-бап. Уәкілетті органның және Қазақстан Республикасы Ұлттық Банкінің

Уәкiлеттi органның және Қазақстан Республикасы Ұлттық Банкінің банк қызметін реттеу саласындағы iс-әрекеттерiне (әрекетсіздігіне) сотқа шағым берілуі мүмкін.

Уәкілетті органның, Қазақстан Республикасы Ұлттық Банкінің қадағалап ден қою шараларын (қадағалап ден қоюдың ұсынымдық шараларынан басқа) және (немесе) санкцияларды қолдану туралы, банкті өзінің депозиторлары мен кредиторларының мүдделеріне қатер төндіретін және (немесе) қаржы жүйесінің тұрақтылығына қатер төндіретін қаржылық жағдайы орнықсыз банктер санатына жатқызу туралы, банкті төлемге қабілетсіз банктер санатына жатқызу туралы, оған реттеу жөніндегі шараларды қолдану туралы шешімдеріне, сондай-ақ банкті басқару жөніндегі уақытша әкімшіліктің (банкті уақытша басқарушының) консервациялау сатысындағы, соттың банкті мәжбүрлеп тарату туралы шешімі заңды күшіне енгенге дейін банктің уақытша әкімшілігінің (уақытша әкімшісінің) әрекеттеріне шағым жасау шағым жасалып отырған шешімнің орындалуын немесе әрекеттерді (әрекетсіздікті) тоқтата тұрмайды.

Уәкілетті органның және (немесе) банкті басқару жөніндегі уақытша әкімшіліктің (банкті уақытша басқарушының) консервациялау сатысындағы, соттың банкті мәжбүрлеп тарату туралы шешімі заңды күшіне енгенге дейін банктің уақытша әкімшілігі (уақытша әкімшісі) болып табылатын тараптың шешімі негізінде жасалған мәмілелер жарамсыз деп танылған жағдайда, тараптардың осы мәміле бойынша барлық алынғандарды қайтаруына жол берілмейді.

Төлемге қабілетсіз қаржы ұйымдарын реттеудің халықаралық тәжірибесіне сәйкес мұндай ұйымдарға қаржылық қызметтерді тұтынушылардың мүдделерін қорғауға бағытталған шаралар (мысалы, төлемге қабілетсіз қаржы ұйымдарының активтер мен міндеттемелерді басқа қаржы ұйымына беру жөніндегі мәміле, міндеттемелерді мәжбүрлеп қайта құрылымдау аясында жасалған мәмілелер және т.б.) қолданылады. Жоғарыда көрсетілген, уәкілетті органның шешімдері негізінде жасалған мәмілелер жарамсыз деп танылған жағдайда, уәкілетті орган қаржы ұйымында туындаған шығындарды Қазақстан Республикасының Азаматтық кодексіне сәйкес өтейді. Бұл ретте банк қызметтерін тұтынушылардың мүдделері үшін мәмілелер жарамсыздығының құқықтық салдарларының қайтымсыздығын заңнамалық бекіту қажет.