Қан жасушалары, химиялық ҚҰрамы

Құмырсқалар Жер шарында кеңінен таралған, тек Қиыр Солтүстік пен Антарктидада ғана кездеспейді. Құмырсқаның он мыңдай түрі бар. 10-суретте құмырсқалардың бірнеше түрлері көрсетілген.

10-сурет – Құмырсқалардың түрлері

Адам іс-әрекетінде құмырсқалардың өзіндік орны бар. Мысалы Оңтүстік Қытайда цитрустық жемістер өсіру барысында зиянкестермен күрес жүргізу үшін тоқымашы-құмырсқаларды пайдаланады.

Сұрақ: Құмырсқалардың пайдасы туралы мысалдар келтіріңіздер.
 Орманда илеудің көп болғаны жақсы. Себебі, құмырсқалар ағаштарға залал тигізетін зиянкес жәндіктермен қоректенеді. Осылайша жасыл желектің дұрыс өсуіне үлестерін қосады. Бір илеу маңындағы 10-даған ағашты тазартады.
Сәуір мен мамыр айлары құмырсқалардың ең белсенді кезі екен. Осыны пайдаланып орманшылар оларды көбейту шараларын жүргізуде. Мамандар илеудің үстіңгі бөлігін қапқа салып ап басқа жерге қояды.
Бір жұп құмырсқаның ұр­пағы бір жыл ішінде 120 миллиондай жәндік, 150 мыңдай жұл­дызқұрт жейді. Ал бір жазда бір илеу құмырсқаның, 5 мил­лион ағаш зиянкестерін жоя­тын­дығына ғалымдардың көзі жеткен. Құмырсқаның тіршілік әрекеті күшті болу үшін 30-35 градус ыстықтық қажет. Бұдан басқа дүниеде бал беретін құмырсқалар да кездеседі. Олар да бал жинау кезінде аралар сияқты жер кезіп, шірне жинайды. Бірақ құмырсқа балы қышқыл болады. Бал беретін құмырсқалар Австралияда және Орталық Америкада кездеседі. Құмырсқа балынан салқын сусындар, емдік дәрі-дәрмектер жасалады. Тіпті осы бал беретін құмырсқаларды ауызға салып кәдімгі шекілдеуікше шағып жейтін де ел бар. Құмырсқа балды ара сияқты ұяда емес, өз бойларында жинайды. Сондықтан бал жинаған кезде құмырсқалар торсықтай болып, семіріп кетеді де, өте дәмді болады

Құмырсқаларды зерттейтін ғылым – мирмекология деп аталады.