Қазақстан Республикасында діни экстремизм мен терроризмге қарсы іс-қимыл жөніндегі 2018 – 2022 жылдарға арналған мемлекеттік бағдарлама

Үкіметінің

2018 жылғы _________

№____ қаулысымен

БЕКІТІЛГЕН


Қазақстан Республикасында діни экстремизм мен терроризмге

қарсы іс-қимыл жөніндегі 2018 – 2022 жылдарға арналған

МЕМЛЕКЕТТІК БАҒДАРЛАМА

Астана, 2018 жыл

Әлемде болып жатқан геосаяси өзгерістер ұлттық қауіпсіздік саласында неғұрлым түрлене бастаған және үлкен қауіптілік көздері тарапынан болатын сындар мен тәуекелдердің жаңа спектрін бастамашылдық етеді. Осымен діни экстремизм мен терроризм қатерлерінің жүйелі алдын алу аясындағы міндеттердің күрделілігі мен өзектілігі негізделген.

Осы жағдайларда қолданыстағы діни экстремизм мен терроризмге қарсы іс-қимылдың жалпымемлекеттік жүйесі жеке адамды, қоғамды және мемлекетті экстремистік сипаттағы зорлық-зомбылық көріністерінен және терроризм қатерінен сенімді қорғау тетігін құру аясында одан әрі жетілдіруді қажет етеді.

Осы бағдарлама бесжылдық кезеңге әзірленді және 2013 – 2017 жылдарға арналған бағдарламаның қисынды жалғасы бола тұрып, оны іске асыру тәжірибесін және қорытындысын ескереді.

Бағдарламаны әзірлеу кезінде Норвегияның, Финляндияның, Канаданың, Америка Құрама Штаттары мен Біріккен Араб Әмірліктерінің оң тәжірисі зерделенді және назарға алынды.

Осы елдердің жасағандарын ескере отырып, Бағдарлама экстремистік сипаттағы зорлық-зомбылық көріністері мен терроризмге, радикалдық көзқарастардың ұстанушыларына мақсатты түрде қарсы тұруға бағытталған. Бағдарламада дін мен радикалдану теңестірілмейді, бұл мемлекеттің, қоғам мен діни бірлестіктердің дінге тиесілігіне қарамастан экстремизм мен терроризм қатерлеріне қарсы іс-қимылда бірлігін нығайтуға мүмкіндік береді. Адамдардың радикалдану дәрежесіне байланысты діни экстремизм мен терроризмнің алдын алу түрлері мен әдістері жіктелді. Діни экстремизм мен терроризмнің алдын алуға үкіметтік емес сектордың мүмкіндіктерін белсенді түрде тарту үшін жағдай жасалды.

«Хедая» зорлық-зомбылық экстремизміне қарсы іс-қимыл жөніндегі халықаралық орталықтың ұсынымдарына сүйене отырып, Бағдарламада нысаналы индикаторлар мен көрсеткіштердің шынайы қол жеткізілетін коэффициенттері белгіленді.

Бағдарлама экстремистік сипаттағы зорлық-зомбылық көріністерінің алдын алу және терроризм қатерлерін болдырмау саласындағы өзекті міндеттер мен орын алған проблемаларды шешудің нормативтік-ұйымдастырушылық негізі болып табылады.

Бағдарламаның ережелері азаматтардың ар-ождан бостандығына және олардың діни сенімдерін құрметтеу құқығына Қазақстан Республикасының Конституциясымен кепілдік берілген қолсұғылмаушылықты ескере отырып, әзірленді.

Мемлекеттің, қоғам мен азаматтардың күш-жігері осы Бағдарламаны іске асыру арқылы қоғамда дін саласындағы радикалдық көзқарастарды қабылдамауға, радикалдық пиғылды адамдар санын азайтуға және олардың пайда болуына ықпал ететін факторларды жоюға, терроризм қатерлерінің алдын алу және халықты терроризмге қарсы қорғау деңгейін көтеруге қажетті және жеткілікті жағдай жасауға, оны қалыпта ұстау және дамытуға бағытталатын болады.

Қоғамның жекелеген өкілдері арасында радикалдық көзқарастардың қалыптасуына ықпал ететін сыртқы және ішкі факторларды бейтараптандыру Қазақстан Республикасының әлемнің анағұрлым дамыған отыз мемлекетінің қатарына қосылуы үшін жағдайды қамтамасыз етуі тиіс.


3. Ағымдағы ахуалды талдау
Қазақстан Республикасы ұлттық қауіпсіздікті қамтамасыз ету аясындағы сындар мен тәуекелдерді бейтараптандыру, сондай-ақ экстремистік және террористік көріністердің алдын алудың жалпымемлекеттік жүйесін жетілдіру бойынша ауқымды шараларды іске асыруда.

Қазақстан Республикасының Президенті Н.Ә.Назарбаевтың «Қазақстан жолы – 2050: Бір мақсат, бір мүдде, бір болашақ» атты 2014 жылғы Қазақстан халқына Жолдауында «Мәңгілік Ел» жалпыұлттық патриоттық идеясы ұсынылды.

Жақын мерзімдегі болашақта Қазақстанның дамуын айқындайтын негізгі жүйелі құжат кәсіби мемлекеттік аппаратты қалыптастыруға, Заң үстемдігін қамтамасыз етуге, еліміздің индустрияландырылуы мен экономикалық өсімі үшін жағдай жасауға бағытталған бес институционалдық реформаны іске асыру бойынша 100 нақты қадам – Ұлт жоспары болып табылады.

«Нұрлы жол» инфрақұрылымды дамыту, 2015-2019 жылдарға арналған индустриалдық-инновациялық дамыту мемлекеттік бағдарламалары, «Бизнестің жол картасы 2020» бизнесті қолдау және дамытудың бірыңғай бағдарламасы әлеуметтік-экономикалық проблемаларды түбегейлі жоюға арналған.

Өскелең ұрпақты моральдық-адамгершілік және патриоттық тәрбиелеуді жетілдірудің жүйелі шаралары Білім және ғылымды дамытудың 2016 – 2019 жылдарға арналған мемлекеттік бағдарламасы мен 2020 жылға дейінгі мемлекеттік жастар саясаты тұжырымдамасында қамтылған.

Қазақстандық бірегейлік пен бірлікті нығайтуда негізгі рөл атқаратын, қоғамда тұрақтылық пен келісімге өз үлесін қосатын конституционалдық орган болып табылатын Қазақстан халқы Ассамблеясы институты табысты жұмыс атқаруда. «Үлкен ел – үлкен отбасы» кең көлемді жобасын іске асыру қазақстандықтардың біртектілігін нығайтады және азаматтық қоғамның бүтіндігін қалыптастыру үшін жағдай туғызады.

Халықтың діни сауаттылық және конфессияаралық қарым-қатынастың үйлесімділігі деңгейін арттыруға Дін саласында 2020 жылға дейінгі мемлекеттік саясат тұжырымдамасын іске асыру ықпал етеді.

Қабылданған «Экстремизмге қарсы іс-қимыл туралы» Қазақстан Республикасының 2005 жылғы 18 ақпандағы, «Терроризмге қарсы іс-қимыл туралы» 1999 жылғы 13 шілдедегі Заңдарымен негізгі түсіндіру аппараты және мемлекеттік органдардың құзыреті, сондай-ақ азаматтардың осы саладағы құқықтары мен бостандықтарын қорғаудың негізгі принциптері айқындалды.

2013 – 2017 жылдарға арналған бағдарламаны іске асыру діни экстремизм мен терроризмге қарсы іс-қимылдың жалпы мемлекеттік жүйесін дамытуға мүмкіндік берді.

Халықта экстремизм мен терроризм идеяларын қолданбайтын сананы қалыптастырудың кешенді шаралары жетілдірілді.

