше пiкiр жасап үйрету, оларды жеткiзе бiлу, өздерiнiң жұмыстарының мазмұнын аша бiлу, дәлелдеп үйрету, сондай-ақ өздерi көтерген мәселенi негiздеп, қорытындылай бiлуге үйрету ғылыми жетекшiнiң негiзгi мiндетi болып табылады.

Курстық жұмыс жазылып бiткеннен соң кафедраның сын-пiкiр бiлдiруiне жiберiледi. Сын-пiкiр бiлдiру үрдiсi мынадай мәселелердi көтередi:

• 
  жұмыстың жақсы жақтарын ашу;
  
• 
  жұмыстың қате жерлерiн көрсету;
  
• 
  жұмысты қорғауға жiберу туралы ұсыныстар.
  

• 
  курстық жұмыстың жақсы жақтарына қысқаша сипаттама;
  
• 
  курстық жұмыстың қате жерлерiн нақты көрсету;
  
• 
  жұмысты ауызша қорғау кезiнде өзi тереңдей қарамай кеткен мәселелерге көңiл бөлу туралы ұсыныстар;
  
• 
  қорғауға жiберiлу-жiберiлмеуi туралы ұсыныстар.
  

Курстық жұмысты бағалау кезiнде жұмыстың тек қана мәтiнi ғана емес төмендегiдей мәселелерге де көңiл бөлiнуi керек:

• 
  құжаттарды меңгеру деңгейi және өз ойларын жазбаша, ауызша жеткiзе бiлу мүмкiндiгi;
  
• 
  ғылыми және оқу әдебиеттерiн пайдалана бiлу деңгейi;
  
• 
  теориялық мәселелердi тәжiрибемен ұштастыра бiлу қабiлетi;
  
• 
  курстық жұмыстың ғылыми және тәжiрибелiк маңызы.
  

1. 
   Мемлекет және құқық теориясы оқу пәні, оның міндеттері мен қызметі.
   
2. 
   Мемлекет және құқық теориясының әдіс-тәсілдерінің жүйесі.
   
3. 
   Мемлекет және құқық теориясының қоғамдық ғылымдармен ара қатынасы.
   
4. 
   Мемлекет және құқық теориясының заңгердің құқықтық мәдениетін қалыптастырудағы алатын орны.
   
5. 
   Мемлекет пен құқықтың пайда болу себептері мен нысандары.
   
6. 
   Мемлекет дамушы қоғамның өнімі ретінде.
   
7. 
   Құқықтың пайда болу ерекшеліктері.
   
8. 
   Мемлекет пен құқықтың пайда болу туралы негізгі теориялар.
   
9. 
   Мемлекет мәні: әртүрлі көзқарастар.
   
10. 
    Мемлекет түсінігі және белгілері.
    
11. 
    Мемлекеттік билік: түсінігі және негізгі белгілері.
    
12. 
    Мемлекет қызметтерінің түсінігі және мазмұны.
    
13. 
    Қазақстан Республикасының қазіргі кезеңдегі қызметтері.
    
14. 
    Мемлекет типтері: формациялық және өркениеттік көзқарастар.
    
15. 
    Мемлекет және құқық типтеріне қазіргі кезеңдегі көзқарастар.
    
16. 
    Мемлекет нысаны: түсінігі және элементтері.
    
17. 
    Басқару нысаны және оның түрлері.
    
18. 
    Мемлекеттік құрылым нысаны және оның түрлері.
    
19. 
    Мемлекеттік саяси режим.
    
20. 
    Қазіргі Қазақстанның саяси режимі.
    
21. 
    Қоғамның саяси жүйесінің түсінігі мен құрылымы.
    
22. 
    Мемлекет пен құқықтың қоғамның саяси жүйесіндегі алатын орны.
    
23. 
    Қазақстан Республикасының саяси жүйесіндегі қоғамдық бірлестіктер.
    
24. 
    Саяси партиялардың Қазақстан Республикасының саяси жүйесіндегі алатын орны мен ролі.
    
25. 
    Мемлекеттің діни ұйымдармен арақатынасы.
    
26. 
    Саяси және мемлекеттік билік және олардың арақатынасы.
    
