Астана аќшамы

Өкешқызы Г.

Студенттерге арналған мекеменің салтанатты ашылу рәсіміне Астана қаласы Ішкі саясат басқармасының бастығы Болат Тілепов пен университеттің ректоры Айтбай Бұлашев қатысып, сөз сөйледі.

Студенттер қалашығының аумағында орналасқан «Нұр» мейрамханасының бесінші қабатындағы бұл орталықта келушілерді қабылдайтың кабинеттер, УЗИ-диагностика аппараты, физиотерапия, ЭКГ кабинеттермен бірге емдеу-алдын алу және массаж жасауға арналған кабинеттер, жеке тренажерлік залы мен асханасы, сондай-ақ 4 палата және 20 жатын орны да бар. Заманауи медициналық құрал-жабдықтармен, атап айтсақ, ультра жоғары жиілікті терапия құралы, «Искра» дорсонвализация аппараты, лазерлік терапияға арналған құрал, портативті ингалятор, магниотерапияға арналған МАГ-3 жене ультра күлгін сәулемен емдеу аппараттармен жабдықталған орталықта тәжірибелі терапевт, физиотерапевт, УЗИ-диагностика дәрігерлер мен денсаулық сақтаудың орта буын қызметкерлері жұмыс істейді.

Университет ректорының айтуынша, жабдықтарды сатып алуға университет бюджетінен 10 млн теңге қаржы жұмсалған. Дұрыс тамақтанбайтың, иммундық жүйесі төмендеген, басқа да көптеген созылмалы аурулары бар, диспансерлік есепте тұрған студентердің денсаулығын жақсартуға бағытталған бұл орталықта жыл сайын 500-ге жуық студенттің денсаулығын жақсартуы үшін барлық мүмкіндіктер қарастырылған.