Мемлекеттік органдардың діни экстремизм мен терроризмге қарсы іс-қимыл мәселелері бойынша, оның ішінде экстремистік және террористік көріністердің алдын алу, терроризм қатерлеріне ден қою, терроризм актілерінің салдарын барынша азайту және (немесе) жою кезіндегі өзара іс-қимыл жасау механизмдері қалыптастырылды және нормативтік құқықтық актілермен регламенттелді.

Арнаулы мемлекеттік және құқық қорғау органдарының діни экстремизмге және терроризмге қарсы күресудегі іс-қимылын үйлестіру үшін қажетті жағдайлар қамтамасыз етілді. Қуатты құрылымдардың әлеуеті үздіксіз жалғастырылуда.

Халықты және аса маңызды объектілерді терроризмге қарсы қорғау жүйесінің негізгі элементтері қалыптастырылды.

Халықаралық ынтымақтастықты кеңейту шеңберінде Қазақстан Республикасы Біріккен Ұлттар Ұйымының терроризмге қарсы күрес жөніндегі 19 қарары мен басқа да құжаттарының 15-і ратификацияланды.

2017 жылғы 1 қаңтардан бастап Қазақстан Республикасы алдағы екіжылдық кезеңге тұрақсыз мүше ретінде Біріккен Ұлттар Ұйымы Қауіпсіздік Кеңесінің жұмысына кірісті.

Қазақстан Республикасының Президенті Н.Ә.Назарбаевтың Біріккен Ұлттар Ұйымының Қауіпсіздік Кеңесіне мүше мемлекеттерге саяси үндеуін іске асыру шеңберінде Бейбітшілікке, терроризмнен бостандыққа қол жеткізу бойынша тәртіп кодексінің жобасы әзірленді.

Кодекс Біріккен Ұлттар Ұйымы аясында Жаһандық терроризмге қарсы коалицияны (желіні) құруға негіз болады.

Қазақстан Республикасының 1267 және 1988 санкциялық комитеттерге төрағалық етуі Біріккен Ұлттар Ұйымына мүше мемлекеттердің «ДАИШ», «Әл-Каида» және «Талибан» террористік ұйымдарына қарсы іс-қимыл бойынша күш-жігерін нығайтуға себепші болады.

Өңірлік қауіпсіздік арнаулы мемлекеттік және құқық қорғау органдарының Тәуелсіз Мемлекеттер Достастығы Терроризмге қарсы орталығымен, Шанхай ынтымақтастық ұйымының Өңірлік терроизмге қарсы құрылымымен, Ұжымдық қауіпсіздік туралы шарт ұйымымен және Біріккен Ұлттар Ұйымы Есірткі және қылмыс басқармасының, Еуропадағы қауіпсіздік пен ынтымақтастық ұйымы мен Қазақстан Республикасындағы Еуропалық Одақ мүшелерімен белсенді өзара іс-қимылымен қамтамасыз етілген.

Сирия-ирак аймақтарындағы жеңілістен кейін экстремистік және террористік әрекет субъектілерінің өз қатарларын жаңа рекруттармен толтыруға, қосымша қаржыландыру арналарын және көмекші инфрақұрылым қалыптастыруға аса қажеттілігі бар.

Соңғы төрт жылда террористік белсенділік аймағына 440 қазақстандық-рекруттың баруына жол берілмеді (2014 жылы – 136, 2015 жылы – 151,
2016 жылы – 91, 2017 жылы – 62). Қабылданған шараларға қарамастан біздің елдің азаматтарының шетелде террористік әрекеттерге қатысу проблемасы өзекті болып қалуын жалғастыруда.

Жауынгерлердің шыққан елдеріне қайтып оралу процестері аса қауіп төндіруде. Халықаралық террористік ұйымдардың лагерьлерінен, сондай-ақ үшінші елдерде тірек және транзиттік инфрақұрылымынан Қазақстанның 125 азаматы қайтарылды не болмаса өздері оралды, олардың 57-сі террористік әрекетке қатысқаны үшін қылмыстық жауапкершілікке тартылды.

