7-тақырып. Нәтижеге қол жеткізу технологиялары Практикалық жұмыс №1 Адам биоритмдерін анықтау

Әрбір адамның өмірі туғаннан бастап, жеке үш циклге сәйкес жүретіні туралы теорияның дұрыстығын тексеріңіз: физикалық, эмоциялық және зияткерлік.

Жұмысты орындау үшін күнтізбе және калькулятор қажет.

Жұмыс барысы: туылған күннен бастап анықталған күнге дейін өмір сүрген күндердің жалпы санын есептеңіз: туылған күннен бастап соңғы туылған күнге дейін өмір сүрген күндердің санын анықтаңыз, ол үшін жасыңызды 365-ке көбейтіңіз, «високосный» жылдардың күндердің санын қосыңыз (жасыңызды/4). Содан кейін күнтізбенің көмегімен соңғы туған күннен бастап анықталатын күнге дейінгі күн санын анықтап, барлығының сомасын есептеңіз.

Алынған санды цикл ұзақтығын құрайтын күн санына бөліңіз:

Бүтін саннан тыс қалған күндер саны адамның циклдің қай күнінде екенін көрсетеді. Бұл ретте циклдің бірінші жартысы оң, екіншісі - теріс, көшу күні – сыни болып саналады.

Физикалық цикл – Ф) - 23 күн

Ағзаның ішкі энергиясының көлемін, сондай-ақ төзімділік, белсенділік, реакция жылдамдығы және басқалар сияқты көрсеткіштерді сипаттайды. Сондай-ақ физикалық биоритм ағзаны қалпына келтіру қабілетін, бейімділікті анықтайды. Адамның физикалық жағдайын бағалау міндетті түрде осы биоритмиялық циклді зерттеуді қамтуы тиіс. Әсіресе, бұл үлкен дене жүктемелері күнделікті жұмыстың ажырамас бөлігі болатын спортшылар үшін маңызды. Қолайлы және қолайсыз кезеңдерді анықтау жаттығудың қарқындылық дәрежесін өзгертуге мүмкіндік береді. Осылайша, адам жарақаттан құтылып, өзінің ішкі ресурстарын барынша тиімді пайдалана алады.

Эмоциялық цикл – Э) - 28 күн

Бұл биоритм ішкі эмоционалдық жағдайды анықтайды. Оның циклының ағымына тікелей адамның сезімталдығы, оның қабылдауы, сондай-ақ күнделікті өмірді сүйемелдейтін сезімдер мен эмоциялардың барлық спектрі байланысты. Сондай-ақ, шығармашылық қабілеттер мен интуитивті білім үшін жауап береді. Рухани биоритмнің отбасылық және махаббат қатынастарына әсері өте анық. Өйткені оның циклы мазасыздануға бейімділікті, осалдықты және реніштікті анықтайды, бұл факторлар екі жақын адамдардың қарым-қатынасына елеулі әсер етуі мүмкін.

Зияткерлік цикл (И) – 33 күн

Бұл биоритмикалық цикл адамның ақыл-ой қабілетін сипаттайды. Интеллектуалдық биоритм синусоидасының жағдайына ойлау қабілеті, логикалық қорытынды жасау, фактілерді салыстыру, өзара байланыс табу қабілеті байланысты. Бұдан басқа, бұл биоритм адамның іс-әрекетінің рационалдығын анықтай отырып, сақтыққа жауап береді. Әсіресе, зияткерлік кәсіптегі адамдар – мұғалімдер, жазушылар, журналистер, қаржыгерлер және т. б. циклдің өзгеруін сезінеді.