2013 жылғы түлектердің жұмысқа орналасу нәтижесі жөнінде Анықтама

Комиссия мүшелері төмендегідей жұмыстарды тексерді:

1. 
   Жұмыспен қамту мәселесі және сараманды ұйымдастыру бөлімінің ережесі, бөлім қызметкерлерінің қызметтік нұсқаулығы;
   
2. 
   Педагогикалық және педагогикалық емес мамандықтар үшін сараман базасының келісімшарттары;
   
3. 
   Бөлімнің жұмыс жоспары;
   
4. 
   Бөлімнің жылдық есебі;
   
5. 
   Университет түлектерінің жұмысқа орналасу есебі.
   

2012-2013 оқу жылында университетті 624 студент тәмамдады: соның ішінде 314-і – педагогикалық мамандық бойынша, ал 310 студент педагогикалық емес мамандық бойынша.

Бітіруші түлектер мамандықтар бағыты бойынша жұмысқа орналасуы төмендегідей: түлектердің - 50,2%-ы «Білім» бағытында, 14,1%-ы – «Әлеуметтік ғылым және бизнес» бағытын, «Гуманитарлық ғылымдар» - 6,3%-ы, «Өнер», «Құқық»- 15,2%, «Жаратылыстану ғылымдары» - 5,2%, «Қызмет көрсету», «Техникалық ғылым және технология» - 6,6%.

2012-2013 оқу жылының қорытындысы бойынша 492 түлек немесе 79 %-ы жұмысқа орналасты, соның ішінде 45%-ы мемлекеттік тапсырыс бойынша, ал 55% - ақылы негізде білім алған болатын. Педагогикалық мамандықтар бойынша – 314 адам бітірді, соның 263-(84%) і – жұмыспен қамтылды, олардың - 205 (70,09%) мемелекеттік тапсырыс бойынша, ал 66 (29,9 %) ақылы негізде білім алды. Педагогикалық емес мамандықтар бойынша – 311 түлек оқуын аяқтады, соның 229 (74%) жұмысқа орналасты. Мансап орталығымен университет түлектерін жұмыспен қамту бағытында облыс көлемінде педагогикалық және педагогикалық емес мамандықтардағы жас мамандар қажет жұмыс орындарын іздеу бағыты; студент-түлекке көмек ретінде жұмысқа орналасу заңдылығының негізі, мамандардың жұмысқа орналасу жөніндегі ҚР Үкіметінің қаулылары және өз бетімен жұмысқа орналасу жөнінде ақпарат көздері жинақталып, жас мамандарға әлеуметтік қолдау көрсету, бос орындар жөнінде ақпарат беру, бос орын лауазымдары байқауы; түлектердің республикалық жас мамандарды жұмыспен қамту орталығының сайтымен таныстыру жұмыстары жоспарлы түрде жүргізіліп отырады;

Дәстүрлі түрде бітіруші курс студенттері, облыс және қала бойынша ұйым және мекеме өкілдерінің қатысуымен «Мансап күні» өткізіледі, мұнда студенттер жұмыс берушілердің негізгі жұмыс талабымен таныса отырып, қызығушылық танытқан ұйым өкіліне түйіндемесімен бара алады. Түлектерді дербес түрде жұмысқа орналастыру Батыс Қазақстан және Атырау облыстарының білім және мәдениет бөлімдері, Орал қаласының білім және мәдениет бөлімдерінің қатысуымен жүргізіледі.
Ескерту:

1. 
   Мансап орталығының және кафедралардың жұмыспен қамту жөніндегі жұмыстарын жинақтап, орталық өкілдерінің қатысуымен кураторлық сағаттар өткізу;
   
2. 
   Мансап орталығы мен кафедралар арасында жұмысқа орналасқан түлектермен өзара қарым-қатынас жасау механизмі жеткілікті түрде жүргізілмеген.
   

Ұсыныстар:

1. 
   Педагогикалық емес мамандықтардың болашақта жұмысқа орналасуына бағытталған шаралар санын көбейту;
   
2. 
   Түлектердің жұмысқа орналасуына көмектесетін ақпараттық-консалтингтік жұмыс жүргізу үшін әдістемелік құралдар даярлау; студенттерді жұмыс іздеу әдісіне үйрету, олардың еңбек нарығына үйренісіп кетуі үшін психологиялық дайындық жүргізу; жұмысқа орналасу жөнінде студенттерге құқықтық кеңес беру;
   
3. 
   Жұмыспен қамту жөнінде қалған негізгі сәттерді (бос орын, ұсыныстар, байқаулар) университеттің «Өркен» газетінде, сонымен қатар университет түлектеріне арналған стендтерде көрсетіп отыру қажет.
   
4. 
   Бітіруші түлектер арасында олардың тілектердің ескере отырып, жұмыспен қамту жөніндегі сұрақтар бойынша сауалнама жүргізу.
   
5. 
   Жұмыспен қамту жөніндегі есепті мүмкіндік болса, қазан айында емес, қараша (желтоқсан) айында тыңдау.