«Қазақстан Республикасының кейбір заңнамалық актілеріне қаржы нарығын реттеу мен дамыту және микроқаржылық қызмет мәселелері бойынша өзгерістер мен толықтырулар енгізу туралы»

Қазақстан Ұлттық Банкiне жүктелген функциялардың сапалы және уақтылы орындалуын қамтамасыз ету мақсатында Қазақстан Ұлттық Банкi кез келген жеке және заңды тұлғалардан, сондай-ақ мемлекеттік органдардан қажетті ақпаратты, оның ішінде қызметтік, коммерциялық, банктік және заңмен қорғалатын өзге де құпияны құрайтын мәліметтерді өтеусіз алуға құқылы. Бұл ретте алынған мәлiметтер жария етiлмеуге тиiс.

Мемлекеттік органдар, қаржы және өзге ұйымдар, олардың қауымдастықтары (одақтар), сондай-ақ жеке тұлғалар Қазақстан Ұлттық Банкінің сұратуы бойынша құжаттар, қаржылық есептілікті қоса алғанда, есептілік ұсынуға, және қажет болған жағдайда Қазақстан Ұлттық Банкiнің өз функцияларын орындау үшін қажет өзге қосымша ақпарат ұсынуға міндетті.

Қазақстан Ұлттық Банкiне жүктелген функциялардың сапалы және уақтылы орындалуын қамтамасыз ету мақсатында Қазақстан Ұлттық Банкi кез келген жеке және заңды тұлғалардан, сондай-ақ мемлекеттік органдардан қажетті ақпаратты, оның ішінде қызметтік, коммерциялық, банктік және заңмен қорғалатын өзге де құпияны құрайтын мәліметтерді өтеусіз алуға құқылы. Бұл ретте алынған ақпарат, оның ішінде қызметтік, коммерциялық, банктік және заңмен қорғалатын өзге де құпияны құрайтын мәліметтер жария етiлмеуге тиiс.

Мемлекеттік органдар, қаржылық және өзге ұйымдар, олардың қауымдастықтары (одақтар), сондай-ақ жеке тұлғалар Қазақстан Ұлттық Банкінің сұратуы бойынша құжаттарды, қаржылық есептілікті ұсынуға және қажет болған жағдайда Қазақстан Ұлттық Банкiнің өз функцияларын орындау үшін қажетті өзге де қосымша ақпаратты ұсынуға міндетті.