Қазақстандық қоғам санасында конфессияаралық өшпенділік пен алауыздықты ушықтыруға алып келетін, террористік сипаттағы зорлық-зомбылық экстремистік акцияларды бастамашылдық етуге қабілетті радикализм мен терроризм идеяларын қарқынды насихаттау мақсатты түрде қалыптастырылуда.

Интернетте орналастырылатын террористік ұйымдардың ақпараттық-насихат материалдарының техникалық, көркемдік және психологиялық қамтылу сапасының артқаны байқалады. Әлеуметтік желілерді пайдалану халықаралық террористік ұйымдардың эмиссарларына өз аудиториясын айтарлықтай кеңейтуге, жүргізілетін үгіт-насихатты жүйелі негізге ауыстыруға мүмкіндік береді.

Интернеттің және әлеуметтік желілердің пайдаланушыларын терроризмді насихаттау әсерінен оқшаулау мақсатында ақпараттық кеңістікке Қазақстан Республикасы заңнамасының сақталуына қатысты мониторинг жүргізіледі.

Интернетте және әлеуметтік желілерде терроризм мен экстремизмді насихаттайтын 620 мыңнан астам материал (2015 – 150 мың, 2016 – 700 мың) бұғатталды.

Бағдарламаның мақсатына жету мынадай нысаналы индикаторлармен өлшенетін болады:

Бағдарлама мақсатына мынадай міндеттерді шешу жолымен қол жеткізіледі:

1) қоғамда радикалдық идеологияға деген иммунитетті және радикалдық көріністерге мүлдем төзбеушілікті қалыптастыруға бағытталған діни экстремизм мен терроризмнің алдын алу шараларын жетілдіру:

2) Қазақстан Республикасы халқының радикалдануына сыртқы факторлардың ықпал етуін төмендету:

3) діни экстремизм мен терроризмнің фактілерін, оның ішінде арнаулы мемлекеттік және құқық қорғау органдарының қызметін қамтамасыз ету жүйесін жетілдіру арқылы анықтау мен жолын кесудің тиімділігін арттыру:

4) діни экстремизм мен терроризм актілеріне ден қою, сондай-ақ олардың салдарын барынша азайту және (немесе) жою жүйесін жетілдіру:

Мақсаттар, міндеттер және нәтижелер көрсеткіштеріне Бағдарламаға

1. Қоғамда радикалдық көріністерге мүлдем төзбеушілікті және радикалдық идеологияға деген иммунитетті қалыптастыруға бағытталған діни экстремизм мен терроризмнің алдын алу шараларын жетілдіруге:

1) жүргізілетін ақпараттық-түсіндіру іс-шараларының сапасын:

радикалдық идеологияға деген иммунитетін қалыптастырудың тиімді түрлері мен әдістерін барлық деңгейдегі ақпараттық-түсіндіру жұмыстары субъектілерінің қызметіне енгізу;

ақпараттық-түсіндіру жұмыстары субъектілері жұмыскерлерінің ақпараттық ықпал ету технологияларына кәсіби құзыреттерін арттыру;

ақпараттық-түсіндіру жұмыстары субъектілерін теолог-мамандармен толықтыру;

діни қатынастар саласындағы радикалдық идеологияға деген иммунитетті және радикалдық көріністерге мүлдем төзбеушілікті қалыптастыруға, сондай-ақ радикалсыздандыруға бағытталған ақпараттық-түсіндіру және қарсы насихат жұмысында пайдаланылатын қарсы насихат және әдістемелік материалдардың электрондық базасын құру және дамыту;

діни ахуалды жақсарту мәселелерінде нақты қол жеткізулерді көрсете отырып жүргізілетін профилактикалық жұмысты бағалау есебінен арттыру;

2) тіркелмеген діни топтармен және қауымдармен, оның ішінде радикалдық идеологияға деген иммунитетті қалыптастыруға және діни араздықты немесе алауыздықты өршітуге жол бермеуге бағытталған діни бірлестіктерді тарта отырып, ақпараттық-түсіндіру жұмыстарын ұйымдастыру;