27. 
    Мемлекет механизмі: түсінігі, негізгі белгілері,құрылымы.
    
28. 
    Мемлекет органдарының түсінігі, белгілері және түрлері.
    
29. 
    Мемлекет органдарының мемлекеттің ішкі және сыртқы қызметтерін жүзеге асырудағы алатын орны.
    
30. 
    Мемлекеттік аппараттың ұйымдастырылу қағидалары және қызметі.
    
31. 
    Мемлекет механизмі және аппараты.
    
32. 
    Мемлекеттік органдар, олардың жүйесі мен белгілері.
    
33. 
    Мемлекеттегі биліктің тармақтарға жіктелу теориясы.
    
34. 
    Қазақстан Республикасындағы заң шығарушы билік.
    
35. 
    Қазақстан Республикасындағы атқарушы билік.
    
36. 
    Қазақстан Республикасының сот билігі: тарихы және болашағы.
    
37. 
    Қазақстан Республикасындағы сот билігінің түсінігі және қағидалары.
    
38. 
    Қазақстан Республикасының қазіргі кезеңдегі мемлекеттік аппараты.
    
39. 
    Қазіргі кезеңдегі Қазақстан Республикасының аппараты.
    
40. 
    Қазақстан Республикасындағы президент институты.
    
41. 
    Азаматтық қоғам түсінігі және құрылымы.
    
42. 
    Азаматтық қоғам мәні және негізгі қағидалары.
    
43. 
    Азаматтық қоғам және демократиялық мемлекет.
    
44. 
    Азаматтық қоғам: идеялық бастаулары және негізгі қалыптасу кезеңдері.
    
45. 
    Адам, қоғам және мемлекет құқықтары.
    
46. 
    Қазақстан Республикасы – құқықтық, әлеуметтік мемлекет.
    
47. 
    Құқықтық мемлекет: тарихы мен проблемалары.
    
48. 
    Қазақстан Республикасы егемендігінің қалыптасуы.
    
49. 
    Қазақстан Республикасындағы құқықтық мемлекеттің қалыптасу жолдары.
    
50. 
    Қазақстан Республикасының Ата заңындағы құқықтық мемлекет қағидаларының мәселелері.
    
51. 
    Құқықтық мемлекет және оның негізгі белгілері.
    
52. 
    Құқықтың мемлекетпен арақатынасы, оның негізгі белгілері мен қағидалары.
    
53. 
    Қазіргі құқықтық, демократиялық мемлекеттің қоғам өміріндегі алатын орны мен міндеттері.
    
54. 
    Адам мен азаматтың құқықтары мен бостандықтарының Қазақстан Республикасының Ата заңында бекітілуі.
    
55. 
    Тұлғалардың азаматтық және саяси құқықтары.
    
56. 
    Қазіргі мемлекеттердің нысандары, тағайындалуы, мақсаттары және міндеттері.
    
57. 
    Адам мен азаматтардың құқықтары мен бостандықтары құқықтық мемлекеттің негізі ретінде.
    
58. 
    құқық: анықтамасына деген әртүрлі көзқарастар.
    
59. 
    Құқық түсінігі, мәні және мазмұны.
    
60. 
    Құқық қызметтері: түсінігі және сұрыпталуы.
    
61. 
    Атқарушы билік органдарының мемлекеттік биліктік өкілеттіктері
    
62. 
    Қазақстан Республикасының сот билігін демократияландыру мәселелері.
    
63. 
    Сот жүйесі құқықтық мемлекеттің ең негізгі органдарының бірі ретінде.
    
64. 
    Қазақстан Республикасы соттарының басқа да билік және басқару органдарымен өзара байланысы.
    
65. 
    Құқықтық мемлекеттің мәні, мақсаты және атқаратын қызметі.
    
66. 
    Азаматтық қоғам және құқықтық мемлекеттің өзара қатынасы.
    
67. 
    Мемлекет механизмі – бұл мемлекеттің міндеттері мен қызметтерін жүзеге асыруға бағытталған мемлекеттік органдардың жүйесі.
    
68. 
    Мемлекет нысаны түсінігі мемлекеттану сипаттарының ішіндегі негізгілерінің бірі.
    
69. 
    Мемлекет және саяси партиялар - қоғамды басқарудағы ең шешуші күш.
    
