шартында көрсетілген мөлшерлеме бойынша, сондай-ақ Қарыз алушы үшін
жауапкершілікпен байланысты Кепілгер шеккен өзге де шығындарды
Кепілгердің талабында көрсетілген тәртіппен және мерзімде өтеуге міндетті.
Осы Шартта көрсетілген Кепілгердің банктік шотына ақшаны аудару күні
Қарыз алушының Кепілгерге ақшаны нақты қайтару күні болып есептеледі;
6) Кепілгерден кредит/микрокредит беру туралы шарты бойынша
міндеттемелердің орындалуы, оның ішінде жасалған кредит/микрокредит беру
туралы шарты талаптарының жол берілген бұзушылықтар туралы ақпаратты
беру жөнінде жазбаша сұраным алған кезде оны алған күннен бастап 5 (бес)
жұмыс күні мерзімінен кешіктірмей Кепілгерге сұранымда көрсетілген
ақпаратты жазбаша нысанда беруге;
7) банк деректемелері және (немесе) орналасқан жері өзгерген
кезде 3 (үш) жұмыс күні ішінде МҚҰ/КС және Кепілгерді жазбаша түрде
хабардар етуге;
8) Кепілгердің алдын ала мақұлдауымен қосымша кепіл ретінде
кредит/микрокредит беру туралы шартқа сәйкес алынған мүлікті ұсынуға;
9) Кепілгердің шешімімен кредит/микрокредит беру туралы шарт
бойынша алынатын жылжымалы мүлікті сақтандыруды жүзеге асыруға;
10) осы Шарт бойынша өз міндеттемелерін орындамаған және (немесе)
тиісінше орындамаған жағдайда МҚҰ/КС пен Кепілгердің алдында барлық өз
мүлкімен жауапты болуға;
11) Кепілгердің бірінші талабы бойынша Кепілгерге Қазақстан
Республикасының салық заңнамасына сәйкес салықтық құпия болып
табылатын, Бағдарламаның тиімділігін мониторингтеу үшін Кепілгер
пайдаланатын мынадай:
кірістер;
жұмыскерлер саны;
жұмыскерлердің есептелген кірістері және жеке тұлғаларға өзге де
төлемдер бойынша шығыстар;
бір жұмыскерге орташа айлық жалақы;
салықтық төлемдер сомасы туралы мәліметтерді Кепілгерге беруге
Қазақстан Республикасы Мемлекеттік кірістер комитетінің келісім беруі туралы
өтінімді ұсынуға міндетті.
16. МҚҰ/КС:
1) кредит/микрокредит беру туралы шарттың талаптары өзгерген кезде
(Кепілгер жауапкершілігінің ұлғаюына немесе Кепілгер үшін өзге де қолайсыз
салдарларға әкелетін) дереу, алайда кез келген жағдайда кредит/микрокредит
беру туралы шартқа өзгерістер енгізілген күннен кейінгі 10 (он) жұмыс күні
мерзімінен кешіктірмей Кепілгерге бұл туралы жазбаша хабарлауға міндетті.
Кредит/микрокредит беру туралы шартқа Кепілгер жауапкершілігінің
ұлғаюына немесе Кепілгер үшін өзге де қолайсыз салдарларға әкелетін
өзгерістер енгізілген кезде МҚҰ/КС Кепілгерден сол өзгерістерді енгізуге
алдын ала жазбаша келісім алуға міндетті.
Шарттың осы тармағының екінші абзацында көрсетілген өзгерістер
Кредит/микрокредит беру туралы шартқа Кепілгердің алдын ала жазбаша
келісімінсіз енгізілген жағдайда, кепілдік тоқтатылады;
2) Кепілгерден кредит/микрокредит беру туралы шарт бойынша
міндеттемелердің орындалуы, оның ішінде жасалған кредит/микрокредит беру
туралы шарт талаптарының жол берілген бұзушылықтары туралы ақпарат беру
жөнінде жазбаша сұраным алған кезде оны алған күннен бастап 5 (бес) жұмыс
күні мерзімінен кешіктірмей Кепілгерге сұранымда көрсетілген ақпаратты
жазбаша нысанда ұсынуға;
3) Қарыз алушының кредит/микрокредит беру туралы шарты бойынша
өз міндеттемелерін толық көлемде орындағаны (оның ішінде міндеттемелерін
мерзімінен бұрын орындаған жағдайда) туралы 5 (бес) жұмыс күні мерзімінен
кешіктірмей Кепілгерге жазбаша хабарлауға;
4) осы Шартта белгіленген жағдайларда Кепілгерге осы Шартта
белгіленген тәртіппен және мерзімде ақшаны қайтаруды жүзеге асыруға;
5) Кепілгер кепілдік бойынша міндеттемелерді орындаған жағдайда
Кепілгерден МҚҰ/КС алған барлық сома кредит/микрокредит шарты бойынша
негізгі борышты, оның ішінде мерзімі өткен негізгі борышты, өтеуге жіберілуі
тиіс;
6) Кепілгер кепілдік бойынша міндеттемелерді орындаған жағдайда
осы Шарттың 31-тармағын орындағаннан кейін 20 (жиырма) жұмыс күні
мерзімінен кешіктірмей Кепілгерге МҚҰ/КС-тің Қарыз алушыға талап қою
құқығын куәландыратын құжаттар мен ақпаратты беруге және Кепілгерге бұл
талаптарды қамтамасыз ететін құқықтарды осы Шартта белгіленген көлемде
беруге міндетті. МҚҰ/КС-тің құжаттары Кепілгерге түпнұсқаларда, ал мұны
жасау мүмкін болмаған жағдайда нотариат куәландырған көшірмелер түрінде
тапсырылады. Құжаттарды МҚҰ/КС-тен Кепілгерге тапсыру құжаттарды
қабылдау-тапсыру актісін жасаумен жүзеге асырылады;
7) Қарыз алушы кредит/микрокредит беру туралы шарты бойынша
негізгі борышты төлеу бойынша өз міндеттемелерін орындамаған (тиісінше
орындамаған) жағдайда Кепілгерге осы Шартта белгіленген тәртіппен және
мерзімде Қарыз алушының кредиттік досьесіне мониторинг жүргізу үшін
қолжетімділік беруге;
8) Кепілгердің кепілдікті орындау нәтижесінде алған құқықтарын
жүзеге асыруға кедергі келтірмеуге;
9) осы Шартта белгіленген өзге де міндеттемелерді тиісінше
орындауға;
10) осы Шартқа 1-қосымшаға сәйкес Кепілгермен белгіленген жауапты
орындаушыға, қаржылық есеп, берілген кредит/микрокредит бойынша
кредиттік портфель жайлы ақпаратты, жазбаша түрде және қосымша
электрондық мекенжайға айдың 1-нен кешіктірмей, келесі айдың есеп беру
кезеңіне ұсынуға;