3) бұқаралық іс-шараларды (дөңгелек үстелдер, семинарлар), ғылыми-қолданбалы, талдамалық, әлеуметтік зерттеулерді, бұқаралық ақпарат құралдары өнімдерінің және өзге де ақпараттық материалдарды сараптамалық зерттеулерді өткізуді, сондай-ақ ақпараттық материалдарды дайындауды (топиктер, буклеттер, роликтер) көздейтін терроризм мен діни экстремизмге қарсы күрес мәселелері бойынша мемлекеттік тапсырысты орналастыру;

4) орта, техникалық және кәсіптік, жоғары білім беру ұйымдарында оқитындарды рухани-адамгершілікке, оның ішінде үкіметтік емес секторды тарта отырып тәрбиелеу бойынша іс-шараларды өткізу;

5) Интернет және әлеуметтік желілер арқылы радикалдық идеологияға деген иммунитетті, діни қатынастар саласындағы радикалдық көріністерге мүлдем төзбеушілікті қалыптастыруға және радикалсыздандыруға бағытталған ақпараттық-түсіндіру жұмыстарын жүргізу, оның ішінде мынадай жолдармен:

діни алауыздықты немесе араздықты қоздыруға, терроризм мен экстремизм идеяларын насихаттау түрлерін, әдістері мен тәсілдерін әшкерелеуге бағытталған терроризм мен экстремизм идеяларының қауіптілігін түсіндіру;

мемлекеттік әлеуметтік тапсырыс, сондай-ақ діни бірлестіктер арқылы үкіметтік емес ұйымдарды тарту;

жаңалықтарды жариялайтын порталдарда және әлеуметтік желілерде, оның ішінде танымал блогерлер мен қоғамдық пікір жетекшілері арқылы ақпараттық-түсіндіру және қарсы насихат материалдарын тарату;

жастар үшін ақпараттық-түсіндіру және қарсы насихат материалдарының көрнекі әдістерін (роликтер, бейнематериалдар), ойын элементтері мен интерактивтік әдістерді пайдалану;

әлеуметтік желілерде аккаунттарды сүйемелдеуді және экстремизмге қарсы тақырып бойынша мемлекеттік органдардың, ғылыми-сараптамалық қоғамдастық пен діни бірлестіктер өкілдерінің сөздерін бейнехостингтерге орналастыруды ұйымдастыру;

6) «Журналистика», «Тарих», «Саясаттану» және «Әлеуметтану» мамандықтары бойынша оқу бітірген студенттерде ақпараттық-түсіндіру мен қарсы насихат жұмыстарын жүргізу дағдыларын қалыптастыру;

7) діни экстремизм мен терроризм профилактикасын жетілдіру, оның ішінде Интернет желісін пайдалана отырып мынадай мәселелер бойынша:

Қазақстан халқының дін саласындағы мемлекеттік саясатты бағалауы;

қоғамдық санада экстремизм қаупінің, сондай-ақ діни экстремизм мен терроризм идеологиясын қарсы насихаттау тиімділігі дәрежесінің көрініс табуын әлеуметтік зерттеулердің нәтижелері бойынша ұсыныстар әзірлеу;

8) халыққа діни қатынастар саласында консультативтік көмек көрсету бойынша бірыңғай республикалық «114 - қауырт желісінің», радикалдық идеологиядан зардап шеккен адамдарды әлеуметтік оңалту және бейімдеу орталығының жұмыс істеуін қамтамасыз ету, сондай-ақ сотталған адамдармен және олардың жақын ортасымен жұмыс жүргізу үшін өңірлерде оның өкілдіктерін құру;

9) қылмыстық-атқару жүйесінің мекемелерінде теологиялық оңалту жұмысын ұйымдастыру жөніндегі бөлімшенің қызметін жетілдіру және қылмыстық-атқару жүйесінің мекемелерінде жазасын өтеп жатқан сотталған адамдармен, оның ішінде радикалдық идеологияға деген иммунитетті қалыптастыруға бағытталған діни бірлестіктердің қатысуымен ақпараттық-түсіндіру жұмыстарын ұйымдастыру;