70. 
    Құқықтың жалпы әлеуметтік және таптық мазмұны.
    
71. 
    Әлеуметтік нормалар жүйесіндегі құқықтың алатын орны.
    
72. 
    Құқық нысанының түсінігі және мазмұны.
    
73. 
    Құқықтық тәрбие: қажеттілігі.
    
74. 
    Құқық нормасы: түсінігі, құрылымы, саралануы және қызметтері.
    
75. 
    Құқық нормасының құрылымы.
    
76. 
    Құқық нормасы мен нормативтік акт арақатынасы.
    
77. 
    Құқық нысандарының түсінігі мен түрлері.
    
78. 
    Нормативті-құқықтық актілердің түсінігі мен түрлері.
    
79. 
    Заңдар және заңға бағынышты актілердің түсінігі, белгілері, түрлері.
    
80. 
    Заңдар және заңға бағынышты актілердің арақатынасы.
    
81. 
    Заң нормативті-құқықтық актінің бір түрі ретінде.
    
82. 
    Құқықшығармашылық түсінігі, қағидалары және түрлері.
    
83. 
    Қазақстан Республикасындағы құқықшығармашылық – мемлекеттік органдардың құқық қолдану қызметінің негізі.
    
84. 
    Қазақстан Республикасының құқықшығармашылық қызметі.
    
85. 
    Конституция – мемлекеттің негізгі заңы.
    
86. 
    Құқықшығармашылық Қазақстан Республикасында құқықтық мемлекет қағидаларын бекітудің құралы ретінде.
    
87. 
    Құқық жүйесінің түсінігі және құрылымдық элементтері.
    
88. 
    Құқық жүйесі және заң жүйесі.
    
89. 
    Қазақстандық құқық жүйесінің негізгі салалары.
    
90. 
    Қазіргі кезеңдегі негізгі құқықтық жүйелер.
    
91. 
    Англо-американдық құқықтық жүйе.
    
92. 
    Романо-германдық құқықтық жүйе.
    
93. 
    Мұсылмандық құқық жүйесі.
    
94. 
    Құқықты жүзеге асырудың түсінігі мен нысандары.
    
95. 
    Құқық қолдану құқықты жүзеге асырудың ерекше нысаны.
    
96. 
    Құқық нормаларын талқылау.
    
97. 
    Құқықтық қатынастар түсінігі және түрлері.
    
98. 
    Құқықтық қатынастардың құрамы және олардың сипаттамасы.
    
99. 
    Құқықтық мәдениет түсiнiгi, элементтерi.
    
100. 
     Заңды айғақтар және олардың саралануы.
     
101. 
     Заңдылық, құқықтық тәртіп және тәртіп.
     
102. 
     Заңдылық түсінігі және негізгі қағидалары.
     
103. 
     Заңдылық: теория және тәжірибе сұрақтары.
     
104. 
     Құқыққа сай мінез-құлық түсінігі және түрлері.
     
105. 
     Құқыққа сай мінез-құлық және құқық бұзушылық.
     
106. 
     Құқық бұзушылық: түсінігі, негізгі белгілері, түрлері.
     
107. 
     Құқық бұзушылық және заңды жауапкершілік.
     
108. 
     Заңды жауапкершілік: ерекшеліктері мен түрлері.
     
109. 
     Құқықтық реттеу механизмінің түсінігі мен элементтері.
     
110. 
     Құқықтық реттеу механизмінің нәтижелілігі.
     
111. 
     Мемлекет, құқық, тұлға.
     
112. 
     Тұлғаның құқықтық мәртебесі.
     

Курстық жұмыстың сыртқы бетiн безендiру үлгiсi (1 бет).

бизнес және құқық факультеті

Кафедра менгерушісі

з.ғ.к., доцент

_________ А.А. Алимбаева

КУРСТЫҚ ЖҰМЫС

Орындады:

БжҚФ Ю- (тобының номері)

(студенттің аты-жөні)

Ғылыми жетекші:

ҚАРАҒАНДЫ 2010

2 ҚОСЫМША

Курстық жұмыстың жоспарының үлгiсi (2 бет).

