189 орта мектеп Тақырып: Оқушыларды жас ерекшеліктеріне сай оқытуда танымдық қабілеттерін анықтау Міндеттер

Тақырып: Оқушыларды жас ерекшеліктеріне сай оқытуда танымдық қабілеттерін анықтау

Міндеттер:
-Оқытудың топтық жұмыс барысында жаңа әдіс-тәсілдерді дамыту;
- Оқушылар бойында ынтымақтастық оқу, бірлескен жұмыс және өзіндік білім алу дағдыларын қалыптастыру;
- Оқушыларды Блум таксономиясына сәйкес тапсырмалармен жұмыс жасауға дағдыландыру.

Күтілетін нәтиже: Оқушылардың әрқайсысының ерекшеліктеріне орай берілген топтық тапсырманы бірлесіп тез және дұрыс орындайтындығы. Жас ерекшеліктеріне сай әр сатыдағы қабылдау мүмкіндіктерін ескерсек, тапсырмалар бергенде оқушыда өздігінен танымдық, эмоционалдық, психомоторлық даму жүреді, сонда бала өзін-өзі дамытады .

Мақсатым: Оқушылардың жас ерекшеліктерін ескере отырып, есте сақтау, зейін тұрақтылығы және жадыны жақсарту арқылы танымдық қабілеттерін арттыру

Бұдан кейінгі сабақтарымда сын тұрғысынан ойлауға, оқыту үшін бағалау және оқуды бағалауға, оқыту мен оқуда ақпараттық-коммуникациялық технологияларды пайдалануға, талантты және дарынды балаларды оқытуға, оқушылардың жас ерекшеліктеріне сәйкес оқыту мен оқуға үйретуге, оқытуды басқару және көшбасшылыққа үйренуге талпынамын және әріптестерімді де жұмылдырамын. Оқыту үдерісінде қандай модульді алсақ та, ұстаздың басты міндеті баланы білімді қылып, алған білімді қолдана білуге үйрету.

Сабағымда кездескен кедергілерді тізбектеп өтетін болсам, алғашқы сабақтарда оқушылардың үрейленуі. Топқа бөлінгенде, тапсырмаларды орындағанда топта ынтымақтастық орната алмауы ,бір –бірінің пікірін тыңдамау , өздерін бағалау барысында жоғары баға қою секілді кедергілер болғандығы атап өткенді жөн санадым. Бірақ мұндай кедергілердің болашақта шешімін табуға болады деп ойладым.

Достарыңызбен бөлісу: