5. мемлекеттік басқару жүйесін қалыптастырудың негізгі қАҒидалары

Экономикалық әдістерді тәжірибе жүзінде қолданудың құқықтық алғышарты – шаруашылық субъектілер мен заңды тұлға құқықтарының мойындалуы болып табылады, яғни іс-әрекет етуші заңнаманы сақтай отырып өз атынан келісім-шартқа отыруға құқылы екендігін мойындау.

Нарықтық қатынастар жағдайында әкімшілік-құқықтық және экономикалық әдістердің сәйкестігі соңғысының үлесіне қарай өзгереді. Мемлекет экономиканың жеке меншік секторының белсенділігіне және ұлттық капиталдың қалыптасуына көмек көрсетуге міндетті. Экономикалық әдістерді дұрыс ұтымды қолдану, мемлекеттік аппарат қызметінде экономикалық білім мен экономикалық ойлаудың қажетті деңгейінің болуымен байланысты.

Идеологиялдық (моральдық) әсер ету әдістері тұлғаның қалыптасуымен, жаңа ұрпақ адамының тәрбиесімен байланысты. Аталмыш әдістерінің мәні Қазақстанның 2030 жылға дейінгі даму кезеңінің стратегиялық міндеттері мен басымдылығы негізінде өседі. өз ұлтының дәстүрлерін сақтай отырып азаматтардың жаңа ұрпағы қазіргі нарықтық экономика жағдайында қызмет жасайтын болады: өз елінің патриоттары болады, қазақ, орыс және ағылшын тілдерін бірдей меңгеретін болады. Бұл әдістер бағыты мен жеке меншік нысандары бойынша әр түрлі мекемелер мен ұйымдарда қолданылады. Идеологиялық (моральдық) әдістердің тәрбиелік маңызы мен олардың басқару тәжірибесінде қолдануы көп ұлтты тұрғындар құрамы бар Қазақстанның мемлекеттік органдары үшін ерекше мәнге ие болады. Мұнда ең бастысы барлық ұлт өкілдерінің тең мүмкіндіктер негізінде өздерінің құқықтары мен бостандықтарын жүзеге асыруда өздерінің ҚР-сы азаматтары қатарына жататындығын мақтан ету сезімін қалыптастыруда сенімділікті тәрбиелеу міндеттерін шешу болып саналады.