«Қазақстан Республикасының кейбір заңнамалық актілеріне қаржы нарығын реттеу мен дамыту және микроқаржылық қызмет мәселелері бойынша өзгерістер мен толықтырулар енгізу туралы»

…

3. Кредиттiк бюроның рұқсатынан айыруды қоспағанда, қаржы саласындағы қызметтi және қаржы ресурстарын шоғырландырумен байланысты қызметтi жүзеге асыруға рұқсатты тоқтата тұруды не одан айыруды Қазақстан Республикасының заңдарында белгiленген негiздер бойынша және тәртiппен өз құзыреттері шегінде қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган және Қазақстан Республикасының Ұлттық Банкі жүзеге асырады.

6. Коллекторлық агенттіктердің тізілімінен шығаруды қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган «Коллекторлық қызмет туралы» Қазақстан Республикасының Заңында белгіленген негіздер бойынша және тәртіппен жүзеге асырады.

Уәкілетті органның Қазақстан Республикасында микрокредиттеу жөніндегі кез келген кәсіби қызметті, оның ішінде кредиттік серіктестіктердің, онлайн-кредиторлардың және ломбардтардың қызметін реттеуі мақсатында.

ӘҚтК-нің 47-бабында рұқсаттан айыру не оның қолданылуын тоқтата тұру тәртібі, сондай-ақ тізілімнен алу көзделеді.

«Төлемдер және төлем жүйелері туралы» ҚР Заңының 18-бабына сәйкес төлем ұйымы осы бапта көзделген жағдайларда төлем ұйымдарының тізілімінен алып тасталады.

Осылайша, төлем ұйымдарының тізілімінен алып тастау «Төлемдер және төлем жүйелері туралы» ҚР Заңында көзделген тәртіппен жүзеге асырылады.

Осыған байланысты рұқсаттан айыру не оның қолданылуын тоқтата тұру, сондай-ақ тізілімнен алу ӘҚтК-нің нормаларына сәйкес емес, ҚР заңнамалық актілерінде көзделген тәртіппен жүзеге асырылатын жағдайлармен толықтыру мақсатында ӘҚтК-нің 47-бабын 6-1-бөлікпен (ұсынылып отырған редакцияда) толықтыруды ұсынамыз.