5В071200 «Машина жасау» 5В072400 «Технологиялық машиналар және жабдықтар»

Сығу деформациясына сынауға куб немесе цилиндр пішінді үлгілер пайдаланылады (III.11-сурет). Цилиндр пішінді үлгі бойлық сығушы күш әсерінен иіле деформацияланып, орнықтылығын жоғалтпас үшін оның биіктігін диаметрінен үш есе үлкен немесе одан шамалы кіші етіп қабылдайды. Үлгілер арнайы сығу престерінде сыналады. Сынау нәтижелері үлгі мен престің жанасу беттерінің арасындағы үйкеліске тәуелді. Үйкелісті азайту үшін жанасу беттеріне парафин жағылады. Пластикалық материал — аз көміртекті болаттың сығу диаграммасы III.12,а-суретте көрсетілген.

Кернеу аққыштық шегінен үлгі қирамай, үлкен пластикалық деформацияға ұшырап, бастапқы пішінін өзгертеді (III.12, б-сурет). Көлденең қима ауданының ұлғаюына байнысты үлгінің сырткы күшке қарсыласу кабілеті артып, диаграмма кілт жоғары бұрылады. Сондықтан, бұл диаграммадан беріктік шегі, қалдық салыстырмалы сығылу сияқты механикалық сипаттамаларды алуға мүмкіндік жоқ.