Құрылыстағы қызметті лицензиялау

Қазақстанда архитектуралық-құрылыс жұмыстарын жүргізу-ді лицензиялау төмендегі заң актілерінің негізінде жүзеге асы-рылады:

1)17.04.95 жылғы № 2200 «Қазақстан Республикасының Ли-цензиялау туралы заңы»;

2)16.07.01 жылғы № 242-2 «Қазақстан Республикасының Архитектура, сəулет-құрылыс қызметі жөніндегі заңы».

Лицензия алу үшін (қайта тіркелу үшін) кəсіпорындар ли-цензиялаудың қалалық орталығына келесі құжаттарды беруі қа-жет:

— техникалық аудитті жүзеге асыруға өкілетті кəсіпорынға лицензияны рəсімдеу (қайта рəсімдеу) мақсатымен аудит жүр-гізуді сұрау хаты;

— лицензиялаудың қалалық орталығына өтініш;

— кəсіпорында ұйымдастыру туралы бекітілген құжат неме-се тіркелген жарғы;

— тіркеу карточкасының көшірмесі;

— Əділет министрлігінде заңды тұлғаны мемлекеттік тіркеу туралы куəлігінің көшірмесі;

— лицензия сұралып отырған жүзеге асырылатын құрылыс-монтаждық жұмыс түрлерінің тізімі (Қазақстан Республикасын-дағы архитектуралық-құрылыстық қызметті лицензиялау бойын-ша құрылыстағы қызмет пен жұмыс классификаторына сəйкес);

— салынып жатқан, реконструкцияланатын жəне (немесе) жоспарланатын нысандардың тізімі, олардың мекен-жайы жəне қуаты. Өткізілетін (жоспарланған) жөндеу жұмыстарының тізімі;

— алдыңғы жылы орындалған əртүрлі құрылыс-монтаждық жұмыстардың көлемі;

— мамандардың біліктілік құрамы немесе оларды тарту мүмкіндігі туралы ақпараттар;

— өндірістік база туралы мəлімет;

— техникалық қамсыздандыру туралы мəлімет;

— сейсмикалық жағдайы бойынша куəлік;

— сапаны бақылау;

— жұмыс өндірісінің қауіпсіздігін қамтамасыз ету жүйесі;

— эксперттердің қорытындысы.

Тағы да бір айта кететін жай, лицензия материалды емес ак-тив ретінде қарастырылмайды, өйткені құрылыс-монтаждық жұмыстарды жүзеге асыруға берілетін лицензияның əрекет ету мерзімі 1 жылдан аспайды. Сондықтан да лицензия алатын (қай-та тіркелетін) шаруашылық субьектілердің техникалық аудиті бойынша қызметтерді төлеумен байланысты шығындар, лицен-зиялық жинақтар жəне лицензия алумен (қайта тіркеумен) байланысты басқа да шығындарды бухгалтерлік есепте болашақ кезең шығындары ретінде қайта алынған лицензияның əрекет ету мерзімі ішінде алдыңғы кезең ішінде көрсету қажет.