10) экстремистік және террористік идеологияның құқық қорғау және арнаулы мемлекеттік органдарға, сондай-ақ Қарулы Күштерде, басқа да әскерлер мен әскери құралымдарда қызмет өткеретін әскери қызметшілер ортасына енуінің алдын алу, оның ішінде:

құқық қорғау және арнаулы мемлекеттік органдар, сондай-ақ әскери бөлімдердің аумақтарында және әскери қалашықтардың тұрғын аймақтарында діни іс-әрекет пен діни әдебиеттің және діни сипаттағы өзге де ақпараттық материалдардың таралуының жолын кесу;

экстремистер мен террористердің өз іс-әрекетіне құқық қорғау және арнаулы мемлекеттік органдардың қызметкерлерін, сондай-ақ әскери қызметшілерді тарту әрекеттерін анықтау және жолын кесу;

әскери қызметшілер, құқық қорғау және арнаулы мемлекеттік органдардың қызметкерлері арасында діни экстремизм және терроризм идеяларының таралуының алдын алуға бағытталған тәрбиелік және идеологиялық жұмысты күшейту жолымен қол жеткізілетін болады.

1) ведомстволық курстарда, шет мемлекеттердің оқу орталықтары мен мекемелерінде діни экстремизм мен терроризмге қарсы іс-қимыл субъектілерінің кадрлық құрамының кәсіби біліктілік деңгейін арттыру;

2) ішкі істер органдарының жоғары оқу орындары жедел және тергеу бөлімшелерінің қызметкерлерін оқыту және біліктілігін арттыру бағдарламаларына террористік сипаттағы қылмыстарды анықтау, жолын кесу және тергеу мәселелері жөніндегі оқу бағдарламаларын енгізу;

3) экстремизм мен терроризмге қарсы іс-қимылға тартылған ішкі істер органдары бөлімшелерінің штаттық санын көбейту жөнінде шаралар әзірлеу;

4) кинолог-инспекторларды және қызметтік-іздестіру иттерін жарылғыш заттар мен қару-жарақты табу бойынша даярлау бөлігінде кинологиялық қызметті дамыту, оның ішінде Қазақстан Республикасы Ішкі істер министрлігінің кинологиялық орталығы базасында Қазақстан Республикасының ішкі істер органдары мен Ұлттық ұланның кинолог мамандарын және қызметтік иттерін даярлау мен қайта даярлау курстарын ұйымдастыру және жүргізу арқылы;

5) сотталған адамдарды (дактилоскопиялық, геномдық және фото есептер) криминалистік есепке алуды қалыптастыру;

6) Қазақстан Республикасы Ұлттық қауіпсіздік комитетінің, Мемлекеттік күзет қызметінің, Ұлттық ұланының және Ішкі істер министрлігінің экстремизм мен терроризмге қарсы іс-қимылды жүзеге асыратын бөлімшелерін заманауи қару-жарақпен, арнайы техника және құралдармен жарақтандыру, оның ішінде материалды-техникалық жарақтандыруды қамтамасыз ету;

7) учаскелік полиция инспекторлары бөлімдерін материалды-техникалық жарақтандыру және инфрақұрылымдарын нығайту;

8) экстремистік және террористік іс-әрекетті қаржыландыру фактілерін анықтау және жолын кесу кезінде уәкілетті, құқық қорғау және арнаулы мемлекеттік органдарының өзара іс-қимыл деңгейін арттыру;

9) қоғамдық тәртіпті елді мекендер аумағын ішкі істер органдары жедел басқару орталықтарының бейнебақылау жүйесімен қамту және интеграциялау есебінен қамтамасыз етудің жекелеген тетіктерін жетілдіру;