МАЗМҰНЫ

КІРІСПЕ................................................................................................................. 4

1 ЖЕКЕ ТҰЛҒА - АЗАМАТТЫҚ ҚҰҚЫҚТЫҢ СУБЬЕКТІСІ................... 7

1.1 Жеке тұлға ұғымы және жалпы сипаттамасы............................................. 7

1.2 Жеке тұлғаның құқықтық мәртебесі............................................................... 16

1.3 Жеке тұлғаның құқық қабілеттілігі және әрекет қабілеттілігі................... 18
2 АДАМ МЕН АЗАМАТТЫҢ КОНСТИТУЦИЯЛЫҚ

ҚҰҚЫҚТЫҚ МӘРТЕБЕСІ.................................................................................. 24

2.1 Азаматтың конституциялық құқықтары мен бостандықтарының

жүйесі..................................................................................................................... 24

2.2 Адам және азамат құқығы мен бостандығының кепілдігі мен оны

қорғау институттары............................................................................................. 31

2.3 Қазақстан Республикасындағы адам және азаматтың міндеттері............. 51

ҚОРЫТЫНДЫ...................................................................................................... 65

Пайдаланылған әдебиеттер ТІЗІМІ.................................................... 68


3 ҚОСЫМША

Курстық жұмыстың мәтiнiн безендiру үлгiсi (3 бет).

КІРІСПЕ

Қазақстан Республикасы Президентінің 2008 жылғы «Қазақстан халқының әл-ауқатын арттыру – мемлекеттік саясаттың басты мақсаты» атты Қазақстан халқына жолдаған жолдауында адам құқығын сақтау, Қазақстанды одан әрі жаңарту мен демократияландыру күн тәртібіндегі мәселе екендігі айтылған. Қазақстан Республикасы тәуелсіз, егеменді мемлекет, өзін әлеуметтік, құқықтық мемлекет ретінде орнықтырып, қоғамның бүгінгі таңдағы әлеуметтік, саяси, экономикалық өзгерістеріне, яғни нарықтық экономикаға көшу, көп партия құру, қоғамда демократиялық және құқықтық институттарды дамыту мәселелеріне көп көңіл бөледі. Өткізілген реформалардың сәтті шығуы ең алдымен жалпы адамзаттық құндылықтарға негізделетін құқықтық сана деңгейіне әсер етеді, одан адам мен азаматтың құқықтары мен бостандықтары да шет қалмайды.

1 Жеке тұлға – азаматтық құқықтың субъектісі
1.1 Жеке тұлға ұғымы және жалпы сипаттамасы

ХХ ғасырдағы әлемдік ынтымақтастықтың дамуының алғышарты адамзат құндылығын тану, адамдар бостандығын жүзеге асыру мен тіршілік кепілдігінің қажетті мөлшерін қамтамасыз ету болып табылады. Әлемдік қауымдастық кез-келген адамның әр мемлекетте оның қоғамдық құрылымына, басқару нысанына және саяси режиміне қарамастан не болатын стандартты жалпыадамзаттық құқықтар мен бостандықтарын іске асырды, осы құқықтар мен бостандықтарды анықтаудың негізгі құралы саяси және моральдық заңдық күшін өз еркімен қабылдаған және мемлекеттің орындауының міндеттілігінде адам құқықтары туралы халықаралық құқықтық құжаттардың қабылдануы мен өңделуі болды.

Ескерту: Курстық жұмыстың реттiк саны 4-беттен басталады, себебi 1 бет сыртқы бетi, 2 бет жоспары, 3 бет кiрiспе болады, оларға реттiк сан қойылмайды. Мәтiндегi әрбір абзац қызыл жолдан басталады.

4 ҚОСЫМША

Курстық жұмыстың тақырыбын бекiту туралы жазылатын өтiнiштiң үлгiсi.

Жалпықұқықтық және арнайы пәндер кафедрасының менгерушiсi,

з.ғ.к., доцент Алимбаева А.А.

топ (топтың саны)

студенттің аты-жөнi
ӨТIНIШ

Маған № «___________________» дағы курстық жұмыстың

(тақырып атауы)
тақырыбын бекітуiңiздi сұраймын.

күнi

қолы

жүктеу 245,41 Kb.

Достарыңызбен бөлісу: