Қаратөбе аудандық білім беру бөлімі Қаратөбе мектеп-гимназиясы

Бекітілді: ________________

1. 
   Төлқұжат
   

Атауы: Қаратөбе мектеп-гимназиясының «Ақпарат орталығы» мектепішілік бағдарламасы (әрі қарай бағдарлама)

Бағдарламаның негізі

• 
  Қазақстан Республикасының Конституциясына,
  
• 
  ҚР Президенті Н.Назарбаевтың Қазақстан халқына Жолдаулары,
  
• 
  ҚР "Білім туралы" заңына,
  
• 
  ҚР "Білім" мемлекеттік бағдарламасына,
  
• 
  Оқу-әдістемелік жұмыстарды ұйымдастыру ережесі (ҚР БҒМ-нің 2007 жыл 29 қарашадағы №583 бұйрығымен бекітілген)
  
• 
  Бірыңғай ақпараттық білім жүйесін ұйымдастыру ережесі (ҚР БҒМ-нің 2008 жыл 3 қазандағы №548 бұйрығымен бекітілген)
  
• 
  ҚР білім жүйесіндегі нормативтік-құқықтық құжаттарға
  

Бағдарламаны негізгі әзірлеуші: Қаратөбе мектеп-гимназиясы

Орындалу мерзімі: 2 жыл

2. 
   Кіріспе
   

Жаңа экономикалық және әлеуметтік-мәдени жағдайларда Қазақстандық білім беру жүйесінің алдында тұрған білім беру сапаларын арттыруға, стратегиялық міндеттерді шешуге бағытталған түбегейлі қайта өзгертулер педагогикалық үрдіске жаңа талаптар жүктейді.

ХХІ ғасырда әлем өркениеті жаңа даму кезеңіне қадам басты. Бұл кезең кез-келген мемлекеттің даму деңгейін табиғат ресурстарымен емес, интеллектуалдық, шығармашылық потенциалымен, ғылымда жаңа технологияларды меңгеру, өндіру жетістіктерімен анықтайды. Осы тұрғыда білім беру жүйесінің тиімділігін арттыру жолдарын іздестіру ақпараттық білім кеңістігін қалыптастыруға алып келеді.

Білім берудің жаңаруы жағдайындағы инновациялық үрдістер осы бағдарламаны жасаудың қажеттілігін тудырды. Бұл бағдарлама Қаратөбе мектеп-гимназиясының жұмысының жүйелі қалыптасуын қамтамасыз ететін негіз болады.

3. 
   Қаратөбе мектеп-гимназиясы ақпараттық қызметінің
   

Оқу үрдісінде мектептің жұмыстық оқу жоспарының вариативті бөлігінің есебінен 5-6 сыныптарға «Компьютер әліппесі» курсы енгізілген. 7-11 сыныптар базалық компонент негізінде информатика курсын оқиды. ҚР Президентінің әкімшілігінің республика мектептерінің оқу жоспарына оқушылардың Интернетті пайдалану сағат мөлшерлерін қосу туралы 2008 жылғы 26 желтоқсандағы №340-2 тапсырмасын және БҚО білім басқармасының «Интернетті пайдалану мүмкіндігін арттыру» сабағын енгізу туралы 12.02.2009 жылғы №61 санды бұйрығын, Қаратөбе аудандық білім беру бөлімінің 20.02.2009 жылғы №28 §1 бұйрығын орындау мақсатында 8-11 сыныптарда 0.25 бірлік «Ақпарат сауаттылығы» курсы жүргізіледі. Мектеп түлектері БҚОПКБАжҚДИ-ның ұйымдастырумен өтетін «ҰБТ-ға дайындық жолдарын жетілдіру» жобасының аясында өткен «ON LINE» режимінде өткізілген консультациясына қатысты. Мектеп оқушылары мен мұғалімдері «ON LINE» режиміндегі интерактивті сабақтарға қатысып отырады.