10) қылмыстық-атқару жүйесі мекемелерінде мақсатты жедел-іздестіру және профилактикалық іс-шараларды ұйымдастыру және өткізу жолымен қол жеткізіледі.
4. Экстремизм мен терроризм актілеріне ден қою, сондай-ақ олардың салдарын барынша азайту және (немесе) жою жүйесін жетілдіруге:

1) терроризмге қарсы операцияларды өткізуге, терроризм актісінің салдарын барынша азайтуға және (немесе) жоюға арнаулы мемлекеттік және құқық қорғау органдары бөлімшелерінің күштері мен құралдарының дайындығын түрлі деңгейдегі терроризмге қарсы оқу-жаттығулар, машықтанулар мен эксперименттер өткізу арқылы қамтамасыз ету;

3) дағдарыстық жағдайларда тұрғындарды шұғыл хабарландырудың техникалық іске асырылуын, шұғыл қызметтің үздіксіз жұмысын қамтамасыз ету;

4) терроризм актісі көріністерінің салдарын барынша азайту және (немесе) жою аясындағы жұмыстың тиімділігін арттыру;

5) терроризм актісі (актілері) көріністерінің салдарын барынша азайтуға және (немесе) жоюға жұмылдырылатын мемлекеттік органдардың бөлімшелерін материалдық-техникалық құралдармен жарақтандыру;

6) террористік тұрғыдан осал объектілердің (бұдан әрі – ТТО объектілер) қауіпсіздік жүйелерін:

ішкі істер органдарының қызметкерлері үшін ТТО объектілердің терроризмге қарсы қорғалу шараларын қамтамасыз ету қызметін ұйымдастыру мәселелері жөнінде әдістемелік әдістер әзірлеу;

мемлекеттік органдарға ведомстволық бағынысты ТТО объектілерді Терроризмге қарсы қорғалуға қойылатын талаптарға сәйкес техникалық күшейту жұмысын ұйымдастыру, сондай-ақ олардың терроризмге қарсы қорғалу жағдайына бақылау жүргізу;

террористік тұрғыдан осал объектілердің, сондай-ақ оларды күзетуді қамтамасыз ететін күзет қызметі субъектілерінің жеке меншік иелерін, иелерін және басшыларын әкімшілік жауапкершілікке тарту практикасына талдауды жүзеге асыру;

ядролық қондырғылар мен ядролық материалдардың, иондаушы сәуле шығару көздері мен сақтау пункттерінің терроризмге қарсы қорғалу жай-күйін бақылау және қадағалау жүргізу;

ТТО объектілердің басшыларымен (меншік иелерімен, иелерімен) және қызметкерлерімен, сондай-ақ күзет қызметінің субъектілерімен осы объектілердің терроризмге қарсы қорғалуын қамтамасыз ету мәселелері бойынша түсіндіру жұмыстарын жүргізу арқылы нығайту;

7) әскери объектілер мен мемлекеттік мекемелердің қауіпсіздігін:

оқ-дәрілерді және қару-жарақтарды сақтау орындарын күзетуді инженерлік жабдықтау және техникалық құралдармен қамтамасыз ету;

әскери бөлімдердің кезекші қызметтерін, нарядтарын және қарауылдарын жеке қорғаныс құралдарымен қамтамасыз ету арқылы күшейту;

8) терроризм актісі жасалған кездегі терроризмге қарсы іс-әрекет пен іс-қимылды әзірлеу бойынша білім беру ұйымдарының оқушылары мен оқытушыларының қатысуымен оқу және практикалық сабақтар өткізу;

9) адамдар көп жиналатын орындарда халықтың қауіпсіздік деңгейін арттыру үшін профайлинг технологиясын дамыту;

10) терроризм актісінің алдын алуға және жолын кесуге көмектесетін ақпаратты арнаулы мемлекеттік және құқық қорғау органдарына хабарлаған азаматтарды материалдық көтермелеу туралы заңнамалық ережелерді халық арасында түсіндіру жолымен қол жеткізілетін болады.

Мемлекеттік бағдарлама бес жылға есептелген және қаржылық қаражат бөлуді талап етеді.