Мектептің барлық мұғалімі ҚР ақпараттық теңсіздікті төмендету бағдарламасының шеңберінде компьютерлік сауаттылықтың толық оқу курсын аяқтап, сертификат алған. Оқу-тәрбие үрдісіне ақпараттық-коммуникативтік технологияны енгізу мектеп жағдайында өріс алған. Мұғалімдер өз сабақтарында ақпараттық технологияының мектеп жағдайындағы барлық мүмкіндіктерін толығымен пайдаланады. Өткен оқу жылында облыстық педагогикалық кадрлардың біліктілігін арттыру және қайта даярлау институтының базасында өткізілген «Оқытуда АКТ-ны қолдану. Алыс қашықтықтан оқытудың желілік базалық оқу материалдарын құрудың мүмкіндіктері. MOODLE вертуалды объективті бағытталған оқу жүйесін қолдану арқылы оқу курстарын жасақтау» тақырыбындағы оқу курсына мектептен 5 мұғалім қатысып, мектепте осы тақырыпта аудандық білім беру бөлімінің политехникалық пәндер жөніндегі әдіскерінің өткізуімен әдістемелік оқыту семинары ұйымдастырылып, мектептің барлық мұғалімдері қамтылды. Пән мұғалімдері MOODLE бағдарламасын өз сабақтарына шығармашылықпен қолданып келеді. Оқу жылының соңында біліктілік санатын көтеруге өтініш білдірген мұғалімдердің көрнекі сабақтарына қатысқан аудандық аттестациялық комиссияның мүшелері АКТ-ның қолданылу деңгейінің оң көрінісін бағалады. Мұғалімдердің озық сабақ үлгілері озат педагогикалық тәжірибе ретінде аудандық білім беру бөлімінің жасақтаған үлгілі сабақтар жинағына (Аубекерова, Қалкенова) және мектепішілік озат сабақтар үлгісі топтамасымен (Жұмағалиева, Сүлейменова, Боранбаева) шығарылды. Мектеп мұғалімдерінің АКТ-ны қолдану деңгейінің көрсеткіші ретінде өткен оқу жылында өткізілген облыстық «Гуманитарлық, жаратылыстану ғылыми тізбектеріндегі мұғалімдер арасында сабақта АКТ-ны пайдаланудың әдістемелік шеберлігі» конкурсында тарих пәнінің мұғалімі А.Жұмағалиева ІІІ орын, биология пәнінің мұғалімі А.Өтемісова «Жаңашыл ұстаз», қазақ тілі пәнінің мұғалімі Б.Жанахметова «Әдіскер ұстаз» номинациясына ие болды. Мектептің информатика пәнінің мұғалімі Ж.Жұмабаева 2009 жылы облыстық орта білім саласын ақпараттандыру орталығының ұйымдастырумен өткен «HTML+CSS-ты оқу және қолдану» тақырыбында курстан өтті.

АКТ-ны мектептің басқару құрылымына енгізу жоспарының негізінде автоматтандырылған жұмыс орны жасақталу үстінде.

Аудандағы инновациялық үлгідегі жалғыз оқу орны гимназияда интерактивті тақтаның болмауы өз салдарларын көрсетіп отыр. Жаңа типтік жобадағы ғимараттың берілуімен осы мәселелер де шешімін табады деп күтілуде.

Мектептің жұмыс сапасын арттыруда мектепішілік ақпараттық орталық жұмысы жұмыс жүйелілігіне қол жеткізуге мүмкіндік береді.

Бағдарламаның басты мақсаты:

• 
  Гимназияның ақпараттық кеңістігін қалыптастыру, басқару қызметі, әдістемелік жұмыс, оқу-тәрбие үрдістерінде ақпараттық-коммуникативтік технологияны тиімді пайдалану, тұлғаның ақпараттық құзыреттілігін қалыптастыру, оқу-тәрбие қызметінің сапалылығын арттыру;
  

Негізгі міндеттері:

1. 
   Ақпараттық-коммуникативтік жүйенің құқықтық-нормативтік базасын жетілдіру
   
2. 
   Мектепішілік ақпараттық желі құру
   
3. 
   Мектепті басқару қызметінің автоматтандырылған орталығын жасақтау
   
4. 
   Педагогикалық кадрлардың ақпараттық мәдениетін арттыруда біліктілігін көтеру курстарына қатысуын қамтамасыз ету
   
5. 
   Мұғалімдердің ақпараттық құзыреттілігін қалыптастыруда әдістемелік семинар, конференциялар, педагогикалық оқулар ұйымдастыру
   
6. 
   АКТ-ны оқу-тәрбие үрдісіне кеңінен енгізу
   
7. 
   Мектептің жұмыстық оқу жоспарының вариативті бөлігінің есебінен қосымша сабақтарға сағат бөлу
   
8. 
   Электронды оқулықпен жұмыс тәжірибесі
   
9. 
   Интернет желісінің мүмкіндіктерін толығымен пайдалану
   
10. 
    АКТ мүмкіндіктері арқылы бақылау, бағалау жүйесін жетілдіру
    
11. 
    Оқыту әдістемесінен электронды әдістемелік жүйе жасақтау
    
12. 
    Мектептің материалдық-техникалық базасын жетілдіріп отыру
    

Білім мазмұнын жаңарту жағдайы білім беру жүйесінің қызметінде өзіндік мәселелерді анықтайды. Солардың бірі – білім беру үрдісінің сапалылығын арттыруда инновациялық үрдістерді енгізу. Бүгінгі күннің талабы тұрғысынан ақпараттық білім кеңістігін құру қажеттілігі – кезек күттірмейтін мәселе. Осы бағытта Қаратөбе мектеп–гимназиясында мектепішілік «Ақпарат орталығы» құрылды. Орталық мектепті басқаруды ақпараттандыру бөлімі, оқыту үрдісін ақпараттандыру бөлімі, мектепті ақпараттандыруды техникалық қамтамасыз ету бөлімдері құрылымдарынан тұрады.

Қаратөбе мектеп-гимназиясы ақпарат орталығы жұмысының негізгі бағыттары:

І бағыт – Басқару қызметі

ІІ бағыт - Әдістемелік жұмыс

ІІІ бағыт - Оқу үрдісі

ІV бағыт - Тәрбие жүйесі

V бағыт – Мектептің материалдық-техникалық базасы

Білім беру жүйесінің жаңару жағдайларына байланысты оқу-тәрбие үрдісін инновациялық бағытта ұйымдастыру қажеттілігі өсіп келеді. Жаңа білім мазмұны мен жаңаша әдістемелік жүйе, мұғалімдердің кәсіби құзіреттілігін қалыптастыру, инновациялық жұмыс жүйесін ұйымдастырудың мектеп жағдайындағы мүмкіндіктері қарастырылған.

12 жылдық білім беру жүйесіне көшудің табалдырығында тұрып, дайындық деңгейіне сараптасақ, құқықтық-нормативтік, ғылыми-әдістемелік қамтумен қатар нұсқаулық-әдістемелік жұмыстар жүргізу кезеңімен жоспарланған. Басқару жұмысына озық технологияларды енгізу арқылы мектептің даму бағытын нақтылау жоспарланған.


Тиімді нормативтік-құқықтық базамен қамтамасыз ету
Білім беру жүйесін жаңарту жағдайында құқықтық-нормативтік, оқу-әдістемелік құжаттармен жалпы білім беру ұйымдарының толықтай қамтылуымен қатар ақпараттық-нұсқаулық жұмыстарды библиографиялық қызмет аясында жүйелі жүргізу

6. Бағдарламаны қаржыландырудың көздері
Қаратөбе мектеп-гимназиясының «Ақпараттық орталық» бағдарламасын қаржыландыру жергілікті бюджеттің білім жүйесіне қарастырған қаржылары шеңберінде жүзеге асады.

7. Бағдарламаны жүзеге асырудан күтілетін нәтижелер
Бағдарлама мектеп жұмысына енгізіліп, мұғалім, оқушы тұлғасының ақпараттық құзыреттілігін қалыптастыруға негіз болады. Білім берудің ақпараттық кеңістігі құрылып, жұмыс барысын жүйелеуге мүмкіндік береді.

Қосымша 1

«Ақпарат орталығы» бағдарламасы бойынша іс-шаралар жоспары

(2009-2010 оқу жылы бойынша)

Қаратөбе мектеп-гимназия мұғалімдерінің

ақпараттық құзыреттіліктерін қалыптастыру бағытындағы жұмыстары туралы м ә л і м е т